Matthew-ku 5:4 - Tjukurpa Palya

⁴ Kutjupa tjuṯaya tjituṟu-tjituṟu puḻka nyinanyi. Palu nyanga palunya tjananya Godalu ampuṟa pilunmankuku, kaya palulanguṟu pukuḻpa mulapa nyinaku.

Matthew-ku 5:4 Iomraidhean Croise

Aitjayaku 30:19

Ka nyura Jerusalemala nyinanytja tjuṯa piṟuku ulanytja wiyaringkuku, panya Mayatja Godalu ngaḻṯunytju puḻkangku nyura ulara tjapinnyangka kulilku, munu nyuranya wankaṟunkuku.

Luke-aku 16:25

“Palu Aipuṟamalu palula ngapartji wangkangu, ‘Katja, nyuntun kulini? Panya nyuntu mantangka nyinaran wiṟu tjuṯatjara nyinangi. Ka wati nyanga Lazarusanya ngaḻṯutjara nyinangi kura tjuṯatjara kutju. Palu paluṟu kuwari pukuḻpa mulapa nyinanyi ngura nyangangka. Kan kuwari nyuntu ngapartji pika puḻkatjara nyinanyi.

Luke-aku 6:21

Nyura kutjupa tjuṯa paḻtjatjiratja nyinanyi mai wiya. Palu nyuranya Godalu alatjiṯu paḻtjalku pukuḻpa nyinanytjaku, ka palulanguṟu nyura pukuḻpa nyinaku. Nyura kutjupa tjuṯa tjituṟu-tjituṟu nyinara ulanyi. Palu nyuranya Godalu ikaringkunytjaku palyalku, ka palulanguṟu nyura pukuḻpa nyinaku.

Luke-aku 6:25

Kaya paḻtja nyinanytja tjuṯa kuḻu kulila! Panya nyurampa tjituṟu-tjituṟu puḻka ngula ngaṟaku. Panya nyura mantangka nyanga paḻtja nyinanytjatjanu ngula paḻtjatjiratja puḻka nyinaku. Kaya ikaringkupai tjuṯa ngapartji kulila! Panya nyurampa tjituṟu-tjituṟu puḻka ngula ngaṟaku. Panya nyura mantangka nyanga ikaringkula pukuḻpa nyinanytjatjanu ngula tjituṟu-tjituṟu puḻka nyinara ulaku.

Luke-aku 7:38

Munu wirkaṟa nyangu tjana taipulangka antangku para-ngarira arintaṟa mai ngalkunnyangka, munu tjarpara Jesula maḻarku ngaṟala ulangi. Ka iḻanypa palula tjinangka punkaningi, ka pupakatira mangkangka muṉiṟa tjina nyunytjuningi munu uwila panya wiṟu paṉṯipai tjutiningi palula tjinangka.

Luke-aku 7:50

Palu Jesulu piṟuku wangkangu minyma panya palula, “Nyuntu ngayuku mulamularingkunyangka Godalu nyuntunya kuranguṟu wankaṟunu. Ka ankula pukuḻpa nyinama!”

Jamesaku 1:12

Uwa, kutjupa tjuṯangku nyuranya kuraṟa pungkunyangka nyura uti kuliṟa wantima munu tungun-tunguntu Godanya waṉanma. Ka Godanya nyakula nyurampa puḻkaṟa pukuḻariku, munu nyuranya wanka tiṯutjara nyinanytjaku wangkaku, panya alatji paluṟu kalkuṉu palumpa mukuringkupai tjuṯangka.

Revelation 21:4

munu tjananya paluṟu kuṟu iḻanypa muṉilku piṟuku tjuni kaṯakatira ulanytjaku wiya, kaya pukuḻpa kutju nyinaku. Kaya piṟuku ilunytja wiya ngaṟaku munuya piṟuku pika kuliṟa nyarinytja wiya nyinaku. Panya mantangkalpi nyanga palu puṟunypa tjuṯa ngaṟangi, nyanga paluṟu tjana uwankara wiyaringkuku kaya pukuḻpa mulapa kutju tiṯutjara nyinaku.”