Matthew-ku 13:9 - Tjukurpa Palya

⁹ “Uwa, nyura nintiringkunytjikitja mukuringkulampa purkaṟangku kulinma ngayulu nyanga kuwari nyurala wangkanytja.”

Matthew-ku 13:9 Iomraidhean Croise

Matthew-ku 11:15

Uwa, nyura nintiringkunytjikitja mukuringkulampa purkaṟangku kulinma ngayulu panya kuwari nyurala wangkanytja.”

Matthew-ku 13:10

Kaya nintintja tjuṯangku pitjala Jesula tjapiningi, “Nyaakun tjukurpa nyanga palu puṟunypa tjuṯa aṉangu tjuṯangka wangkapai aṟa kutjupa kutjupa tjuṯatjara?”

Matthew-ku 13:16

Munu Jesulu palumpa nintintja tjuṯangka wangkangu, “Palu nyura panya ngayunya kuṟu walytjangku nyanganyi, munuṉi ngayulu wangkanyangka pina walytjangku kulini. Pala palulanguṟu nyura puḻkaṟa pukuḻarinyi.

Markaku 4:23

Uwa, nyura pina aḻangku kuliṟampa ngalya-kulinma tjukurpa nyanga ngayulu nyurala wangkanytja.”

Markaku 4:9

Munu Jesulu tjukurpa wangkara wiyaringkula piṟuku wangkangu tjanala alatji, “Uwa, nyura pina aḻangku kuliṟampa ngalya-kulinma tjukurpa nyanga ngayulu kuwari nyurala wangkanytja.”

Revelation 2:11

Uwa, nyura pina aḻa ngaṟalampa wanyu ngalya-kulinma Kurunpa Miḻmiḻṯu wangkanyangka Godaku walytja tjuṯangka. Palu nyuranya anannyangka wantinytja wiyangkuṉi tiṯutjarangku tungun-tunguntu waṉanma. Ka alatji rawangku waṉannyangkaṉa nyuranya wankaṟu kanyilku waṟungka panya ilunytjaku-tawara. Uwa, wanyu tjanampa nyanga alatji walkatjuṟa ma-iyala panya ngayuku walytja tjuṯakutu nyara Muunala nyinanytja tjuṯakutu.”

Revelation 2:17

Uwa, nyura pina aḻa ngaṟalampa wanyu ngalya-kulinma Kurunpa Miḻmiḻṯu wangkanyangka Godaku walytja tjuṯangka. Munu tjana nyuranya anaṟa wangkanyangka ngayunya wantinytja wiyangku rawangku waṉanma. Ka aṉangungkumpa alatji ngayunya tungun-tunguntu waṉannyangka ngayulu palunya ungkuku mai kumpilitja ini panya manna, munuṉa piṟukuṯu palunya ungkuku apu piṟanpa ini palunyatjara, ini kuwaritja. Ka paluṟu kutju initjara mantjiṟa ninti nyinaku, kaya kutjupa uwankara ngurpa nyinaku ini pala palumpa. Uwa, wanyu tjanampa nyanga alatji walkatjuṟa ma-iyala panya ngayuku walytja tjuṯakutu nyara Puukamala nyinanytja tjuṯakutu.”

Revelation 2:29

Uwa, nyura pina aḻa ngaṟalampa wanyu ngalya-kulinma Kurunpa Miḻmiḻṯu wangkanyangka Godaku walytja tjuṯangka. Uwa, wanyu tjanampa nyanga alatji walkatjuṟa ma-iyala panya ngayuku walytja tjuṯakutu nyara Tjayatiṟala nyinanytja tjuṯakutu.”

Revelation 2:7

Uwa, nyura pina aḻa ngaṟalampa wanyu ngalya-kulinma Kurunpa Miḻmiḻṯu wangkanyangka Godaku walytja tjuṯangka. Palu kutjupa tjuṯangku nyuranya wangkanyangkaya ngayunya kulinma wantinytja wiyangku munuṉi tiṯutjarangku ngayunya tungun-tunguntu waṉanma. Kaṉa alatji wiṟuṟa waṉannyangka nyuranya tjunkuku Godaku ngura wiṟungka mai wanka ngalkuntjaku. Panya Mamaku ngurangka puṉu wankaṟunkupai ngaṟanyi, ka nyura puṉu palulanguṟu mai ngalkula wanka tiṯutjara nyinaku. Uwa, alatji tjanampa walkatjura ngayuku walytja tjuṯaku ngura nyara Ipitjala nyinanytja tjuṯaku.”

Revelation 3:13

Uwa, nyura pina aḻangku kuliṟampa ngalya-kulinma Kurunpa Miḻmiḻṯu wangkanyangka Godaku walytja tjuṯangka. Uwa, wanyu tjanampa nyanga alatji walkatjuṟa ma-iyala panya ngayuku walytja tjuṯakutu nyara Pila-talpiyala nyinanytja tjuṯakutu.”

Revelation 3:22

Uwa, nyura pina aḻangkumpa ngalya-kulinma Kurunpa Miḻmiḻṯu wangkanyangka Godaku walytja tjuṯangka. Uwa, wanyu tjanampa nyanga alatji walkatjuṟa ma-iyala panya ngayuku walytja tjuṯakutu nyara Layatiyala nyinanytja tjuṯaku.”

Revelation 3:6

Uwa, nyura pina aḻangkumpa ngalya-kulinma Kurunpa Miḻmiḻṯu wangkanyangka Godaku walytja tjuṯangka. Uwa, wanyu tjanampa nyanga alatji walkatjuṟa ma-iyala panya ngayuku walytja tjuṯakutu nyara Tjaatitjala nyinanytja tjuṯakutu.”