Psalm 61:7 - Tjukurpa Palya

⁷ Uwa Mayatja God, nganampa kingangka tiṯutjara tjungu ngaṟama paluṟu aṉangu tjuṯa mayatjangku aṯunymaṟa wiṟuṟa kanyintjaku. Munu palunya mukulyangku wankaṟu kanyinma tiṯutjarangku, panya mulapa nyuntu wantinytja wiyangku kanyilpai alatjiṯu.

Psalm 61:7 Iomraidhean Croise

Psalm 40:11

Mayatja God, wanyutju tiṯutjara ngaḻṯunytju ngaṟama. Munuṉi wankaṟu kanyinma panya nyuntun tiṯutjarangku mukulyangku aṯunymankupai, munu panyan kalkuntjatjanungku palyalpai alatjiṯu.

Genesis 24:27

munu alatji waḻkuṟa wangkangu, “Mayatja, nyuntu wiṟu mulapa, panya nyuntu ngayuku mayatja Aipuṟamaku God, munun palumpa mukuringkula wangaṉarangku kuliṟa palyaṉu panya nyuntu palunya kalkuntjatjanungku. Panya nyuntuṉin ankunyangka tjukaṟurungku nintinu ngayuku mayatjaku walytja tjuṯa, nyanga Nayukunu tjuṯa.”

Iipuṟuku 9:24

Panya Christanya tjarpanytja wiya watingku palyantjitjangka tiinta panya miḻmiḻṯa. Nyaratja arkaṟa palyantja ngura panya ilkaṟingka ngaṟanytja puṟunypa. Palu Christanya ngura ilkaṟitja mulata tjarpangu munu paluṟu Godala anga-wangkanyi nganampa ngalkiltu.

Luke-aku 1:33

Ka paluṟu mayatja puḻka mulapa rawa nyinaku Israelkunu tjuṯaku aṉangu kutjupa tjuṯaku kuḻu tiṯutjara alatjiṯu wiyaringkunytja wiya.” Nyanga palunya angeltu Mary-la wangkangu.

Genesis 32:10

Palu nyaakuṉin rawangku munytjangku unganyi munuṉin wiṟuṟa katiṟinanyi, panya ngayulu kurakura mantatja alatjiṯu. Panya ngayulu iriti puṉu tjukaratjara kutju karu uṟu Jordanta itipiringu Aaṟantakutu ankunytjikitja maṟalpa alatjiṯu, munuṉa kuwari nyanga tjuṯa mulartjara maḻaku pitjangu nyanga uṯuḻu kutjaratjara.