Ipitjaku 5:4 - Tjukurpa Palya

⁴ Munu nyura Godaku walytja nyinarampa uti tjaangku warkinytjatjara wangkanytja wiyangku wantira wiṟu tjuṯa kutju wangkama. Munu Godanya kutju waḻkunma nyuranya wiṟuṟa kanyinnyangka.

Ipitjaku 5:4 Iomraidhean Croise

Danielku 6:10

Ka Danieltu kulinu law tjana tjunkunytja munu paluṟu ngurakutu ankula ruuma katutjangka tatinu munu window-ngka itingka tultjungaṟakatira Godala tjapiningi aḻa Jerusalemalakutu nyakula. Nyanga alatji panya paluṟu tjakangku ankula palumpa ruumangka tjapilpai tjiṉṯu kutjupa tjiṉṯu kutjupa mungawinki munu kaḻaḻa munu mungangka kuḻu Godanya waḻkuntjikitjangku.

Markaku 7:22

Uwa, paluṟu kura rawangku kulintjatjanungku manyuringkupai, munu kura kutjupa kutjupa tjuṯa rawangku palyalpai. Paluṟu aṉangu kutjupa ngunti kuralpai, munu kutjupa kutjupa tjuṯa kuṉṯa wiyangku palyalpai munu nyaṟaringkupai munu tjaalymaṟa aṉangu kutjupa ngukaṟa wangkapai, kaṉany-kaṉanytju wangkapai, munu kawakawa alatjiṯu nyinapai.

Rome-aku 1:28

Uwa mulapa tjana Godanya tjukaṟurungku kulintja wiyaringu munuya palumpa tjukurpa tjukaṟuru wantingu, ka palulanguṟu tjananya Godalu wantir'iyaṉu tjananku walytjangku kulintjaku. Kaya kura tjuṯa kutju kulilkatinyi rawangku. Utiya wantima kura nyanga palunya tjananya, palu tjana palyalkatingi alatjiṯu.

2 Kaṟintjaku 1:11

Kaya wanyu nyura ngalinya alpamilanma munu ngalimpa Godala rawangku tjapinma. Ka paluṟu nyurala kulilku munulinya pukuḻtjungku kanyilku. Ka aṉangu tjuṯangku palunyalta mirawaṉira waḻkulku paluṟu ngalinya wankaṟu wiṟuṟa kanyinnyangka nyakula.

2 Kaṟintjaku 9:15

Uwa, utila Godanya mirawaṉima panya nganaṉanya paluṟu puḻka mulapa ungu Jesunya Christanya wiṟu mulapa kutjupa uwankarangka waintaṟa.

Ipitjaku 1:16

Munuṉa nyara palulanguṟu ngayulu kuliṟa pukuḻarira Godanya rawangku mirawaṉinyi nyuralanguṟu wantinytja wiyangku.

Ipitjaku 4:29

Munu nyura uti aṉangu kutjupangka wangkarampa tjukurpa kura wangkawiyangku wantima. Munuya tjukurpa palya kutju wangkama aṉangu tjuṯangku kuliṟa pukuḻarinytjaku.

Pilipaiku 4:6

Kaya kutjupa kutjupa tjuṯa nyurala wirkankunyangka kuliṟa tjituṟu-tjituṟurinytja wiya nyinama, munuya Godala tjapinma nyuranya aṯunymankunytjaku munuya palunya mirawaṉira waḻkunma nyuranya paluṟu wiṟuṟa kanyinnyangka.

Kalatjiku 3:8

Palu kuwari nyura kura nyanga uwankara wantinytjaku ngaṟanyi. Mapalku waṟuringkula mirpaṉariwiyangku wantima, munu aṉangu kutjupa ngukaṟa wangkawiyangku wantima, munu aṉangu kutjupa uuḻiṟa ngunti wangkawiyangku wantima, ngalytjurmaṟa wangkawiyangku wantima, munu warkiwiyangku wiṟu kutju wangkama,

1 Tjitja-lanikaku 3:9

Munula Godala wangkara palunya pukuḻṯu alatjiṯu waḻkuṟa mirawaṉinyi, panya nyura nganaṉanya puḻkaṟa pukuḻmanu Jesunya tungun-tunguntu waṉaṟa.

1 Tjitja-lanikaku 5:18

Munuya Godaku pukuḻarira palunya tiṯutjarangku mirawaṉima kutjupa kutjupa wiṟu tjuṯa utiringkunyangka nyakula, munuya tjituṟu-tjituṟu tjuṯa kuḻu utiringkunyangka nyakula palu puṟunytjuṯu mirawaṉima wantinytja wiyangku. Uwa, alatji Godanya mukuringanyi nyura wiṟuṟa tiṯutjara pukuḻpa nyinanytjaku Jesula Christala tjungu.

Paalimanku 1:8

Palu kulila wanyu! Tjukurpa kutjuṉa nyuntula wangkanytjikitjangku kuliningi, panya nyuntu Jesuku walytja tjuṯaku mukuringkupai. Kaṉa nyuntula purkaṟangku tjapini tjukurpa kutjupa kulintjaku munu palyantjaku. Tjinguṟuṉa nyuntunya tjukaṟurungku wangkama, panya ngayulu Christaku walytja, ka nyuntu kuḻu palumpa walytja nyinanyi munu palula wangaṉarangku kulilpai palumpa tjukurpa kuḻu. Palu ngayulu nyuntunya purkaṟangku tjapini ka nyuntu walytjangku kulila. Panya ngayulu kuwari wati tjiḻpiringu, munuṉa puṟitjina nyinanyi tjaila unngu panya tjanaṉiya tjailangka tjarpatjunu Jesunya waṉannyangka. Kaṉa nyuntula purkaṟangku tjapintjikitjangku kuliningi.

Iipuṟuku 13:15

Palulanguṟula uti Jesulawanungku Godanya rawangku waḻkunma puntu winkingku, panya Jesunya alatjiṯu nganampa ilungu. Ka nyura uti watarkurinytja wiyangku palyanyku nyinara aṉangu kutjupa tjuṯa kuḻu alpamilanma intjanungku ungkula. Panya alatjingannyangka Godanya puḻkaṟa pukuḻaripai.

2 Peterku 2:18

Panya tjana kaṉany-kaṉanytju kurakura tjuṯa tiṯutjarangku wangkapai. Munuya aṉangu kuwari kutju Jesuku walytjaringkunytja tjuṯa wangkara mukumukulpai paluṟu tjana piṟuku kura panya palunya tjananyaṯu palyantjaku, panya tjana ngaṉmanytju Jesuku walytja wiyangku palyaningi, panya palunya tjananya palyantjaku tjananya piṟuku wituwitulpai.

2 Peterku 2:7

Munu nyura uti wati panya Lotanya kuḻu kulinma, panya wati nyara paluṟu ngura nyara palulaṯu nyinangi, Tjatamala. Palu nyara paluṟu wati palya Godalawanu tjukaṟuru nyinapai munu panya tjananya kura kutjupa kutjupa tjuṯa palyannyangka nyakula puḻkaṟa tjituṟu-tjituṟuringu, panya aṉangu nyara paluṟu tjana Godala puḻkaṟa alatjiṯu tungunpungangi. Ka panya Godalu ngura Tjatamanya pulanya Kumaranya waṟu puḻka ilkaṟinguṟu iyaṟa uwankara alatjiṯu wiyaṉu, palu waṟu iyantja kuwaripangka paluṟu Lotanya-waraṟangku pakaltjingaṟa iyaṉu ankula wankaringkunytjaku.

Jude-aku 1:10

Palu aṉangu nyara Godala tungunpungkupai tjuṯangku rawangku anaṟa wangkapai munuya kutjupa kutjupa wangkanyangka puṯu kuliṟa analpai alatjiṯu. Munuya ngultjuringkunytja wiyangku inuṟa puṟunytju kuliṟa wantira tiṯutjarangku alatjiṯu kura palyalpai kulintja wiyangku. Nyara palulanguṟuya ilupairingu kura palyantjatjanu.

Jude-aku 1:13

Kaya aṉangu winkingku tjananya uti nyakupai kura palyannyangka. Panya uṟu wiṯatjarangku karungka wala puḻka ukalingkula unytjunytju uṉṯuṟa karu tjartjarpangka utilpai, palu puṟunypa tjanampa kura utiringanyi tjana palyannyangka. Munu piṟuku tjana kililpi punkantja puṟunypa nyinanyi, panya kililpi ilkaṟinguṟu tili winki punkalpai munu irnyaṟa wiyaringkupai manta pampuṟa. Nyanga palu puṟunypaya Godalanguṟu wiṟulyaraṟa punkalpai munuya tili wiyaringkula mungawaḻuṟungka tiṯutjara nyinaku.