Itjikilku 37:4 - Tjukurpa Palya

⁴ Kaṉi palulanguṟu wangkangu tarka palula tjanala wangkanytjaku alatji, “Tarka piḻṯi tjuṯa! Mayatja Godaku tjukurpaya kulinma!

Itjikilku 37:4 Iomraidhean Croise

Itjikilku 37:11

Ka Mayatja Godalu ngayunya wangkangu, “Nyuntu tarka nyanga palunya tjananya nyanganyi paluṟu tjana panya aṉangu Israelkunu tjuṯa. Panya paluṟu tjana wangkapai, ‘Nganaṉa puḻkaṟa tjituṟu-tjituṟurira puṯu kulini, “Yaaltjirikula?” Nganaṉa tarka piḻṯi tjuṯa puṟunypa nyinanyi munula puṯu kulini wankaringkunytjikitjangku.’ Alatji tjana wangkapai.”

Itjikilku 37:12

Munu palulanguṟu Godalu ngayunya piṟuku wangkangu palula tjanala tjakultjunkunytjaku palumpa tjukurpa nyanga alatji, “Walytja tjuṯa! Ngayulu Godalu Mayatja puḻkangku kuwari kurulpa tjuṯa nyurampa aḻaṉi munuṉa nyuranya pakaltjingaṟa maḻakungku katiku ngura walytjakutu Israeltakutu.

Itjikilku 37:9

Ka palulanguṟu Mayatjalu ngayula piṟuku wangkangu palumpa tjukurpa waḻpangka wangkanytjaku nyanga alatji, “Mayatja Puḻkangku Godalu wangkanyi alatji, ‘Waḻpa ngana! Waḻa pitja kampa uwankaranguṟu, wiluṟaranguṟu kakaraṟanguṟu uḻpaṟiranguṟu munu alinytjaranguṟu kuḻu. Munu ngalya-pitjala ilunytja nyanga tjuṯangka ngaalypa puuṟa tjarpatjura tjana wankaringkunytjaku.’ ” Alatji Godalu ngayula wangkangu waḻpangka wangkanytjaku.

Maikaku 6:2

Ka nyura murpu tjuṯangku kulila Mayatja Godalu palunya tjananya wangkanyangka. Panya nyura rawa pupangi iritinguṟu alatjiṯu Godalu tjananya ngaṉmanytju wangkara kalkuntja-aṟangka kuḻu. Ka kuwari paluṟu tjananya aṉanguṟa wangkanyi paluṟu panya Israelku kalkuntjitja tjana wantinyangka.

Matthew-ku 21:21

Ka Jesulu tjanala wangkangu, “Tjukaṟurungkuṉa nyurala wangkanyi, panya nyura Godaku mulamularingkula puṯu kulintja wiyangku palyalku alatjiṯu nyanga ngayulu puṉu iḻi wangkara piḻṯintjanya puṟunypa munu nyura puḻi nyanga murpu puḻkangka kuḻu wangkaku pakaṟa uṟu puḻkangka tjarpanytjaku, ka mulapaṯu pakaṟa ankula tjarpaku.

Johnku 2:5

Ka palulanguṟu palumpa ngunytjungku palula kuliṟa ma-pitjala waṟkaripai tjuṯangka wangkangu, “Nyuranya Jesulu wangkanyangkaya wangaṉarangku kuliṟa palyanma.”

Johnku 5:25

Tjukaṟurungkuṉa nyurala wangkanyi panya tjiṉṯu ilaringu munu kuwari nyanga alatjiṯu ngaṟanyi aṉangu Godanya wantipai tjuṯangku Godaku Katjangku wangkanyangka kulintjaku, kaya wangaṉarangku kulintjatjanu wankaringkukulta.

Revelation 10:11

Kaṉi nyanga palula maḻangka wangkangu, “Piṟuku tjakultjura aṉangu tjuṯangka Godaku tjukurpa panya nyaa wirkankuku nyanganguṟu ngula nyanga palula maḻangka. Aṉangu tjuṯangka tjakultjura ngura winkingka wangka kutjupa kutjupangka, miṟi kutjupa kutjupangka kuḻu, munu mayatja puḻka tjuṯangka kuḻukuḻu.”