Matthew-ku 5:8 - Tjukurpa Palya

⁸ Kutjupa tjuṯaya kurunpa winki mukuringkupai Godanya kutju pukuḻmankunytjikitja. Munu nyanga paluṟu tjana Godanya nyakuku, munuya palulanguṟu pukuḻpa mulapa nyinaku.

Matthew-ku 5:8 Iomraidhean Croise

Genesis 32:30

Ka Jacobalu wangkangu, “Ngayulu mulapa Godanya yunpa ilangku nyangu. Munuṉa ilangku nyakunytjatjanu nyangatja kuwari wankaṯu ngaṟanyi.” Munu palulanguṟu ngura palunya ininu Piniyalnga.

Psalm 51:10

Mayatja God, wanyuṉi kulintja kampa kutjupara, munuṉi tjukaṟurula nyuntula kutju wangaṉarangku kulintjaku.

Psalm 51:6

Ka nyuntu panya mukuringanyi ngayulu tjukaṟurungku unngu kulintjaku. Palulanguṟuṉi wanyu ngayunya unngu nintila nyuntu kulintjitja tjuṯa, kaṉa kuliṟa nyuntu mukuringkunytja kutju wangaṉarangku palyalku.

Acts 15:9

Panya paluṟu Jew wiya tjuṯa mauṉṯaṟa wantinytja wiyangku tjananya kuḻu kura palyannyangka kalypangku pungkuwiyangku wantingu mulamularingkunyangka nyakula. Panya paluṟu palunya tjananya munu nganaṉanya kuḻu tjunguṟa nyanganyi.

1 Kaṟintjaku 13:12

Panya kuwarila Godanya puṯu uti nyanganyi kalawatja ruwangka puṟunypa. Palu ngulala palunya ilangku uti nyakuku. Kuwarila Godanya puṯu nguwanpa kulini, palu ngulala palunya ilangku nyakula ninti mularariku. Panya Godanya nganampa ninti puḻka nyinanyi, palu puṟunypa nganaṉa ngula palumpa ninti mularariku munula ninti puḻka nyinaku.

2 Kaṟintjaku 7:1

Uwa, walytja wiṟu tjuṯa! Tjukurpa nyanga palunya tjananya Godalu nganaṉanya wangkara kalkuṉu. Kala palulanguṟu uti kura kutjupa kutjupa uwankara wantima pampuntja wiyangku kuraringkula Godalanguṟu paṯuringkunytjaku-tawara. Utila Godaku nguḻuringkula palula wangaṉarangku kuliṟa tjukaṟuru mulapa nyinama munula palunya kutju waḻkunma.

Tayitatjaku 1:15

Panya aṉangu palyanyku nyinapai tjuṯangku mai kutjupa kutjupa uwankara ngalkupai palya kuliṟa. Palu aṉangu ngunti kulilpai tjuṯangku Jesunya wantira mai kutjupa kutjupa uwankara kanpanmankupai. Panya nyara paluṟu tjana kulintja kawakawa kura mulapa, munuya puṯu tjukaṟurungku ngurkantankupai kura munu palya, munuya puṯu tjukaṟuru nyinapai.

Iipuṟuku 12:14

Rawangkuya kulinma mirpaṉtju wiya kalypa nyinanytjikitjangku munuyanku puḻkaṟa arkanma Godalawanu wiṟuṟa tjukaṟuru nyinanytjikitjangku. Panya nyura tjukaṟuru wiya nyinarampa Mayatjanya puṯu nyakuku.

Jamesaku 3:17

Palu panya Godalu nintipuka puḻkangku nganaṉanya nintilpai palya mulapa nyinanytjaku pukuḻpa kalypa mulapa aṉangu tjuṯangka tjungu. Nyara paluṟu kutjungku nintilpai aṉangu tjuṯangka purkaṟangku kulintjaku, munu kuranyitja tjuṯangka wangaṉarangku kulintjaku munu tjungungku palyantjaku, munu ngaḻṯunytjungku aṯunymaṟa kanyintjaku, munu aṉangu uwankaraku puḻkaṟa mukuringkunytjaku tjara wantinytja wiya, munu wangkara kalkuntjatjanungku tjukaṟurungku palyantjaku, tjaangku kutju wangkanytja wiyangku.

Jamesaku 4:8

Ka nyura Godala ilaringkunyangka paluṟu ngapartji nyurala ilaringkukuṯu. Kaya kura wantira kampa kutjaparira Godanya kutju kuliṟa mulamulangku waṉanma.

1 Peterku 1:22

Uwa, nyura panya tjukurpa tjukaṟuru Jesunyatjara wangaṉarangku kulintjatjanungku kura tjuṯa wantira palya mulapa nyinanyi munu nyura kuwari Jesuku walytja tjuṯaku puḻkaṟa mukuringanyi. Nyanga palulanguṟu nyuranku uti tiṯutjara puḻkaṟa mukuringama kurunpa winki.

Revelation 22:4

Munuya palunya yunpa nyakuku, munuya palumpa ini kanyilku ngalyangka walkatjuṟa wantinytja.