Matthew-ku 15:2 - Tjukurpa Palya

² “Nyaakuya panyatja nyuntumpa nintintja tjuṯangku tjamuku tjanampa aṟa tjuṯa wangaṉarangku kuliṟa palyantja wiyangku wantinyi munuya maṟa paltjilwiyangku ngalkuni?”

Matthew-ku 15:2 Iomraidhean Croise

Genesis 1:14

Ka Godalu wangkangu, “Ilkaṟingka pala tili tjuṯa utiriwa nyinara manta irnyantjikitja kutju kaḻaḻaku, kutjupa tjuṯa mungaku.” Munu Godalu tili puḻka kutjara tjunu, kutju puḻka mulapa ini tjiṉṯu kaḻaḻa irnyantjaku, munu kutjupa tjuku nguwanpa ini piṟa mungangka irnyantjaku. Munu paluṟu kililpi tjuṯa mulapa ilkaṟingka tjunu mungangka irnyantjaku. Munu Godalu wangkangu, “Tili nyanga palula tjanalanguṟuya aṉangu tjuṯangku nyakula kulilku tjiṉṯuringkunyangka munu mungaringkunyangka munuya piṟa ma-ngarinyangka nyakula kulilku piṟa kutju ngaṟala wiyaringkunytja, munuya palulanguṟu kuḻi, nyiṉnga, piriyakutu kuḻu ngurkantankuku.” Ka mulapaṯu uwankara alatjiringu Godalu wangkanyangka.

Matthew-ku 15:3

Ka Jesulu wangkangu tjanala, “Ka nyura kuḻu nyaaku wanyu Godalu wituntjitja tjuṯa kuliṟa wantinyi? Panya nyura Godaku tjukurpa wantipai nyurampa tjamu tjuṯaku aṟa kutju kuliṟa palyantjikitjangku.

Markaku 7:2

Munuya nyangangi Jesuku nintintja tjuṯangku mai ngalkunnyangka. Palu paluṟu tjana tjamutja-aṟangka maṟa paltjintja wiyangku ngalkuningi.

Markaku 7:5

Kaya Paṟatji panya tjuṯangku munu wati Moseku tjukurpa nintilpai tjuṯangku kuḻu Jesula wangkangu alatji, “Nyaakuya nyuntumpa nintintja tjuṯangku tjamuku tjanampa aṟa tjuṯa wangaṉarangku kuliṟa palyantja wiyangku wantinyi munuya maṟa paltjilwiyangku ngalkuni?”

Luke-aku 11:38

Ka wati panya Paṟatjingku Jesunya nyakula puḻkaṟa urulyaraṟa kuliningi, “Ai, nyangangku aṟa nganampangka ngaṉmanytju manyirka paltjintja wiyaṯu mai ngalkuntjikitjangku.”

Kalaitjiyaku 1:14

Panya ngayulu mulapa Jew tjuṯaku tjukurku ninti puḻka nyinangi ngayuku ngalungku tjuṯangka waintaṟa, munu ngayulu tjamuku tjanampa aṟaku puḻkaṟa alatjiṯu mukuringangi.

Kalatjiku 2:8

Kulilaya! Tjinguṟu nyuranya aṉangu kutjupa tjuṯangku wituwitulku Godaku iwara wantira tjananya waṉantjaku. Palu kuliṟaya wantima tjananya waṉantja wiyangku, panya paluṟu tjana ninti puḻkangku-palku tjukurpa wiṟu-palku wangkapai. Palu palumpa tjanampa tjukurpa ngunti alatjiṯu ngaṟanyi tjukaṟuru wiya, panya tjana aṉanguku tjukurpa tjuṯa kulilpai irititja tjuṯa, munuya tjukurpa mantatja tjuṯa kutju kulintjatjanungku wangkapai. Palu tjukurpa nyanga paluṟu tjana kura Christalanguṟu wiya.

1 Peterku 1:18

Nyura panya tjamuku aṟangka ngaṉmanypa nyinangi, palu aṟa nyara palulawanu nyinara nyura iwara kura puṯu wantikatingi. Ka panya kuwari nyuranya Godalu iwara kurangka ngaṟanyangka mantjiṟa iwara palyangka tjunu palumpa walytjaringkunytjaku. Palu kulilaya, yaaltji-yaaltjingku Godalu nyuranya kurangka ngaṟanyangka mantjinu munu wankaṟunu? Paluṟu wanyu mani puḻka ungkula nyuranya mantjinu? Wiya, panya mani mantatja kutju unytju ngaṟala wiyaringkupai. Palu panya Godalu nyuranya mantjinu Jesula Christalawanungku panya paluṟu puṉu kaṯakutjarangka milkaḻi tjutinytjitjanguṟu. Nyara paluṟu panya lamalama wiṟu mulapa ungkunytja puṟunypa, panya wati tjukurtjarangku nganampa kuranguṟu lamalama pungkula Godanya ungkupai palunya pukuḻmankunytjikitjangku, nyara palu puṟunypa Jesunya nganampa lamalama wiṟu mulapa ngalkilpa ilungu Godalu nganaṉanya kura tjuṯa palyantjitjanguṟu kalypangku pungkuwiyangku wantinytjaku. Jesunya milkaḻi tjutinytjitjanguṟu Godalu wiṟu mulapa nganampa palyaṉu nganaṉa iwara kuranguṟu kaṟalyarira iwara palyangka ankunytjaku Godaku walytja mulapa.