Genesis 7:8 - Tjukurpa Palya

^8-9 Ka Godalu mantangka para-ngaṟapai uwankaranguṟu nyiṯayira kungka ngurkantanu munu Noah-lakutu ngalya-katingu, kuka tjuṯa, tjuḻpu tjuṯa, kutjupa kutjupa tjuṯa kuḻu. Ka Noah-lu tjananya uwankara pautangka tjarpatjunu Godalu wangkanytjitjangka.

Genesis 7:8 Iomraidhean Croise

Genesis 6:19

Munu nyuntu kuka tjuṯa, kuka wiya tjuṯa kuḻu ini kutjupa kutjupa uwankaranguṟu kutjara mantjiṟa pauta unngu tjarpatjura kuriṟara kuriṟara, munu tjuḻpu ini kutjupa kutjupa uwankaranguṟu, tjuninguṟu ankupai ini kutjupa kutjupa uwankaranguṟu kuḻu kutjara kuriṟara kuriṟara tjarpatjura pauta unngu tjana kuḻu wankaringkunytjaku. Panya paluṟu tjana uwankara nyuntulakutu kuriṟara kuriṟara pitjaku nyuntu tjarpatjuṟa wankaṟu kanyintjaku.

Genesis 7:2

Ka panya kuka kutjupa kutjupa tjuṯa ngaṟanyi nyura pungkula waṟungka tiliwakaṟa Godanya ungkula waḻkuntjaku. Kuka panya palula tjanalanguṟu tjara mantjiṟa pautangka tjarpatjura 7 kutjupa, 7 kutjupa kuriṟara kuriṟara. Palu kuka kutjupa tjuṯanguṟu kutjara kutju kuriṟara mantjiṟa tjarpatjura kutjara kutjupa, kutjara kutjupa.

Genesis 7:3

Munu tjuḻpu kutjupa kutjupa uwankaranguṟu kuḻu mantjiṟa tjarpatjura 7 kutjupa, 7 kutjupa. Alatji kuka, tjuḻpu, mantangka para-ngaṟapai uwankaranguṟu tjara mantjiṟa tjarpatjura paluṟu tjana wankaringkula uṟungka maḻangka pautanguṟu ukalingkula piṟuku mantangka nyinara ma-tjuṯaringkunytjaku.

Acts 10:12

Ka mantara palula unngu kutjupa kutjupa tjuṯa wanka ngaṟangi mantangka para-ngaṟapai tjuṯa, panya tjinatjara tjuṯa, tjuninguṟu ankupai tjuṯa, tjuḻpu tjuṯa kuḻukuḻu, palu uwankara kuka wiya.