Johnku 18:3 - Tjukurpa Palya

³ Kaya ngura nyara Jerusalemala tjukurtjara kuranyitja tjuṯangku, Paṟatji tjuṯangku kuḻu wati timpula aṯunymankupai tjuṯa wituṉu Judasala tjunguringkula ankunytjaku, ka tjananya katingu nintingku kaana nyara palulakutu wati Rome-anya nguraṟa tjaultji tjuṯa kuḻu. Kaya ma-pitjala wirkanu ngura nyara palula kuḻaṯa tjilira, waṟu tili tjaatjara kuḻu.

Johnku 18:3 Iomraidhean Croise

Matthew-ku 25:1

Munu Jesulu piṟuku tjanala alatji wangkangu, “Uwa, ngula tjiṉṯu maḻatjangka ngayulu maḻaku pitjala ngayuku walytja tjuṯa mayatjangku kanyilku. Ka aṟa nyara paluṟu tjukurpa nyanga puṟunypa ngaṟanyi panya kungkawaṟa tjuṯatjara. Panya kungkawaṟa 10 anu kungkawaṟa kutjupaku ngurakutu palula tjunguringkula paṯantjikitja wati panya palumpa kalkuntjitjaku. Munuya paluṟu tjana kutjungku kutjungku lampa tilitjara katingi mungangka ankunytjikitjangku. Palu panya kungkawaṟa 5 kawakawa munuya tjana karitjina lampaku tjukutjuku kutju kanyiningi munga waṟangka tilingaṟanytjaku wiya. Ka panya 5 kutjupangku nintingku kulilpai munuya tjana karitjina puḻka kanyiningi.

Johnku 13:2

Ka munga pala palula Jesulu tjana palumpa nintintja tjuṯangku kuḻu tjunguringkula mai ngalkuningi. Ka mamu Satantu panya ngaṉmanytju Judasanya wituwituṉu Jesunya manikitjangku Jewku mayatja tjuṯa nintintjaku. (Judasanya panya Simon Kaṟiyataku katja.)

Johnku 18:12

Ka wati panya tjaultji tjuṯaku mayatjangku tjananya wangkangu Jesunya witintjaku, kaya mulapaṯu witiṉu tjaultji tjuṯangku munu timpula aṯunymankupai tjuṯangku kuḻu. Munuya maṟa karpiṟa ma-katingu wati ini Anatjalakutu panya Kayapatjaku waputjukutu. Anatjanya panya ngaṉmanypa nyinangi Jew tjuṯaku Tjukurtjara Puḻka, palu nyara palula aṟa Kayapatjanya ngapartji Tjukurtjara Puḻka nyinangi.

Johnku 18:18

Ka munga nyara palula wari puḻka ngaṟangi, kaya waṟkaripai tjuṯangku timpula aṯunymankupai tjuṯangku kuḻu waṟu tiliṟa ngaṟala unytjunaringi. Ka Peternya waringku puyinnyangka pitjangu tjanalakutu munu tjunguringkula ngaṟala waṟu nganytjiningi.

Johnku 18:22

Ka alatji wangkanyangka wati timpula aṯunymankupai kutjungku ila ngaṟanytjatjanungku Jesunya nguku pungu, munu wangkangu, “Ai, alatji wangkanytja wiyangku wantima! Palatja wati Tjukurtjara Puḻkanya.”

Johnku 19:6

Kaya tjukurtjara kuranyitja tjuṯangku munu wati panya timpula aṯunymankupai tjuṯangku kuḻu Jesunya nyakula ngaḻṯuringkunytja wiyangku alatjiṯu mirara wangkangu, “Puṉu kaṯakutjarangka wakaṟa utitjura! Puṉu kaṯakutjarangka wakaṟa utitjura!” Ka Pilate-alu miranyangka kuliṟa wangkangu alatji, “Wiya, wati nyanga palunya ngayulu puṯu kura ngurkantananyi iluntankunytjikitjangku. Palu nyurayanku ma-katira puṉungka wakaṟa utitjura.”

Johnku 7:32

Kaya Paṟatji tjuṯangku kulinu aṉangu tjuṯangku Jesunyatjara tjaalymaṟa wangkanyangka. Munuya kuliṟa tjukurtjara kuranyitja tjuṯangka tjunguringkula wangkangi munuya wati timpula aṯunymankupai tjuṯa wituṟa iyaṉu Jesunya witintjaku.

Acts 1:16

“Walytja wiṟu tjuṯa, kulilaya! Panya nyiringka ngaṟanyi alatjiṯu tjukurpa Judasanyatjara Kurunpa Miḻmiḻṯu iriti Davidala nintintja. Ka tjukurpa panya paluṟu utiringu panya Judasalu nintinu Jesunya witintjaku. Palu panya Jesulu ngurkantanu Judasanya nganaṉala tjungu para-ngaṟanytjaku, ka paluṟu mulapa nganaṉala tjungu Godaku waṟkaringi.” Alatji Peterlu wangkangi.

Acts 10:1

Ka ngura panya Tjiitjaṟiyala wati kutjupa nyinangi ini Kuniliyatjanya. Wati nyanga paluṟu tjaultji tjuṯaku mayatja nyinangi munu paluṟu tjaultji 100 kanyilpai. Ka tjaultji nyara paluṟu tjana panya Italinya nguraṟa tjuṯa.