Psalm 1:1 - Tjukurpa Palya

¹ Godalu pukuḻmankupai palula wangaṉarangku kulilpai tjuṯa. Nyara paluṟu tjana panya kuliṟa wantipai aṉangu kurangku tjananya wituwitunnyangka, munuya iwara kurangka ankunytjaku aḻṯinyangka wantipai, munuya Godanya kaṉany-kaṉanytju analpai tjuṯangka tjunguringkupai wiya.

Psalm 1:1 Iomraidhean Croise

Psalm 146:5

Mayatja Godanya nganampa tjamu tjuṯaku, mayatja Jacobaku tjanampa, munu nganampa kuḻu. Ka nganaṉa palunya kuliṟa mulamularingkunyangka paluṟu nganaṉanya alpamilalku. Nyara palulanguṟu kutju nganaṉa pukuḻpa nyinaku.

Psalm 146:9

Godalu malikitja tjuṯa aṯunymankupai ngura kutjupanguṟu pitjala nganampa ngurangka nyinanyangka, munu wanakaḻa tjiṯula tjuṯa kuḻu aṯunymankupai. Palu aṉangu tjuṯangku tiṯutjarangku kura kutju palyannyangka Godalu paiṟa iyalpai walytjangku kuliṟa kuraringkula ilunytjaku.

Matthew-ku 16:17

Ka Jesulu palula wangkangu, “Uwa mulapa Simon Jonah-kunu! Wiṟungkun wangkangu. Palu nyangatja wati kutjupangku nyuntula nintintja wiya, panya Mama ilkaṟitjangku nyuntunya nintinnyangka kutju nyuntu wangkangu.

Luke-aku 11:28

Palu Jesulu wangkangu palula, “Wiya, panya tjana kutjupa tjuṯa pukuḻpa mulapa nyinanyi, panya Godaku tjukurpa wangaṉarangku kuliṟa palyalpai tjuṯa.”

Johnku 13:17

Uwa, kuwari nyanga nyura nintiringu tjukurpa nyangaku, panya ngayulu mayatjangku nyuranya tjina paltjiṟa nintinu nyura palu puṟunypaṯu palyantjaku. Ka nyura nintiringkunytjatjanungku ngayunya arkaṟa palyannyangka Godalu nyuranya pukuḻmankuku.

Johnku 20:29

Ka Jesulu palula wangkangu, “Ngayunya nyakula kutjun ngayuku mulamularingu. Palu kutjupa tjuṯaya ngayuku nyakunytja wiya mulamularingkupai, nyara paluṟu tjana pukuḻpa mulapa nyinaku.”

Ipitjaku 6:13

Ka Godalu nyuranya witulyankunyangkaya wantinytja wiya kuwariṯu kuṉpuringama. Ka tjiṉṯu kutjupa Satantu tjana nyuranya kurantjikitjangku arkannyangka nyura punkantja wiya ngaṟaku kuṉpu. Munu rawangku arkannyangka nyura kuṉpu alatjiṯu ngaṟaku.

1 Peterku 4:3

Panya nyura ngaṉmanypa kurangka nyinangi Godaku ngurpa. Nyaratja nyura Godaku ngurpa nyinara kuṉṯa wiya aṉangu kutjupa kutjupangka ngaringi nyuranku mukuringkunytjitja kutju kuliṟa. Munu nyura tjunguringkula waina puḻka tjikiṟa taṟangkarira kutjupangka kutjupangka ngaripai kuri mulapa wantikatira. Munu panya nyura kurangku god ngalypa-ngalypa tjuṯa waḻkulpai nyinangi.

Revelation 22:14

“Panya aṉangungku mantara paltjilpai ka kilina mulapa ngaṟapai, pala palu puṟunypa nyuntu kurunpa kilina palya mulapa kanyiṟa pukuḻpa mulapa nyinaku munu nyara palulanguṟu mai ngalkuku puṉu wankanguṟu munuya kaitawanu tjarpara pukuḻpa mulapa nyinaku tawunu pala palula.