Ipitjaku 3:8 - Tjukurpa Palya

⁸ Palu ngayuluṉa tjanala puḻka wiya alatjiṯu tjukutjuku mulapa ngaṟanyi, Godaku walytja kutjupa uwankarangka waintarinytja wiya. Palu Godaluṉi ngurkantaṟa witulyanu kutjupa tjuṯangka Tjukurpa Palya Jesunyatjara tjakultjunkunytjaku, panya tjukurpa nyanga paluṟu puḻka mulapa uwankarangka waintarinytja.

Ipitjaku 3:8 Iomraidhean Croise

Luke-aku 14:22

“Ka paluṟu mulapaṯu ankula aḻṯira ngalya-katingu aṉangu ngaḻṯutjara tjuṯa, munu palulanguṟu wangkangu, ‘Mayatja, panya nyuntu wangkanytjitjangkaya pitjangu, palu ruuma angantja wiyaṯu ngaṟanyi.’

Johnku 1:16

Ka Tjukurnga panya ngaḻṯunytju pukuḻtju puḻka munu paluṟu nganaṉanya pukuḻtjungku tiṯutjarangku kanyini wantinytja wiyangku.

Acts 5:41

Kaya pukuḻpa alatjiṯu anu pungkunytjitjanguṟu tjituṟu-tjituṟurinytja wiya, panya tjana alatji kuliningi, “Godanya ninti panya nganaṉanya pungkunyangkala Jesunya wantinytja wiyangku tiṯutjarangku kuliṟa waṉaṉi aṉangu tjuṯangka tjukurpa palumpa wangkanytjikitjangku.”

Acts 9:15

Ka Mayatjalu palula wangkangu, “Wiya, ara palulakutu! Panya wati nyanga palunyaṉa ngayulu ngurkantanu ngayuku waṟka palyantjaku munu tjukurpa ngayunyatjara wangkanytjaku aṉangu Jew wiya tjuṯangka, tjanampa mayatja tjuṯangka, munu aṉangu Israelkunu tjuṯangka kuḻukuḻu.

Rome-aku 11:33

Uwa, Godanyala mirawaṉima panya paluṟu ngaḻṯunytju mukulya puḻka mulapa nyinanyi. Paluṟu kutju alatjiṯu ninti puḻka mulapa nyinanyi munu paluṟu kutjungku tjukaṟurungku kulilpai. Panya nganaṉa puṯu kulini paluṟu kuliṟa palyantjitja uwankara, munula palumpa kulintja uwankara nganaṉa puṯuṯu kulilpai.

Rome-aku 12:10

Munuyanku mukulya nyinama panya nyura walytjaṟara walytjaṟara nyinanyi Christalanguṟu. Munuyanku analwiyangku mukulyangku kalypangku pukuḻṯu wangkama, munuyanku walytjangku walytjangku puḻkanmankunytja wiyangku wantima.

Rome-aku 2:4

Munta tjinguṟu nyuntu alatji kulini, “Palyantiṉa ngayulu kura tjuṯa palyanma panya Godanya nganampa ngaḻṯuringanyi munulanya tiṯutjarangku mukulyangku kanyini iluntankunytja wiyangku.” Uwa mulapa Godanya ngaḻṯunytju tiṯutjara nyinanyi, panya paluṟu rawa mulatu nyuntumpa paṯaṉi kura wantira palulakutu maḻaku aṟuringkunytjaku.

1 Kaṟintjaku 1:30

Panya paluṟu kutjungku nyuranya palyaṉu palumpa walytjaringkunytjaku Jesula Christalanguṟu. Panya Jesunya nyuntumpa nganampa ngalkilpa anga-ilungu Godalu nganaṉanya kura palyantjitjanguṟu kalypangku wantinytjaku nganaṉa kaṟalyarira palula tjunguringkula nyinanytjaku. Alatji Godalu nganaṉanya tjukaṟurunmankula walytjanmanu, ka nganaṉa palunya kutju mirawaṉinytjaku ngaṟanyi.

1 Kaṟintjaku 15:9

Uwa, ngayulu Jesulu iyantja nyinanyi, palu iyantja panya kutjupa tjuṯa Peternya tjana tjukurtjara puḻka nyinanyi ngayula muṉkara. Ka ngayulu tjukutjuku mulapa nyinanyi, panya ngayulu ngaṉmanytju pikangku waṯaparalpai Godaku walytja tjuṯa.

1 Kaṟintjaku 2:9

Palu tjana ngurpa nyinangi, panya iriti nyiringka walkatjunkunytja alatji ngaṟanyi, “Godalu wiṟu mulapa palyantjikitjangku kulinu palumpa mukuringkupai tjuṯaku, palu paluṟu kulintjitja aṉangu kutjupangku kulintja wiya alatjiṯu. Panya Godalu nintingku palyaṉu kutjupa alatjiṯu aṉangungku kulintja wiyatja. Kaya uwankara watarku nyinangi, Godalu kutjungku kulinu.”

Kalaitjiyaku 1:16

Munu palumpa katja ngayula nintinu ngayulu mulamularingkula ankula malikitja tjuṯangka Tjukurpa Palya palunyatjara tjakultjunkunytjaku, panya Jew wiya tjuṯangka. Kaṉa paluṟu ngurkantaṟa tjunkunyangka ngayulu wati kutjupangka tjapintja wiyaṯu ngayunya wangkara nintintjaku.

Kalaitjiyaku 2:8

Panya Godalu Peternya tjukurtjara wituṟa iyaṉu Jew tjuṯakutu munu palunya nintiningi munu witulyanangi palula tjanala waṟkarinytjaku. Munu palu puṟunypaṯu ngayunya tjukurtjara ngurkantaṟa wituṟa iyaṉu Jew wiya tjuṯakutu munuṉi ngayunya nintiningi munu witulyanangi palula tjanala waṟkarinytjaku.

Ipitjaku 2:7

Paluṟu nyanga alatji palyaṉu nganampa ngaḻṯunytju mukulya puḻka nyinara, panya paluṟu nganampa puḻkaṟa mukuringkula Jesunya Christanya iyaṉu mantakutu nganampa ngalkilpa ilunytjaku. Kala nyanga palulanguṟu palumpa mukulya puḻka nintingku kulini, tiṯutjarangku watarkuriwiyangku.

Ipitjaku 3:1

Palu ngayulu kuwari tjailangka nyinanyi, panya Jesulu Christalu ngayunya nyuralakutu iyaṉu nyurala Jew wiya tjuṯangka Tjukurpa Palya tjakultjunkunytjaku. Kaṉiya mirpaṉtju tjuṯangku nyurala tjakultjunkunyangka witiṟa nyangangka tjunu.

Ipitjaku 3:16

Kaṉa palula tjapini paluṟu witulya puḻkangku nyuranya witulyankunytjaku, Kurunpa Miḻmiḻṯawanungku, nyura kurunpa kuṉpu ngaṟanytjaku.

Ipitjaku 3:19

Uwa, Jesunya Christanya nganampa puḻkaṟa alatjiṯu mukuringkupai ngaḻṯunytju puḻka mulapa, kaṉa mukuringanyi nyura kuḻu mukulya nyanga puḻka palula ngaṟanytjaku, ka nyura mukulya nyanga palula ngaṟala palya mularariku Godanya puṟunypa.

Ipitjaku 3:2

Ka panya nyura ninti ngayuku, panya Godalu ngayunya ngaḻṯunytju puḻkangku ngurkantaṟa tjunu waṟka nyanga palunya palyantjaku munu nyuranya alpamilaṟa kuṉpuntjaku.

Pilipaiku 2:3

Uwa, uti nyura kutjupa kutjupa wiṟu palyaṟa kaṉany-kaṉanyarinytja wiyangku wantima aṉangu kutjupa tjuṯangku nyuranya nyakula mirawaṉinytjaku-tawara. Palu nyura uti kurunpa ngaḻṯunytju nyinara Jesuku walytja uwankarangka tjungu nyinama kutju nyakula wantinytja wiya.

Pilipaiku 4:19

Ka panya Jesunya Christanya nyurampa ngalkilpa ilunytjitjanguṟu Godalu nyurampa puḻka mulapa kanyini nyuranya ungkunytjikitjangku. Munu panya nyura kutjupa kutjupaku mukuringkula ngatjinnyangka paluṟu nyuranya ungkuku.

Kalatjiku 1:27

Paluṟu mukuringangi tjana uti kulintjaku tjukurpa nyanga kumpilitja. Tjukurpa nyanga paluṟu panya Jew tjuṯaku kutju wiya, palu aṉangu ngura uwankaranguṟu kuliṟa pukuḻarinytjaku panya Godalu tjananya kuḻu wankaṟunkunytjaku ngaṟanyi. Tjukurpa paluṟu alatji wangkanyi, “Christanya panya nyurala nyinanyi, ka pala palulanguṟu nyura kurunpa rapangku paṯaṉi Christalu nyuranya ngula Godaku ngurangka wirkakatinytjaku pitalytji puḻkangka.”

1 Timitjiku 1:13

Palu ngaṉmanytjuṉa palunya kuranmanangi munuṉa ananingi, munuṉa palumpa walytja tjuṯa kuḻu kuraṟa pungangi. Katju Godanya ngayuku nyakula ngaḻṯuringu, panya watarkungkuṉa kura palyaningi palumpa mulamularingkuwiyangku.

1 Timitjiku 1:15

Ka kulila wangka nyangatja, “Jesunya Christanya mantakutu pitjangu aṉangu tjuṯa kura palyantjitjanguṟu wankaṟunkunytjikitja.” Wangka nyanga paluṟu mulapa alatjiṯu, nganaṉa wangaṉarangku kuliṟa mulamularingkunytjaku. Palu ngayulu panya kura puḻka mulapa palyaningi uwankarangka waintaṟa.

1 Timitjiku 2:7

Palu nyara palulanguṟuṉi Godalu wituṟa iyaṉu ma-pitjala aṉangu uwankarangka wangkara tjakultjunkunytjaku. Palu ngayulu ngunti wangkanytja wiya, mulapaṉa wangkanyi, panya mulapa Godaluṉi wangkangu tjukurpa mulapa nyangatja tjanala nintintjaku tjana kuliṟa Jesuku Christaku mulamularingkunytjaku.

2 Timitjiku 1:11

Ka panyaṉi Godalu mulapa ngurkantaṟa tjunu Jesuku Christaku tjukurtjara waṟkarinytjaku, munuṉi wituṟa iyaṉu Tjukurpa Palya Jesunyatjara aṉangu tjuṯangka wangkara nintintjaku.

Revelation 3:18

Palu kulilaya, munuya pitjala ngayula mantjila wiṟu mulapa. Panya ngayula mantjiṟampa nyura mani puḻkatjara puṟunypa nyinaku. Munuya pitjala mantara piṟanta mantjiṟa tjarpa kuṉṯaringkunytjaku-tawara. Munuya mantjila kuṟu nyiṯilpai miṟantjikitjangku.