Matthew-ku 8:1 - Tjukurpa Palya

¹ Ka Jesulu apu paṉṯangka tjukurpa tjuṯa wangkara wiyaringkula ukalingu, kaya aṉangu tjuṯa mulatu palunya waṉaṉu.

Matthew-ku 8:1 Iomraidhean Croise

Matthew-ku 12:15

Ka Jesulu kulinu tjana palunya kukanymankunytja munu ngura nyara palunya wantikatira ngura kutjupakutu anu. Kaya aṉangu winkingku palunya waṉaṉu, ka Jesulu pikatjara tjuṯa uwankara pampuṟa palyaṟunguningi.

Matthew-ku 15:30

Ka aṉangu winki mulapa palulakutu pitjangi, munuya pikatjara tjuṯa kuḻukuḻu ngalya-katingi panya lurpalpai tjuṯa, kuṟu pati tjuṯa, nyumpu tjuṯa, tjaa pati tjuṯa, pina pati tjuṯa kuḻu munu pika kutjupa kutjupa tjuṯatjara kuḻu. Munuya ngalya-katira Jesula tjinangka itingka ngaritjunangi, ka tjananya uwankara palyaṟunguningi.

Matthew-ku 19:2

Ka aṉangu winki mulatu palunya waṉaningi, ka ngura nyara palula paluṟu pikatjara tjuṯa palulakutu katinyangka palyaṟunguningi.

Matthew-ku 20:29

Munu Jesunya tjana nintintja tjuṯa kuḻukuḻu ngura panya Jerichonya wantikatira ma-pakannyangka aṉangu tjuṯa mulatu tjananya waṉaningi.

Matthew-ku 4:25

Kaya aṉangu winkingku palunya rawangku waṉaningi, panya paluṟu tjanaya ngura tjuṯanguṟu kuliṟa pitjangu, ngura ilatja tjuṯanguṟu manta Galileelanguṟu, munu manta panya ngura tawunu 10-tjaranguṟu kuḻu. Munuya ngura pararitja tjuṯa kuḻu pitjangu manta panya Judealanguṟu, ngura Jerusalemalanguṟu, munu karu Jordanta kakaraṟanguṟu kuḻukuḻu.

Matthew-ku 7:29

Panya paluṟu Godalu nintinnyangka tjanala wangkangi nintingku alatjiṯu, wati panya Moseku tjukurpa nintilpai tjuṯangku puṟunypa wiya.

Matthew-ku 8:18

Ka Jesulu aṉangu tjuṯa mulararinyangka nyakula palumpa nintintja tjuṯangka wangkangu, “Wanyula uṟungka muṉkara pautangka tatiṟa ma-itipiri nyara manta kutjupakutu!”

Matthew-ku 8:2

Ka palulakutu wati kutju miṟi pikatjara pitjangu, panya pika nyara paluṟu kura puḻka wiyaringkunytja wiya tiṯutjara ngaṟapai. Munu paluṟu pitjala palula kuranyu tultjungaṟakatira alatji wangkara ngatjinu, “Mayatja nyuntu mukuringkulampaṉi pika nyangatja palyanma wiṟungku.”

Markaku 3:7

Munu Jesunya nintintja tjuṯatjara anu uṟu Galileelakutu, kaya ngura uṟu nyara palula ititja tjuṯanguṟu aṉangu tjuṯa mulapa tjunguringkula palunya waṉaṉu. Ka aṉangu kutjupa tjuṯa kuḻu kuliṟa palulakutu pitjangu ngura kutjupa kutjupa tjuṯanguṟu winki mulapa ngura Jerusalemalanguṟu, Judealanguṟu, Itumiyalanguṟu, munu karu Jordanta kakaraṟanguṟu kuḻukuḻu. Munuya ngura Tayala Tjaitanta pulalanguṟu kuḻu pitjangu munuya uwankara uṟu Galileela Jesula tjunguringu kakaraṟanguṟu, alinytjaranguṟu, uḻpaṟiranguṟu, munu wiluṟaranguṟu kuḻu, aṉangu winki mulapa. Panya aṉangu nyara paluṟu tjanaya kulinu Jesulu kunyu pikatjara tjuṯa palyantja munu tjukurpa wiṟu tjuṯa kuḻu wangkanytja, munuya palulanguṟu pitjangu palunya nyakunytjikitja.

Luke-aku 5:15

Ka tjukurpa panya paluṟu lipiringu ngura winkingka. Kaya aṉangu winki mulapa palulakutu pitjangi tjukurpa kulintjikitja paluṟu wangkanyangka. Kaya pikatjara tjuṯa kuḻu rawa pitjangi palyaṟunguntjaku.