Psalm 20:3 - Tjukurpa Palya

³ Uwa, Godalala tjapini nyuntumpa pukuḻarinytjaku nyuntu wiṟu tjuṯa palunya ungkula waḻkunnyangka.

Psalm 20:3 Iomraidhean Croise

Psalm 51:19

Nyuntu tjinguṟu alatji alpamilannyangkaya nyuntumpa aṉangu tjuṯa tjukaṟuru nyinaku, munuya mulamulangku kuranguṟu piiwiyaringkula kuka katiku pungkula pauṟa muluruṟa ungkunytjikitjangku nyuntunya. Ka nyuntu palumpa tjanampa puḻkaṟa pukuḻariku.

Acts 10:4

Ka paluṟu urulyaraṟa nguḻuringu munu angelpa panya palunya puḻkaṟa nyangangi, munu wangkangu, “Uwa mayatja! Nyaakun mukuringanyi?” Ka angeltu palula wangkangu, “Godanya nyuntumpa puḻkaṟa pukuḻarinyi nyuntu palula rawangku tjapinnyangka munu panya ngaḻṯutjara tjuṯa munytjangku ungkunyangka. Munu paluṟu nyuntunya kulintjatjanungku ngayunya wituṉu nyuntula wangkanytjaku.

Ipitjaku 5:2

Panya Christanya nganampa puḻkaṟa mukuringkula ngalkilpa ilungu ka Godanya palumpa puḻkaṟa pukuḻaringu. Ka nyura kuḻu uti palu puṟunypa aṉangu kutjupa tjuṯaku puḻkaṟa mukuringama.

1 Peterku 2:5

Panya paluṟu nyuranya Mayatja Jesulakutu pitjanyangka mantjiṟa palula tjunguṟa kanyilku, panya waḻi palyalpai tjuṯangku puḻi tjuṯa tjunkula tatilpai waḻi wiṟu palyantjikitjangku, nyara palu puṟunypa nyura Jesulakutu pitjanyangka Kurunpa Miḻmiḻṯu nyuranya palula tjunguṟa uṯuḻu kutju palyaṉi waḻi wiṟu puṟunypa nyura uwankara tjukurtjararingkula Godala miṟangka tjukaṟuru wiṟu mulapa ngaṟanytjaku. Munu nyura uwankarangku tjukurtjararingkula Godanya pukuḻṯu waḻkuṟa mirawaṉipai. Ka paluṟu puḻkaṟa pukuḻaripai nyura Jesuku Christaku mulamularingkula waḻkunnyangka.