Itjikilku 37:5 - Tjukurpa Palya

⁵ Panya paluṟu Mayatja puḻkangku nyurala wangkanyi alatji, ‘Ngayulu nyuranya ngaalypa ungkuku nyura wankaringkunytjaku.

Itjikilku 37:5 Iomraidhean Croise

Genesis 2:7

Palulanguṟu Mayatja Godalu manta mantjinu munu wati palyaṉu mantanguṟu. Munu paluṟu wati mulya puuṟa kurunpa tjarpatjunu, ka wati paluṟu puntu winki wankaringu.

Itjikilku 37:14

Kaṉa ngayuku kurunpa nyurala unngu tjarpatjunkuku, ka nyura piṟuku ngaalytjararingkula wankaringkula nyinaku. Kaṉa nyuranya maḻakungku katira tjunkuku ngura walytjangka manta panya Israelta. Ka nyura nyara palulanguṟu kulilku, ‘Mulapa Mayatja Godalu nganaṉala kalkuntjatjanungku palyaṉu munulanya paluṟu wankaṟunu.’ Alatji nyura ngayuku nintiringkula kulilku.” Nyanga alatji Godalu ngayunya wangkangu palula tjanala wangkanytjaku Israelkunu tjuṯangka.

Johnku 20:22

Munu palulanguṟu tjananya puuṉu munu wangkangu, “Kuwariṉa nyurala Kurunpa Miḻmiḻnga tjarpatjunanyi, kaya mantjila nyurala tjunguringkula nyinanytjaku.

Rome-aku 8:2

Panya ngaṉmanypala kura tjuṯa palyaṟa iwara kurangka anangi ilunytjikitja. Palu Jesula Christala tjunguringkunyangka Kurunpa Miḻmiḻṯu nganaṉanya iwara kuranguṟu wankaṟunu munulanya iwara palyangka tjunu tiṯutjara palula tjungu ankunytjaku. Ka nganaṉa iwara panya kura piṟuku waṉantja wiyaringulta.

Ipitjaku 2:5

Panya nganaṉa kura kutju palyalkatingi Godanya wiya-palku kuliṟa munula palula rawa mulapa tungunpungkula watarku alatjiṯu nyinangi ilunytja puṟunypa. Palu Godalu nganaṉanya ngaḻṯunytju puḻkangku wankaṟunu Christala tjunguṟa. Tjinguṟu paluṟu nganaṉanya wantima, palu paluṟu nganampa puḻkaṟa mukuringkula nganaṉanya mukulyangku wankaṟunu.

Revelation 11:11

Ka tjiṉṯu maṉkurarinyangka maḻangka Godalu pulanya wankaṉu ngaalypa ungkula ka pula pakaṟa ngaṟangu. Kaya aṉangu kutjupa tjuṯangku palunya pulanya pakannyangka nyakula puḻkaṟa alatjiṯu nguḻu-nguḻuringu.