Johnku 11:3 - Tjukurpa Palya

³ Ka pula kangkuṟurangku wituṟa iyaṉu wati kutjupa Jesula ankula ma-tjakultjunkunytjaku. Ka ankula ngura panya Jordanta muṉkara Jesunya nyakula wangkangu, “Mayatja, nyuntumpa panya maḻpa wiṟu pika puḻka ngarinyi.”

Johnku 11:3 Iomraidhean Croise

Genesis 22:2

Ka Godalu wangkangu, “Nyuntu panya katja kutjukuṟutjaku Isaacaku puḻkaṟa mukuringanyi. Palu kuwari palunya mantjiṟa kati ngura nyara ini Muṟiyalakutu. Kaṉanta nyara palula puḻi murpu panya nintilku nyupali katjaṟara tatintjaku. Ka nyuntu puḻi nyara palula katu palunya pitjilpangka katu ngaritjura munu palunya pungkula waṟungka tjura kampara mulururinytjaku ngayunya waḻkuṟa ungkunytjikitjangku.”

Luke-aku 7:13

Ka Mayatjalu minyma palunya nyakula puḻkaṟa ngaḻṯuringu panya paluṟu kurunpa winki tjituṟu-tjituṟurira kaṯakatingu palumpa katja kutju-tjiratja. Ka wangkangu palula, “Ulanytja wiya.”

Johnku 11:1

Ka wati ini Lazarusanya munu palumpa maḻanypa kutjara Mary-nya pula Marthanya kuḻu ngura ini Piitjanila nyinangi. (Mary-nya minyma panyatja, panya paluṟu Jesunya paṉṯi wiṟungka tjina nyiṯinu munu mangkangka muṉinu.) Ka Lazarusanya pikatjararingu munu ngaringi ngurangka.

Johnku 11:11

Alatji Jesulu tjanala wangkara piṟuku wangkangu, “Nganampa panya maḻpa Lazarusanya kunkunaringu, kaṉa kuwari ankula palunya wankalku.”

Johnku 11:21

Ka Marthalu Jesula ngaparikatira wangkangu, “Mayatja, nyuntu tjinguṟu ngura nyangangka nyinanyangkampa Kuṯanya ilunytja wiya wanka nyinama.

Johnku 11:36

Kaya aṉangu tjuṯangku ulanyangka nyakula wangkangu, “Nyawaya, paluṟu palumpa maḻpaku puḻkaṟa mukuringanyi.”

Johnku 11:5

Panya Jesunya Marthaku pulampa Mary-ku puḻkaṟa mukuringkupai palumpa pulampa kuṯaku kuḻu,

Johnku 13:13

Kulilaya! Panya ngayunya nyura mayatjanmankupai, munu panyaṉi nyura wangkapai ‘Nintilpai.’ Nyangatja nyura tjukaṟurungku wangkapai, panya mulapa ngayulu nyurampa mayatja, munu panyaṉa nyuranya nintilpai. Palu kuwari nyangaṉa nyurampa waṟkaripai puṟunytju nyuranya tjina paltjiṉu, ka nyuranku uti palu puṟunypaṯu tjina paltjinma.

Johnku 13:23

Ka nintintja kutju Jesula itingka anta-ngaringi palumpa panya maḻpa mulapa.

2 Timitjiku 4:20

Ka wati panya Iṟatjatjanya pitjanytja wiya ngura nyara Kaṟintjala ma-nyinanyi. Kaṉa wati ini Tuṟu-pimatjanya wantikatingu ngura nyara Mailitatjala, panya paluṟu pikatjararingu.

Revelation 3:19

Nyaanguṟuṉa nyurala nyangatja wangkanyi? Wiya ngayulu nyurampa puḻkaṟa mukuringkula paini nyura tjukaṟuru nyinanytjaku. Kaya mulamula pinkurarala Godalakutu kura uwankara wantira.