Ipitjaku 4:8 - Tjukurpa Palya

⁸ Panya nyiringka iriti walkatjunkunytja ngaṟanyi alatji, “Paluṟu katu mulapa tatiṟa aṉangu karpintja mungilyi katingu, munu paluṟu aṉangu tjuṯa mukulyangku nintinu witulyangku palyantjaku.”

Ipitjaku 4:8 Iomraidhean Croise

Ipitjaku 4:11

Nyanga paluṟu panya nganaṉanya kuḻu nintinu palumpa waṟka kutjupa kutjupa witulyangku palyantjaku, munu panya kutjupatjara ngurkantaṟa tjunu palumpa iyantja tjuṯa, munu kutjupatjara tjunu wangkatjara tjuṯa Godalu wangkanyangka aṉangu tjuṯangka tjakultjunkunytjaku, munu kutjupatjara tjukurtjara tjuṯa tjunu Tjukurpa Palya Jesunyatjara ngura tjuṯangka para-tjakultjunkunytjaku aṉangu tjuṯa Jesuku walytjaringkunytjaku, munu kutjupatjara tjunu aṯunymankupai tjuṯa Jesuku walytja tjuṯa aṯunymaṟa kanyintjaku, munu kutjupatjara tjunu nintilpai tjuṯa Godaku walytja tjuṯangka wangkara nintintjaku.

Kalatjiku 2:15

Munu paluṟu Christanya ilunytjitjanguṟu mayatja mamu kurunitja tjuṯa katu ngaṟanyangka tjaṟuṉu uparingkunytjaku. Paluṟu tjananya witiṟa iṯarikatingu tjuṯa miṟangka nyakula kulintjaku, “Mulapa Godalu tjananya upa mulapa palyaṉu Christalawanungku.”

1 Samuelku 30:26

Kaya Davidanya tjana uwankara tjunguringkula ankula ngurangka wirkanu tawunu panya Tjikalakala munu palulanguṟu kuliningi Malakaikunu tjuṯaku kuka tjuṯa ngura tjuṯakutu iyantjikitjangku tjaṟukutungku manta Judah-lakutu. Munu paluṟu palumpa maḻpa tjuṯangka wangkangu tawunuku panya mayatja kuranyitja tjuṯangka, “Nganaṉa Godaku mirpaṉtju tjuṯa pungkula waintaringu Malakaikunu tjuṯa, munula tjanampa tjiipi puluka tjuṯa katingu, kaṉa kuwari kuka palunya tjananya ma-iyaṉi nyurampa nyuranku kanyintjaku.”