Psalm 3:4 - Tjukurpa Palya

⁴ Panya ngayulu nyuntula ulara tjapilpai wankaṟunkunytjaku, ka nyuntu mulapaṯu ngayunya puḻi miḻmiḻṯanguṟu alpamilalpai ngura pala Tjayantanguṟu.

Psalm 3:4 Iomraidhean Croise

Genesis 15:1

Ka nyara palulanguṟu Aipamanya ankula ngurangka wirkaṟa nyinangi. Munu paluṟu munga kutjupa tiinta unngu nyinara ira-nyakula nyangu kutjupa kutjupa irnyannyangka munu paluṟu kulinu wangka Godanya alatji wangkanyangka, “Aipama! Nguḻuringkuwiya nyinama. Ngayulu nyuntumpa kuṯitji puṟunypa, panya kura kutjupa kutjupa tjuṯangka-tawaraṉa nyuntula anga-ngaṟanyi. Munuṉa ngayulu nyuntunya ungkuku kutjupa kutjupa puḻka nyuntu ngayunya wangaṉarangku kulinnyangka.”

Psalm 91:15

Palu kura kutjupa kutjupa nyuntula utiringkunyangkampa ngayunya aḻṯi, kaṉa ngayulu kuliṟa nyuntula tjunguringkula nyuntunya wankaṟunkuku, kaya aṉangu kutjupa tjuṯangku nyuntunya wankaṟunkunyangka nyakula wangkaku, ‘Ai, wati nyangatja wiṟu mulapa.’

Matthew-ku 7:7

Munu palulanguṟu Jesulu tjananya Godala tjapintjaku wangkara nintiningi alatji, “Rawangkuya Godala ngatjinma nyura mukuringkunytjitjaku, ka nyuranya ungkuku. Munuya Godala rawangku tjapinma nyuranya tjukurpa palumpa nintintjaku, ka paluṟu nyuranya nintilku. Uwa, rawangkuya Godala tjapinma, panya aṉangungku tuwa pati ngaṟanyangka rawangku pungku-pungkupai pakaṟa alpamilantjaku, palu puṟunypa. Ka Godalu nyuranya kulilku, panya aṉangungku waḻi unngu nyinara tuwa pungku-pungkunyangka kuliṟa aḻaṟa ungkupai, palu puṟunypa Godalu rawangku tjapinnyangka kuliṟa ungkupai munu nintilpai munu alpamilalpai wantinytja wiyangku.

Jamesaku 5:13

Tjinguṟu aṉangu kutjupa nyuralanguṟu tjituṟu-tjituṟu puḻka nyinanyi kura kutjupa kutjupa palula utiringkunyangka. Uti paluṟu Godala tjapinma palunya alpamilantjaku. Ka tjinguṟu kutjupa nyuralanguṟu pukuḻpa nyinanyi. Uti paluṟu inma tjuṯa inkara Godanya waḻkunma.