Paalimanku 1:7 - Tjukurpa Palya

⁷ Uwa mulapa nyuntu mukulyangku tjananya pukuḻmanangi Godaku walytja tjuṯa, kaṉa nyangatja kuliṟa kurunpa raparingu munuṉa puḻkaṟa pukuḻaringu.

Paalimanku 1:7 Iomraidhean Croise

2 Kaṟintjaku 7:13

Ka wati Taitatjalu kuwari pitjala ngalila tjakultjunu nyura ngalimpa puḻkaṟa mukuringkunytja. Kali palulanguṟu kuliṟa puḻkaṟa pukuḻaringu nyurampa. Munuli wati nyanga Taitatjanya nyurampa pukuḻarinyangka nyakula ngali kuḻu pukuḻaringi. Panya ngayulu lita panyatja wati palunya ungkul'iyaṉu nyuralakutu alatji wangkara, “Taitatja! Nyuntu tjanala wirkaṟa ngayulu tjukurpa wangkanytjitja tjakultjura, kaya nyuntula wangaṉarangku kulilku.” Alatjiṉa wati panya palunya wangkara iyaṉu nyuralakutu. Munuṉa lita panya palula nyurala tjukaṟurungku wangkangi, panya ngayulu tiṯutjarangku nyurala tjukurpa tjukaṟuru kutju wangkapai. Palu Taitatjalu ma-pakaṟa unngu kuliningi, “Tjinguṟuṉiya wantiku ngayulu Paulaku tjukurpa tjanala wangkanyangka.” Munu paluṟu nguḻuringangi nguwanpa lita panya palunya nyurala nintintjaku. Palu nyurala nintinnyangka nyura wangaṉarangku alatjiṯu kulinu Taitatjala, munu nyura ngayulu tjukaṟurungku wangkanytja kulinu. Ka nyara palulanguṟu Taitatjanya puḻkaṟa pukuḻaringu, munu paluṟu maḻaku wirkaṟa ngayula tjakultjunu nyura panya palumpa ngalimpa pukuḻarinytja. Kaṉa ngayulu ngapartji nyurampa puḻkaṟa pukuḻaringi.

2 Kaṟintjaku 7:4

Uwa, ngayulu nyurampa mulamularinganyi alatjiṯu. Munuṉa aṉangu tjuṯangka nyuranyatjara wangkara mirawaṉipai munuṉa nyuranya kuliṟa puḻkaṟa pukuḻaripai kurunpa winki. Panya pika kutjupa kutjupa tjuṯa ngayula wirkankupai ngayunya tjituṟu-tjituṟu palyantjikitja, palu nyuranya kuliṟaṉa puḻkaṟa alatjiṯu pukuḻarinyi.

1 Tjitja-lanikaku 2:13

Uwa, nganaṉa nyurampa puḻkaṟa pukuḻarira Godanya rawangku waḻkulpai, panya mungaṯu nganaṉa Godaku tjukurpa nyurala tjakultjunkunyangka nyura kuliṟa puḻkaṟa mulamularingu munu nyura alatji kulinu, “Nyanga paluṟu tjana mulapa Godaku tjukurpa wangkanyi, walytjangku kuliṟa wangkanytja wiyangku.” Nyara palulanguṟula Godanya waḻkulpai nyura tjukaṟurungku kulinnyangka. Ka panya nyura mulamularingkunyangka Godalu kuwari nyurala unngu tjukurpa panya palunya utini nyura kuliṟa palulawanu tjukaṟuru wiṟuṟa nyinanytjaku.

1 Tjitja-lanikaku 2:19

Uwa, nganaṉa nyuranya piṟuku nyakunytjikitja puḻkaṟa mukuringanyi, panya nganaṉa kulini mulapa nyura Jesuku walytjaringkula palunya tungun-tunguntu waṉalpai wantinytja wiyangku. Palulanguṟula nyurampa puḻkaṟa pukuḻarinyi. Panya ngula Mayatja Jesunya maḻaku pitjanyangka nyura palula miṟangka kuṉṯaringkuwiya rapa ngaṟaku palunya rawangku waṉantjatjanu. Kala nyara palula aṟa nganaṉa nyurampa puḻkaṟa pukuḻariku rapa ngaṟanyangka nyakula.

1 Tjitja-lanikaku 3:9

Munula Godala wangkara palunya pukuḻṯu alatjiṯu waḻkuṟa mirawaṉinyi, panya nyura nganaṉanya puḻkaṟa pukuḻmanu Jesunya tungun-tunguntu waṉaṟa.

2 Timitjiku 1:16

Palu wati kutjungkuṉi ini Anitji-puṟalu ngayunya pitjala nyangangi. Paluṟu kunyu ngura nyanga Rome-ala wirkaṟa waḻi kutjupangka kutjupangka ngayuku para-nguriningi munu tjailangka nyinanytja kuliṟa wantinytja wiya pitjala ngayula tjukaṟuru wirkanu munuṉi kurunpa puḻkaṟa pukuḻmanu. Kaṉa nyara palulanguṟu Mayatja Jesula tjapini wati panya palumpa walytja tjuṯaku ngaḻṯunytjungku wiṟuṟa kanyintjaku.

Paalimanku 1:20

Palu ngayulu nyuntunya tjapini nyuntu wati nyanga palumpa kalyparingkula palunya pukuḻṯu maḻakungku mantjintjaku, panya nyuntu Mayatja Jesunya kulilpai kuwari nyinanyi. Kaṉa palulanguṟu kuliṟa puḻkaṟa pukuḻariku nyuntu palunya maḻakungku mantjiṟa kanyinnyangka.

2 Johnku 1:4

Uwa kangkuṟu, nyuntumpa tjitji kutjupa tjarangkuya kunyu tjukurpa tjukaṟuru wangaṉarangku kuliṟa palulawanu nyinapai, panya Mamalu-maṉṯu nganaṉanya wangkangu wantinytja wiyangku rawangku kulilkatinytjaku. Kaṉa ngayulu nyangatja kuliṟa puḻkaṟa pukuḻaringu.