Matthew-ku 26:53 - Tjukurpa Palya

⁵³ Nyuntu ngayuku ninti. Tjinguṟu ngayulu mukuringkulampa Mamala tjapinma ngayunya alpamilantjaku, ka paluṟu angelpa tjuṯa mulapa witunma panya minga puṟunypa, kaṉiya warmaḻarira pitjala ngalkinma alatjiṯu.

Matthew-ku 26:53 Iomraidhean Croise

Danielku 7:10

Ka waṟu uṟu puṟunypa palulanguṟu ukalingangi, Tiṯutjara Wanka Nyinapailanguṟu. Ka angelpa mungilyi mulapa palula kuranyu ngaṟala waṉaṟa palumpa palyaningi. Ka kuutpa tjaataringu aṉangu tjuṯa ngurkantankunytjaku, kaya nyiri tjuṯa aḻaṉu. Kaṉa uwankara nyakula waintaṟa nyangu yuṟuwilya panya kuḻunypangku kaṉany-kaṉanytju wangkanyangka, ka ngayulu nyakunnyangka mamu panya palunya kutjupangku iluntanu, panya aṉangu tjuṯa ngalkula wiyalpainya, munu palunya waṟungka tjarpatjunu kampara piḻṯiṟa wiyantjaku ka mulapaṯu piḻṯiringkula mulururingu.

Matthew-ku 25:31

Munu palulanguṟu Jesulu tjanala piṟuku wangkangu alatji, “Ngula Watiku Katjanya mayatja puḻka pitjaku angelpa winkitjara munu mayatja puḻkaku tjiya wiṟungka nyinakatiku.

Matthew-ku 4:11

Ka Satantu palunya wantikatingu, ka angelpa tjuṯangku pitjala palunya aṯunytju kanyiningi.

Markaku 5:15

Munuya pitjala nyangu Jesunya munu wati panya ngaṉmanypa mamutjara nyinanytjanya palula tjungu nyinanyangka mantaratjara, panya wati paluṟu kata palyaringkula nyinangi pilunpa. Kaya nyakula puḻkaṟa nguḻuringu Jesuku.

Markaku 5:9

Ka Jesulu palula tjapinu, “Palu nyuntu wanyu ini ngananya?” Ka wangkangu, “Ngayulu ini Tjuṯanya panya nganaṉa mamu tjuṯa mulapa wati nyanga palula nyinanyi.”

Luke-aku 8:30

Ka Jesulu wangkangu palula, “Palu nyuntu wanyu ini ngananya?” Ka wangkangu, “Nganaṉa ini ‘Tjuṯanya.’ ” Panya mamu tjuṯa mulapa wati palula unngu nyinangi.

Johnku 10:18

Kutjupa tjuṯangkuṉiya wanka puṯu wiyaṉi, palu ngayulu alatjiṯuṉatju intjanurinyi aṉangu tjuṯaku ngalkilpa. Ngayulu alatjiṯu mukuringkula ilunyi, munuṉa ngayulu alatjiṯu mukuringkula maḻaku wankaringanyi, panya Mamaluṉi wituṉu aṉangu tjuṯaku ngalkilpa ilunytjaku.”

Johnku 18:36

Ka Jesulu wangkangu, “Ngayulu panya mayatja mantatja tjuṯa puṟunypa wiya. Tjinguṟuya ngayulu mayatja mantatja nyinanyangkampa ngayunya waṉalpai tjuṯangku ngayulanguṟu anga-pikaringkula ngalkinma ngayunya Jewku mayatja tjuṯangku witintjaku-tawara. Palu ngayulu mayatja mantatja tjuṯa puṟunypa wiya.”

2 Tjitja-lanikaku 1:7

Munu paluṟu nyuranya pukuḻmaṟa wiṟuṟa kanyilku nganaṉanya kuḻu nyurala tjunguṟa, ka nyuntunya nganaṉanya puṯu piṟuku pikatjaralku. Panya Godalu nganaṉanya alatjinkuku ngula tjiṉṯu maḻatjangka Mayatja Jesunya ilkaṟinguṟu pitjanyangka. Panya nyara palula aṟa paluṟu witulya puḻka mulapa pitjaku angelpa mungilyitjara waṟu winkitjara puḻkaṟa nguḻuringkunytjaku.

Jude-aku 1:14

Uwa, nyura panya wati ini Iinakanya kulini panya iriti mulapa nyinangi Adamaku walytja maḻatja. Nyara paluṟu panya aṉangu nyanga palunya tjananya kuliṟa ngaṉmanytju tjukaṟurungku wangkangi alatji, “Kulinmaya, Mayatjanya pitjaku angelpa mungilyitjara.