Matthew-ku 2:2 - Tjukurpa Palya

² Munuya paluṟu tjana Jerusalemala wirkaṟa aṉangu nguratja tjuṯangka tjapinu, “Yaaltjingka iṯi panya paluṟu wirkanu, panya Jew tjuṯaku mayatja puḻka? Panya nganaṉa ngura nyara kakaraṟa nyinara nyangu kililpi puḻka kuwari kutju utiringkula nyinanyangka munula kililpi nyara palunya nyakunytjatjanungku kulinu, ‘Munta-uwa kunyu panyatja Jew tjuṯaku mayatja puḻka iṯi wirkankunyangka alatjiriku.’ Munula nyangatja kuwari pitjangu palunya waḻkuntjikitja.”

Matthew-ku 2:2 Iomraidhean Croise

Matthew-ku 2:3

Ka mayatja panya Iṟatalu kulinu wati panya paluṟu tjana iṯi mayatja puḻkanmaṟa ngurinnyangka, munu paluṟu nyaṟaringangi kuliṟa, “Tjinguṟu iṯi paluṟu puḻkaringkula ngayula tungunpungkula ngayuku aṟangka mayatjariku.” Ka Iṟatanya nyaṟaringkunyangka aṉangu Jerusalemala nyinanytja uwankara palumpa nguḻuringangi.

Matthew-ku 21:5

“Tjanala wangka ngura Tjayanta nyinanytja tjuṯangka nyanga alatji, ‘Nyawaya! Nyurampa mayatja puḻka kuwari nyurala wirkananyi. Paluṟu ngaḻṯutjara puṟunyarira tangkiyingka tatiṟa pitjanyi kaṉany-kaṉanypa wiya. Uwa, paluṟu nyuralakutu pitjanyi tangkiyi kuḻunytja tatiṟa.’ ”

Matthew-ku 27:11

Kaya Jesunya katira Pilate-ala kuranyu ngaṟatjunu, ka Pilate-alu palula tjapiningi alatji wangkara, “Nyuntu wanyu mulapa Jew tjuṯaku mayatja puḻka?” Ka Jesulu wangkangu, “Uwa, pala wangkanyin.”

Luke-aku 19:38

Munuya Godanya mirawaṉingi alatji wangkara, “Mayatja God, nyanga palunya puḻkaṟa pukuḻmanama, panya nyuntu palunya iyaṉu nganaṉanya mayatjarira kanyintjaku. Kuwari nganampa God Ilkaṟitjanya aṉangu tjuṯaku kalyparingu. Kala palunya waḻkuṟa mirawaṉima katutja puḻkanya!”

Luke-aku 2:11

Kuwari nyanga Mayatja Davidaku ngurangka iṯi wirkanu nyuranya wankaṟunkunytjikitja panya Christanya Mayatjanya.

Luke-aku 23:3

Ka Pilate-alu tjapinu Jesunya, “Nyuntu wanyu mulapa Jew tjuṯaku mayatja puḻka?” Ka Jesulu wangkangu, “Uwa, pala wangkanyin.”

Luke-aku 23:38

Ka walkatjuṟa utitjunkunytja palula katangka katu ngaṟangi alatji, Nyangatja Jew Tjuṯaku Mayatja Puḻka.

Johnku 1:49

Ka Natjanyultu wangkangu, “Nintilpai, mulapa nyuntu Godaku Katja, mayatja puḻka Israelkunu tjuṯaku.”

Johnku 18:37

Ka Pilate-alu wangkangu, “Palu nyuntun wanyu mayatja puḻka?” Ka Jesulu wangkangu, “Tjukaṟurungku palan wangkanyi. Panya ngayulu mantakutu pitjala iṯi ngaringu tjukurpa tjukaṟuru kutju wangkanytjikitja. Nyanga palunyakitjaṉa pitjangu. Ka aṉangu kutjupangku tjukurpa tjukaṟuruku mukuringkula ngayulu wangkanyangka wangaṉarangku kulilpai.”

Johnku 19:19

Ka Pilate-alu ngaṉmanytju kutjupangka wangkangu puṉu tjilpirta ini walkatjuṟa Jesula katu puṉungka tjunguṟa wakantjaku nyanga alatji, Jesunya Nazarethanya Nguraṟa Jew Tjuṯaku Mayatja Puḻka

Johnku 20:28

Ka Thomasalu nyakula mulamularingu munu wangkangu palula, “Mulapan nyuntu ngayuku Mayatja Godanya!”

Johnku 5:23

Alatji paluṟu palyaṉu aṉangu uwankarangku ngayunya ngurkantaṟa waḻkuntjaku, panya Mamanya nyura waḻkulpai, palu puṟunytjuṯu nyura ngayunya waḻkuntjaku. Palu nyura ngayunya anaṟampa nyura Mamanya kuḻu anaṉi panya nyara paluṟuṉi ngayunya iyaṉu.”

Johnku 9:38

Ka wati panya paluṟu wangkangu, “Ngayulu nyuntumpa puḻkaṟa mulapa mulamularinganyi.” Munu paluṟu Jesula tjinangka tultjungaṟakatira palunya waḻkuṉu.

Iipuṟuku 1:6

Panya palumpa katja kutjukuṟutja mantakutu iyantjikitjangku kuliṟa Godalu wangkangu alatji, “Angelpa uwankarangkuya kulinma munuya nyanga palunya waḻkunma.”

Revelation 22:16

Munuṉi piṟuku Jesulu wangkangu, “Ngayuluṉa angelpa nyuntulakutu wituṉu tjukurpa nyangatja nyuntula tjakultjunkunytjaku nyuntu ngapartji ma-tjakultjunkunytjaku tjanala ngayuku walytja tjuṯangka ngura kutjupa kutjupangka nyinanyangka. Panya iriti Davidanya mayatja puḻka nyinangi, nyara palumpa pakaḻi maḻatja ngayulu nyinanyi. Ngayuluṉa kililpi panya tjiṉṯukutu pakalpainya, palu puṟunypa.”