Matthew-ku 2:16 - Tjukurpa Palya

¹⁶ Ka mayatja Iṟatalu wati panya ninti maṉkurku puṯu paṯaṟa kulinu, “Munta, paluṟu tjana-manti wantira kampangkaṯu anu maḻaku tjanampa ngurakutu.” Munu paluṟu puḻkaṟa alatjiṯu mirpaṉarira palumpa tjaultji tjuṯa wituṉu iṯi nyiṯayira uwankara iluntankunytjaku ngura nyara Bethlehemala nyinanytja tjuṯa munu ngura palula itingka nyinanytja tjuṯa kuḻukuḻu. Munu paluṟu wangkangu iṯi puḻka-puḻka tjuṯa kuḻu pungkunytjaku panya kuḻi kutjara nyinanytja tjuṯa kuḻu. Panya paluṟu wati panya ninti maṉkurta tjapintjatjanungku kuliningi, “Tjinguṟu paluṟu iṯi kuḻunypa, munta tjinguṟu tjitji puḻka-puḻka tjina ankupai.” Kaya palumpa tjaultji tjuṯangku mulapaṯu tjitji palunya tjananya uwankara pungkula wiyaṉu.

Matthew-ku 2:16 Iomraidhean Croise

Genesis 39:14

Munu paluṟu ngunti kampa kutjupaṟa wangkanytjikitjangku kuliningi munu waṟkaripai tjuṯa aḻṯira wangkangu, “Kuuta nyangatjaya nyawa. Wati panya Iipuṟungku nyangatja wantikatira nguḻu wirtjapakaṉu, panya paluṟu ngayulakutu pitjangu munuṉi witiṉu ngarilyinkunytjikitjangku. Kaṉa puḻkaṟa mirangu. Ka paluṟu upukuta wantikatira nguḻu wirtjapakaṉu. Ngunti palunya ngayuku miitangku palya-palku mantjinu, kaṉi ngayunya kuraṉu.”

Genesis 39:17

Munu Putipanya ngurangka wirkankunyangka nyakula piṟuku wangkangu ngunti, “Wati panya Iipuṟungkuṉi kuraṉu nyuntumpa panya waṟkangku. Paluṟuṉi pitjala witiṉu watarku nyinanyangka ngarilyinkunytjikitjangku.

Danielku 3:13

Ka mayatja panya kuliṟa puḻkaṟa alatjiṯu waṟuringkula mirpaṉaringu munu wangkangu, “Palunya tjananyaya ngalya-kati!”

Matthew-ku 2:1

Ka Jesunya iṯi ngaringu ngura ini Bethlehemala manta panya Judeala, ka nyara palula aṟa wati ini Iṟatanya Judeaku mayatja puḻka nyinangi. Kaya Jesunya iṯi ngarinyangka maḻangka wati ninti maṉkurpa kakaraṟanguṟu pitjangu Jerusalemalakutu. Wati nyanga paluṟu tjana panya tiṯutjarangku kililpi tjuṯa nyinara nyakupai munuya nyara palulanguṟu aṟa tjuṯa kulilpai nyakunytjatjanungku.

Matthew-ku 2:17

Palu aṟa nyanga tjitji tjuṯa pungkula wiyantja palunya Mayatja Godalu ngaṉmanytju wangkangu wati wangkatjarangka ini Jeremiah-la ka paluṟu nyiringka walkatjunu nyanga alatji, “Ngura ini Raamalaya kulini aṉangu kutjupa puḻkaṟa ulanyangka. Nyara paluṟu minyma panya Raitjilnga palumpa tjitji tjuṯa wiyaringkunyangka puḻkaṟa tjituṟu-tjituṟurira ulanyi, kaya palunya puṯu pilunmananyi tjitji uwankara wiyaringkunyangka.” Ka tjukurpa panya paluṟu mulapaṯu utiringu ngura Bethlehemala.

Matthew-ku 2:7

Ka palula maḻangka paluṟu wati panya ninti maṉkurpa kampangkaṯu aḻṯira tjanala tjapiningi, “Yaalaṟa kililpi panya paluṟu utiringu?” Kaya palula tjakultjunu.

Revelation 12:4

Munu waṉampi paluṟu wipungku kililpi kutjupatjara uritjingaṟa ilkaṟinguṟu waṉingu mantakutu munu paluṟu minyma panya palula kuranyurira ngaṟangi tjitji palumpa wirkankunyangka ngalkuntjikitja.

Revelation 17:6

Kaṉa nyangu minyma panya palunya taṟangka nyinanyangka. Panya paluṟu Godaku walytja tjuṯa rawangku iluntara iluntara puḻkaṟa pukuḻaringi, munu taṟangka puṟunypa nyinangi. Paluṟu Jesunya tungun-tunguntu waṉalpai tjuṯa pungkula wiyantjatjanu puḻkaṟa alatjiṯu pukuḻaringu. Kaṉa minyma nyanga palunya nyakula puḻkaṟa kawaṟu-kawaṟuringu.