Genesis 7:6 - Tjukurpa Palya

⁶ Ka uṟu puḻka mantangka wirkankunytja aṟangka Noah-nya wati irititja mulapa nyinangi yiya nampa 600.

Genesis 7:6 Iomraidhean Croise

Genesis 5:32

Ka wati Noah-nya yiya tjuṯa mulapalta nyinangi nampa 500 munu palulanguṟu katjatjararingu munu palunya ininu Tjimanya. Munu palulanguṟu katja kutjupa kanyinu ini Aamanya munu piṟuku kutjupa kanyinu ini Tjaipitjanya.

Genesis 7:11

Uwa, Noah-nya yiya panya 600 nyinanyangka maḻangka piṟa kutju ngaṟala wiyaringkula piṟa kutjupalta piṟuku ma-pakaṉu kutjararinytjikitja, ka nyara palula-aṟangka mina puḻka mulatu manta winki apu murpu tjuṯa kuḻu tjutuṉu. Panya uṟungka unngu manta unngunguṟu mina kutjupa puḻka mulapa ngalya-pakaṉu, ka uṟungku panya ma-puḻkaringkula ma-lipiringkula mantalta tjutuṉu. Ka panya ilkaṟinguṟu mina puḻka mulapa punkaṟa tjunguringangi uṟu panya mantatjangka munu kaḻaḻa mungangka kuḻu rawangku puyiningi piṟa kutjara nguwanpa.

Genesis 8:13

Uwa, Noah-nya tjana piṟa 10 nguwanpa pauta unngu nyinangi, ka tjiḻpi panya Noah-nya yiya nampa 601-aringu. Ka uṟu uwankara mantangka tjaṟuringkula wiyaringu. Ka Noah-lu pauta katutja araṉu munu para-nyakula nyangu manta ma-piḻṯiringkula waṉannyangka.

Matthew-ku 24:37

Panya ngula Watiku Katjanya pitjanyangka tjiṟirpi panya Noah-nya tjana iriti nyinanytja puṟunypa ngaṟaku.