Ipitjaku 5:24 - Tjukurpa Palya

²⁴ Ka panya Godaku walytja uwankarangku Jesula wangaṉarangku kulilpai, palu puṟunytju uti minyma kuri tjuṯangku wati kuringka wangaṉarangkuṯu kulinma.

Ipitjaku 5:24 Iomraidhean Croise

Exodus 23:13

“Uwa, wangaṉarangkuya kulinma uwankara ngayulu Mayatja Godalu nyurala wangkanytja. Munuya wantima god kutjupangka tjapilwiyangku, munuya ini palunya tjananya wangkawiyangku alatjiṯu wantima.”

Exodus 29:35

“Uwa, Aaronnga palumpa katja tjuṯa kuḻu miḻmiḻmankunytjikitjangku alatjinganma panya uwankara ngayulu nyuntunya wangkanytjitjangka, munu tjiṉṯu 7 palyalkatima.

Luke-aku 10:17

Ka ngula wati panya 72 paluṟu ngurkantaṟa iyantja tjuṯa maḻaku pitjangu pukuḻpa alatjiṯu munuya tjakultjunu palula alatji wangkara, “Mayatja! Mamu tjuṯangkulanya nganaṉanya wangaṉarangku kulilpai nganaṉa nyuntunya ini wangkara tjananya painnyangka.”

Ipitjaku 5:23

Christalu panya paluṟunku Godaku walytja tjuṯa wankaṟunkupai, munu panya tjananya uwankara mayatja wiṟungku aṯunymaṟa kanyilpai, ka palu puṟunytjuṯu Godalu wati tjunu paluṟunku kuri aṯunymaṟa kanyintjaku.

Ipitjaku 5:25

Ka wati kuritjara tjuṯa, kulinmaya! Nyura uti nyurampa kuriku puḻkaṟa mukuringama, panya Christanya palumpa walytja tjuṯaku puḻkaṟa mukuringkula tjananya wiṟuṟa kanyilpai, palu puṟunypa nyura uti nyurampa kuriku puḻkaṟa mukuringama munu wiṟuṟa kanyinma. Panya Christanya palumpa walytja tjuṯaku ngalkilpa ilungu munu tjananya palumpa walytjaringkunyangka mantjiṟa Godala tjunguṉu, panya paluṟu tjananya wiṟuntjikitjangku minangka paltjiṉu Tjukurpa Palya tjanala wangkara.

Ipitjaku 5:33

Ka wati kuri uti minyma kuriku puḻkaṟa mukuringama munu palunya wiṟuṟa aṯunymaṟa kanyinma, panya paluṟunku walytjangku aṯunymaṟa kanyintja puṟunypa. Ka minyma kuringku ngapartji uti wati kuringka wangaṉarangku kulinma.

Kalatjiku 3:20

Kaya tjitji tjuṯangku ngapartji kulila! Uti nyura Jesuku walytja nyinara mamangka ngunytjungka tiṯutjarangku wangaṉarangku kulinma wantinytja wiyangku. Panya nyura mamangka ngunytjungka wangaṉarangku kulinnyangka Godanya nyurampa puḻkaṟa pukuḻarinyi.

Kalatjiku 3:22

Kaya waṟkaripai tjuṯangku ngapartji kulila! Uti nyura mayatja mantatja tjuṯangka wangaṉarangku kulinma tiṯutjarangku. Tjinguṟu mayatjangku nyuranya wangkanyangkaya tjukaṟurungku palyanma paluṟu nyakula pukuḻarinytjaku. Munu tjinguṟu paluṟu waṟkaku wangkara wantikatinyangka nyura uti palu puṟunytjuṯu waṟka rawangku palyalkatima ankunyangka wantinytja wiyangku. Panya nyura Mayatja Jesuku walytja nyinanyi. Palulanguṟu nyura uti Jesula wangaṉarangku kuliṟa mayatja mantatja tjuṯaku wiṟuṟa tjukaṟuru waṟkarima.

Tayitatjaku 2:7

Alatji tjanala wangka munu nyuntu kuḻu wiṟuṟa palyanma tjana nyakula nyuntu puṟunytju arkaṟa palyantjaku. Munu tjanala Godaku tjukurpa mulamulangku tjukaṟurungku tjakultjunama tjana tjukaṟurungku Godanya kulintjaku, nyuntunya mirawaṉinytjaku wiya.

Tayitatjaku 2:9

Munu piṟuku wangka wati unytju waṟkaripai tjuṯangka nyanga alatji, “Kulilaya, nyurampa mayatjangku waṟkaku witunnyangkaya wangaṉarangku kuliṟa palyanma kuraringkuwiyangku. Munuya wiṟuṟa waṟkarima nyurampa mayatjangku nyakula pukuḻarinytjaku.