Psalm 1:2 - Tjukurpa Palya

² Paluṟu tjana pukuḻaripai Godaku tjukurku munuya wangaṉarangku kulilpai, munuya nyakula wangkara tiṯutjarangku kulilpai kaḻaḻa mungangka kuḻu.

Psalm 1:2 Iomraidhean Croise

Genesis 24:63

Munu nyara palula nyinara paluṟu mungartji kutjupa ilytjikutu anu unytju, tjinguṟu urukulintjikitja. Munu ilytjingka ma-pitjala kata ma-katuṟa aḻa miṟantjikitjangku nyangu kamula tjuṯa ngalya-pitjanyangka.

Psalm 40:8

Uwa Mayatja God, ngayuluṉatju puḻkaṟa pukuḻaripai nyuntu mukuringkunytjitja tjuṯa palyantjikitja, panya ngayuluṉa nyuntumpa tjukurpa kurunpa winkingku tiṯutjarangku kulilpai.”

Luke-aku 18:7

Ka Godanya wanyu palu puṟunypa nyinanyi? Panya Godaku walytja tjuṯangku palula rawangku ulara tjapilpai mungangka kaḻaḻa kuḻu paluṟu tjananya alpamilantjaku. Ka paluṟu wanyu tjananya kuliṟa wantipai rawangku alpamilantja wiyangku?

Rome-aku 7:22

Ngayulu kurunpa winki Godaku tjukurku puḻkaṟa pukuḻarinyi.

1 Tjitja-lanikaku 2:9

Uwa walytja tjuṯa, nyura panya ninti nganaṉa panya nyurala nyinara Godaku tjukurta kutju waṟkarinytja wiya, palu panya kutjupa-aṟala waṟka kutjupa manikitjangku palyaningi kaḻaḻa mungangka kuḻu. Munula waṟka pala palulanguṟu mani mantjiṟa mai walytjangku payamilaṟa ngalkuningi nyurala ngatjintja wiyangku.

1 Timitjiku 4:15

Uwa, Godaku tjukurpa tjanala wangkara puḻkaṟa nintinma. Munu uwankara ngayulu nyuntunya wangkara wantinytja wangaṉarangku kuliṟa palyanma rawangku pakuringkunytja wiyangku. Kantaya tjuṯangku nyakuku nyuntu alatji tjukaṟurungku palyannyangka, munuya kulilku, “Mulapa nyangatja ma-nintipukaringkula wiṟu mulararinyi.”

2 Timitjiku 1:3

Palu ngayulu nyuntulanguṟu rawangku Godanya waḻkulpai nyuntu palunya wiṟuṟa waṉannyangka. Iriti panya ngayuku tjamu tjuṯangku Godanya waṉantjikitjangku nyanga alatji kuliningi, “Nyangatja iwara tjukaṟuru. Nyanga palulawanula anama.” Kaṉa ngayulu palu puṟunytjuṯu Godanya purkaṟangku waṉantjikitjangku alatji kulilpai, “Nyangatja iwara tjukaṟuru. Nyanga palulawanuṉa anama.” Munuṉa Godala tiṯutjarangku tjapilpai kaḻaḻa mungangka, munuṉa palula tjapiṟa nyuntunya kulilpai watarkurinytja wiyangku.

1 Johnku 5:3

Panya nganaṉa Godaku puḻkaṟa mukuringkula palumpa tjukurpa wangaṉarangku kuliṟa palyalpai. Ka tjinguṟu nyura wangkaku, “Wiya tjukurpa nyangatja wituwitu mulapa puṯu palyantjaku.” Palu wiya tjukurpa Godaku wituwitu wiya uti ngaṟanyi nyura nyakula kuliṟa palyantjaku.