Ipitjaku 2:22 - Tjukurpa Palya

²² Ka panya Christalu nyuranya kuḻu aḻṯira tjunguṉu munu aṉangu kutjupa tjuṯa kuḻu palula tjunguringkunytjaku palyaṉu. Ka Godaku kurunpa nyuntula nganaṉala uwankarangka nyinanyi, palumpa walytja tjuṯangka.

Ipitjaku 2:22 Iomraidhean Croise

1 Kaṟintjaku 3:16

Nyangatjaya kulinma, panya nyura Godaku walytja nyinara palumpa timpula puṟunypa nyinanyi miḻmiḻpa, ka palumpa kurunpa nyurala unngu nyinanyi.

1 Kaṟintjaku 3:9

Uwa, Godanya kutju puḻka nyinanyi, ka Apalatjalu ngali waṟka palumpa kutju palyaṉi ngalimpa wiya. Ka nyura palumpa aṉangu tjuṯa nyinanyi ngalimpa wiya, ka paluṟu nyuranya kuṉpuringkunytjaku rawangku palyaṉi nyura palunya tungun-tunguntu waṉantjaku. Munu nyura palu puṟunypaṯu waḻi puḻka puṟunypa nyinanyi Godalu paluṟunku palyantja.

1 Kaṟintjaku 6:19

Nyura ninti panya Kurunpa Miḻmiḻnga nyurala unngu nyinanyi. Panya Godalu Kurunpa Miḻmiḻnga nyurala unngu tjarpatjunu paluṟu nyurala kutjungka kutjungka nguraṟarinytjaku. Ka kuwari nyuranku walytja nyinanytja wiya, Godalu nyuranya mayatjarira kanyini.

2 Kaṟintjaku 6:16

Kaya Godaku walytja tjuṯangku wanyu Godaku timpulangka god ngalypa-ngalypa puṉunguṟu palyantja tjuṯa tjunkula waḻkulpai? Wiya. Palu kulilaya! Nyuntu nganaṉa Godaku timpula puṟunypa ngaṟanyi, panya paluṟu nganaṉala unngu nyinanyi. Panya Godalu iriti wangkanytja nyiringka ngaṟanyi alatji, “Ngayuluṉa tjanala nguraṟarira nyinaku, munuṉa tjanala tjungu para-pitjalinkuku. Ngayuluṉa tjanampa God puḻka nyinaku, kaya aṉangu nyanga paluṟu tjana ngayuku walytjapiti mulapa nyinaku.”

Ipitjaku 3:17

Ka nyara palulanguṟu Christanya nyurala unngu nyinaku nyura palumpa rapa ngaṟanyangka. Kaṉa piṟuku palula tjapini nyura kurunpa mukulyatjarangku kutjupa kutjupa uwankara rapangku palyantjaku.

1 Johnku 3:24

Ka nganaṉa paluṟu wangkanyangka kuliṟa tjukaṟurungku palyaṟampa palula tjungu mulapa wankaṟu nyinaku. Ka paluṟu ngapartji nganaṉala tjunguṯu nyinaku. Panya paluṟu palumpa kurunpa nganaṉala unngu tjarpatjunu, ka nyara palulanguṟu nganaṉa nintingku kulini, “Mulapa Godanya tjungu nyinanyi nganaṉala.”

1 Johnku 4:13

Godalu panya nganaṉala tjarpatjunu palumpa kurunpa, kala palulanguṟu nintingku kulini panya mulapa nganaṉa Godala tjungu nyinanyi, ka paluṟu nganaṉala nyinanyi.

1 Johnku 4:16

Alatjila palunya kulilpai munula panya nintingku kulilpai, “Mulapa Godanya nganampa mukulya puḻka mulapa nyinanyi.” Uwa, Godanya mukulya puḻka. Ka nganaṉalanku Jesuku walytja tjuṯaku mukulya puḻka nyinarampa Godala tjungu nyinaku, ka paluṟu ngapartji nganaṉala tjungu nyinakuṯu.