Matthew-ku 2:23 - Tjukurpa Palya

²³ Ka paluṟu mulapaṯu anu munu wirkaṟa nyinangi tawunu ini Nazarethala. Panya aṟa nyanga Nazarethala ankula nyinanytja Mayatja Godalu ngaṉmanytju wangkangu wati wangkatjara tjuṯangka, kaya walkatjunu nyanga alatji, “Wati nyara Godalu kalkuntjanya ngura ini Nazarethala nyinaku, kaya aṉangu tjuṯangku palunya wangkaku wati Nazarethanya nguraṟa.” Ka Josephalu Jesunya Nazarethalakutu katinyangka tjukurpa nyanga paluṟu mulapaṯu utiringu.

Matthew-ku 2:23 Iomraidhean Croise

Matthew-ku 1:22

Panya tjukurpa nyanga palunya Mayatja Godalu ngaṉmanytju wangkara kalkuṉu wati wangkatjara ini Aitjayala nyanga alatji, “Kungkawaṟa nyiṯayi iṯitjararingkuku munu katja kanyilku, kaya palunya inilku ‘Imanyuwalnga’, panya ini nyanga paluṟu wangkanyi alatji, ‘Godanya nganaṉala tjungu nyinanytja.’ ” Alatji angeltu Josephala wangkangi. Ka mulapaṯu Godalu panya iriti kalkuntjanya utiringu.

Matthew-ku 21:11

Kaya kutjupa tjarangku palumpa nintingku wangkangu, “Wiya, Jesunya panya palatja, Godaku panya wangkatjara, ngura panya Nazarethanya nguraṟa manta nyara Galileelanguṟu.”

Matthew-ku 26:71

Munu ma-pitjala kaitangka itingka ngaṟangi. Ka kungkawaṟa waṟka kutjupangku ngapartji palunya nyakula wati tjuṯangka wangkangu, “Wati nyara paluṟu kuḻu Jesula tjungu para-ngaṟapai wati panya Nazarethanya nguraṟangka.”

Markaku 1:24

“Jesu Nazarethanya nguraṟa, nyuntu nganaṉanya nyaantjikitja pitjangu? Nganaṉanya iluntankunytjikitjan pitjangu? Ngayulu nyuntumpa ninti. Nyuntun wangkatjara Godalanguṟu pitjanytja miḻmiḻpa alatjiṯu.”

Markaku 1:9

Ka nyara palula aṟangka Jesunya tjaṟukutu anu Nazarethalanguṟu uṟu panya Galileela itinguṟu, munu karu Jordanta wirkanu, ka Johntu palunya uṟungka tjarpatjuṟa baptise-katingu.

Luke-aku 1:26

Ka piṟa maṉkur-maṉkurpa wiyaringkunyangka Elizabethanya tjuni puḻkaringu. Ka Godalu iyaṉu angelpa ini Gabrielnga kungkawaṟa nyiṯayikutu ini Mary-lakutu. Kungkawaṟa nyanga paluṟu ngura ini Nazarethala nyinangi uṟu Galileela wiluṟara munu paluṟu wati ini Josephalu ngaṉmanytju kalkuntja nyinangi aḻṯinytja wiyaṯu. Wati nyanga paluṟu mayatja Davidaku walytjapitinguṟu utiringkula nyinangi. Palu nyanga pula aḻṯinytja wiyaṯu kuwaripa nyinangi paṯaṟa.

Luke-aku 18:37

Kaya palula wangkangu, “Wiya, Jesunya wati-pitjanyi panya Nazarethanya nguraṟa.”

Luke-aku 2:39

Ka nyara palulanguṟu Josephalu pula Mary-lu uwankara palyaṟa wiyaṉu Moseku tjukurta ngaṟanytjitja. Munu pula palula maḻangka timpulangka waṟka wiyaṟa anu maḻaku ngura Nazarethalakutu.

Johnku 18:5

Kaya wangkangu, “Jesunya Nazarethanya nguraṟala ngurini.” Ka Jesulu wangkangu tjanala, “Uwa, ngayuluṉa ini nyanga paluṟu.” Ka Judasanya panya tjaultji tjuṯangka tjungu ngaṟangi Jesunya tjanala witintjaku nintintjikitjangku.

Johnku 18:7

Ka Jesulu piṟuku tjanala tjapinu, “Ngananya nyura ngurini?” Kaya piṟuku wangkangu, “Panya Jesunya Nazarethanya nguraṟala ngurini.”

Johnku 19:19

Ka Pilate-alu ngaṉmanytju kutjupangka wangkangu puṉu tjilpirta ini walkatjuṟa Jesula katu puṉungka tjunguṟa wakantjaku nyanga alatji, Jesunya Nazarethanya Nguraṟa Jew Tjuṯaku Mayatja Puḻka

Acts 2:22

Munu wangkangu, “Aṉangu tjuṯa, kulilaṉiya! Panya Jesunya Nazarethanya nguraṟa wati Godalu iyantja, panya paluṟu kutjupa kutjupa puḻka tjuṯa witulyangku palyaningi nyurala miṟangka, ka panya nyura palyannyangka nyakula kuliningi, ‘Awari! Wiṟu mulapa nyangangku palyaṉi.’ Nyara palulanguṟu nyura uti kulinma wati nyanga paluṟu panya Godalanguṟu pitjanytja.

Acts 24:5

Panya wati nyangangku nganaṉanya aṉangu Jew tjuṯa ngura winkitja tjituṟu-tjituṟuringkula pikaringkunytjaku palyalpai, kala palulanguṟu mirpaṉarira puḻkaṟa ngalytjurmaṟa mirapai. Panya aṉangu kutjupa tjuṯangkuya wati Nazarethanya nguraṟa waṉaṟinkupai Jesunya panya, ka panya wati nyanga paluṟu palumpa tjanampa mayatja nyinanyi.