Ipitjaku 1:8 - Tjukurpa Palya

^8-9 Kala puḻkaṟa alatjiṯu pukuḻaringu Godalu alatji nganampa pukuḻtjungku palyannyangka. Uwa panya Godalu ninti puḻkangku ngaṉmanytju kuliningi palumpa katja mantakutu iyantjikitjangku nganaṉanya wankaṟunkunytjaku, munu alatji kuliṟa palyaṉu alatjiṯu. Nyanga palunya paluṟu kutjungku kuliningi ngaṉmanytju munu kuwari utinu nganaṉa tjukaṟurungku kulintjaku kulintjitja panya palunya.

Ipitjaku 1:8 Iomraidhean Croise

Aitjayaku 52:13

Mayatja Godalu alatji wangkanyi, “Wanyuya nyawa wati panya ngayulu iyantjanya! Panya aṉangu tjuṯangku palunya nyakula puṯu nguwanpa kuliningi, panya paluṟu yunpa pungkunytja pungkunytja ngaṟangi, kaya nyakula palunya aṉangu yunpa puṯu alatjiṯu ngurkantanangi. Palu paluṟu ngayuku waṟka uwankara tjukaṟurungku palyalku, kaya aṉangu tjuṯangku palunya mirawaṉira waḻkulku.

Rome-aku 11:33

Uwa, Godanyala mirawaṉima panya paluṟu ngaḻṯunytju mukulya puḻka mulapa nyinanyi. Paluṟu kutju alatjiṯu ninti puḻka mulapa nyinanyi munu paluṟu kutjungku tjukaṟurungku kulilpai. Panya nganaṉa puṯu kulini paluṟu kuliṟa palyantjitja uwankara, munula palumpa kulintja uwankara nganaṉa puṯuṯu kulilpai.

Rome-aku 5:15

Palu nyanga paluṟu pula tjungu wiya. Panya Adamalu kutjungku tungunpungkula ilunytjaku palyaṉu, kaya aṉangu uwankara ilupairingu. Ka Jesulu kampa kutjupa puḻka mulapalta palyaṉu aṉangu tjuṯa wankaringkunytjaku, panya Godalu mukulya puḻkangku palunya intjanurinytjaku iyaṉu.

1 Kaṟintjaku 2:7

Palu tjukurpa nyanga ngayulu wangkanytja Godaku, panya tjukurpa Godalu ngaṉmanytju kumpilpa kanyiningi. Panya manta paluntja kuwaripangka Godalu kuliningi tjukurpa palunya utintjikitjangku nganaṉa Godala tjunguringkula wiṟu mulapa nyinanytjaku.

Ipitjaku 1:11

Panya Godalu kuliṟa uwankara palyantjikitjangku paluṟu palyalpai alatjiṯu. Munu ngaṉmanytju paluṟu kulintjatjanungku nganaṉanya ngurkantanu palumpa walytja nyinanytjaku Christala tjungu. Nyangatja paluṟu kuwaripatjaranguṟu alatjiṯu ngurkantankunytjikitjangku kulinu.

Ipitjaku 1:7

Ka nyara paluṟu puṉu kaṯakutjarangka ilura milkaḻi tjutiṟa nganaṉanya ngalkinu, kalanya Godalu mukulya puḻkangku nganaṉa kura palyantjitjanguṟu kalypangku pungkuwiyangku wantinyi.

Ipitjaku 3:10

Kaya ilkaṟingka angelpa tjuṯangku mayatja ilkaṟitja kutjupa tjuṯangku kuḻu Jesuku walytja tjuṯa nyakula kulilku, “Munta-uwa, Godanya mulapa ninti puḻka nyinanyi munu kutjupa kutjupa uwankara witulyangku palyalpai.”

Kalatjiku 2:3

Panya Christalu kutjungku tjukurpa kumpilpa ngaṟanytja uwankara utiṟa nintilpai. Ka nyura Christanya kutju kuliṟampa ninti mularariku Godaku tjukurpa uwankaraku.

Revelation 5:12

Ka angelpa tjuṯangku inma inkangi katuwanungku nyanga alatji, “Lamalama panya pungkunytjitjanya wiṟu mulapa nyinanyi. Kaya uti uwankarangku palunya waḻkunma. Panya paluṟu-maṉṯu mayatja witulya puḻkangku uwankara kanyini, munu paluṟu mayatja kulintja tjukaṟuru, ninti puḻka mulapa. Kaya uwankarangku palunya tiṯutjarangku alatjiṯu mirawaṉinytjaku ngaṟanyi.”