Matthew-ku 3:4 - Tjukurpa Palya

⁴ Ka wati nyara palumpa mantara kamulaku iṉṯunguṟu palyantja, ka paluṟu kaṟilpa karpinu piltangka kukaku miṟinguṟu palyantjitjangka. Munu paluṟu tjiṉṯilyka tjuṯa munu tjuratja kuḻu ngalkuningi.

Matthew-ku 3:4 Iomraidhean Croise

Malakaiku 4:5

“Kulilaya! Ngula tjiṉṯu panya paluṟu wirkankuku puḻka mulapa uwankara urulyaraṟa nguḻuringkunytjaku. Palu tjiṉṯu panya palula kuwaripangkaṉa ngayulu wangkatjara Ilaitjanya iyalku,

Matthew-ku 11:18

Uwa, tjitji pala uṯuḻu kutjarangku pika-pikangku tjananku ngaparku wangkangi, pala palu puṟunytju nyura Johnnga ngalinya ngaparku pikaringkula wangkapai. Panya Johnnga pitjangu munu paluṟu waina tjikintja wiya nyinangi munu kutjupa-aṟa mai wantira Godala tjapilpai palumpa waṟka palyantjikitjangku. Ka panya nyura palunya ayinayini-palku nyakula mamutjaranmaṟa wantingi. Ka ngayulu Watiku Katjanya pitjangu munuṉa mai ngalkula waina kuḻu tjikiningi Johnnga puṟunypa nyinanytja wiyangku, ka panya nyura ngayunya nyakula palu puṟunypaṯu kuranmanangi alatji wangkara, ‘Palatja wati maiku manyu wainaku kuḻu, munu aṉangu kura tjuṯangka maḻparingkula tjungu nyinapai, panya wati kamantaku mani mantjilpai tjuṯangka munu aṉangu kura kutjupa tjuṯangka kuḻu.’ Palu palya nyura alatji kaṉany-kaṉanytju wangkapai palyangku-palku. Palu nyangatjaya kulila, panya Godanya ninti puḻka nyinanyi munu nintingku iwara tjukaṟuru palyaṉu aṉangu tjuṯangku waṉantjaku, kaya iwara nyara palunya waṉaṟa kutju kulilpai, ‘Munta-uwa, nyangatja iwara Godalu kuliṟa palyantja aṉangungku wiya.’ ”

Matthew-ku 11:8

Palu nyaaku nyura palunya nyakunytjikitja anu? Tjinguṟu nyura anu mantara wiṟutjara ngaṟanyangka nyakunytjikitja. Palu wiya, Johnnga palu puṟunypa wiya, panya wati mantara wiṟutjara mayatja puḻkaku waḻingka kutju nyinapai ilytjingka wiya.

Markaku 1:6

Ka Johnku panya mantara kamulaku iṉṯunguṟu palyantja, ka paluṟu kaṟilpa karpinu piltangka kukaku miṟinguṟu palyantjitjangka. Munu ilytjingka nyinara paluṟu tjiṉṯilyka tjuṯa ngalkupai tjuratja kuḻu.

Luke-aku 1:17

Munu paluṟu kuranyurira rapangku nguḻu wiyangku wangkaku Godaku tjukurpa, panya wati panya Ilaitjalu iriti Godaku tjukurtjara puḻkangku Godaku tjukurpa wangkangi, palu puṟunytju. Kaya mama tjuṯangku palunya kuliṟa kampa kutjuparira tjananku tjitji tjuṯa tjukaṟurungku mukulyangku aṯunymankuku. Munuya aṉangu kutjupa tjuṯangku kuḻu Godala tungunpungkunytjatjanungku paluṟu wangkanyangka kulilku munuya aṟuringkula Godala tjukaṟurungku kulilku. Uwa, wati nyara paluṟu aṉangu tjuṯa alatjirinytjaku palyalku tjana kuliṟa Mayatjaku aḻa-aḻa paṯaṟa nyinanytjaku.” Nyanga palunya angeltu wangkangu wati panya Tjakaṟayala.

Revelation 11:3

“Kaṉa wati wangkatjara kutjara witulyankuku munuṉa pulanya iyalku Godaku tjukurpa aṉangu tjuṯangka wangkanytjaku. Ka pula tjukurpa tjituṟu-tjituṟu para-tjakultjunkuku rawangku piṟa 42-aṟangku. Munu pula mantara walyku-walykungka tjarpara para-ngaṟaku aṉangu tjuṯangku nyakula kulintjaku tjukurpa tjituṟu-tjituṟu tjuṯa wangkanyangka.”