Matthew-ku 27:9 - Tjukurpa Palya9 Aṟa nyanga palunya panya wangkatjara ini Jeremiah-lu iriti nyiringka walkatjunu alatji, “Aṉangu Israelkunu kutjupa tjarangku ngayunya mani 30 kutju ungu ngayulu tjanampa palyannyangka. Faic an caibideil |
Panya tjukurpa nyanga palunya Mayatja Godalu ngaṉmanytju wangkara kalkuṉu wati wangkatjara ini Aitjayala nyanga alatji, “Kungkawaṟa nyiṯayi iṯitjararingkuku munu katja kanyilku, kaya palunya inilku ‘Imanyuwalnga’, panya ini nyanga paluṟu wangkanyi alatji, ‘Godanya nganaṉala tjungu nyinanytja.’ ” Alatji angeltu Josephala wangkangi. Ka mulapaṯu Godalu panya iriti kalkuntjanya utiringu.
Palu aṟa nyanga tjitji tjuṯa pungkula wiyantja palunya Mayatja Godalu ngaṉmanytju wangkangu wati wangkatjarangka ini Jeremiah-la ka paluṟu nyiringka walkatjunu nyanga alatji, “Ngura ini Raamalaya kulini aṉangu kutjupa puḻkaṟa ulanyangka. Nyara paluṟu minyma panya Raitjilnga palumpa tjitji tjuṯa wiyaringkunyangka puḻkaṟa tjituṟu-tjituṟurira ulanyi, kaya palunya puṯu pilunmananyi tjitji uwankara wiyaringkunyangka.” Ka tjukurpa panya paluṟu mulapaṯu utiringu ngura Bethlehemala.