Itjikilku 37:8 - Tjukurpa Palya

⁸ Ka pulyku tjuṯa tarkangka uwankara tjunguringu iltjanpa kuḻu, ka palulanguṟu miṟingku kuḻu tjananya tjutuṉu, palu tjana kuwaripaṯu ngaringi ngaalypa wiya.

Itjikilku 37:8 Iomraidhean Croise

Itjikilku 37:7

Kaṉa wangaṉarangku kuliṟa tjanala tjakultjunu panya Mayatjalu ngayula wangkanytja. Munuṉa wangkara wangkara kulinu tirkilymankunyangka. Munuṉa para-nyakula nyangu tarka paluṟu tjana tjungu-tjunguringkunyangka. Panya tjana ngaṉmanypa ilura tarka-kutjuringu munuya iltjanpa wiyaringkula mantangka ngarira waṉingi. Ka ngayulu tjanala Godaku tjukurpa wangkanyangka tarka panya paluṟu tjana maḻaku tjunguringu puntu walytjangka walytjangka.

Itjikilku 37:9

Ka palulanguṟu Mayatjalu ngayula piṟuku wangkangu palumpa tjukurpa waḻpangka wangkanytjaku nyanga alatji, “Mayatja Puḻkangku Godalu wangkanyi alatji, ‘Waḻpa ngana! Waḻa pitja kampa uwankaranguṟu, wiluṟaranguṟu kakaraṟanguṟu uḻpaṟiranguṟu munu alinytjaranguṟu kuḻu. Munu ngalya-pitjala ilunytja nyanga tjuṯangka ngaalypa puuṟa tjarpatjura tjana wankaringkunytjaku.’ ” Alatji Godalu ngayula wangkangu waḻpangka wangkanytjaku.