Genesis 5:1 - Tjukurpa Palya

^1-2 Ka nyangatja Adamaku walytjapiti ma-tjuṯaringkunytja maḻatja maḻatja. (Panya Godalu aṉangu palyaṉu paluṟunku puṟunypa alatjiṯu. Ka paluṟu pula nyiṯayira kungka. Ka pulanya palyantjatjanungku pukuḻmanu munu pulanya ininu “aṉangu”.)

Genesis 5:1 Iomraidhean Croise

Genesis 10:1

Ka nyangatja uṟu puḻkangka maḻangka Noah-ku walytjapiti ma-tjuṯaringkunytja palumpa katja maṉkurnguṟu maḻatja maḻatja. Panya Tjimanya, Aamanya, Tjaipitjinya tjana katja tjuṯatjararingu, kaya palula tjanalanguṟu aṉangu ma-tjuṯaringu maḻatja maḻatja.

Genesis 2:4

Nyangatja tjukurpa ngaṉmanyitjatjara panya Mayatja Godalu manta ilkaṟi uwankara palyantjatjara. Ka panya ngaṉmanypa manta ilkaṟi palyannyangka ukiṟi munu puṉu tjuṯa mantangka wiya ngaṟangi, panya Godalu mina ngangkaḻitja mantangka puyintjaku iyantja wiya kuwaripaṯu. Ka manta tjawaṟa runyuṟa kaana palyantjaku aṉangu ngaṟanytja wiyaṯu kuwaripa.

Genesis 6:9

Ka nyangatja tjukurpa panya Noah-nyatjara. Panya paluṟu kutju wati tjukaṟuru nyinapai, palya mulapa, ka aṉangu tjuṯangku palunya kura puṯu ngurkantanangi. Panya paluṟu Godala wangaṉarangku kulilpai palumpa maḻpa mulapa.

Matthew-ku 1:1

Tjukurpa nyangatja Jesunya Christanyatjara. Panya Aipuṟamalanguṟu Isaacanya utiringu ka nyara palulanguṟu maḻatja maḻatja utiringkula waṉaṟa Davidanya utiringu. Ka Davidalanguṟu maḻatja maḻatja ma-ngaṟala waṉaṟa maḻatjalta Jesunya utiringu. Uwa, Aipuṟamalanguṟu ini nyanga paluṟu tjana ma-ngaṟala waṉaṟa Jesulalta wirkanu, ini nyanganpa

1 Kaṟintjaku 11:7

Palu palya uti wati kata tjutuntja wiya nyinama, panya Godalu paluṟunku puṟunypa wati paluṉu, kaya wati nyakula Godanya mirawaṉinyi. Palu minyma nyakula tjana wati alatjiṯu mirawaṉinyi, panya paluṟu-maṉṯu watinguṟu utiringkunytja.

2 Kaṟintjaku 3:18

Moselunku yunpa paluṟunku mantarangka tjutuṉu, kaya Israelkunu tjuṯangku yunpa palumpa irnyannyangka puṯu nyangangi. Ka panya nganaṉa palunya tjananya puṟunypa wiya, panya nganaṉa uti alatjiṯu nyanganyi Jesunya pitalytji puḻka irnyannyangka mayatja puḻka mulapa. Ka Mayatja Godalu Kurunpa Miḻmiḻṯu nganaṉanya tiṯutjarangku palu puṟunypa palyalkatinyi wiṟu mulapa nyinanytjaku pitalytji wiṟu palunya puṟunypa.

Ipitjaku 4:24

Palu kulilaya munuya mukuriwa palyanyku nyinanytjikitja kurunpa winki kampa kutjuparira. Panya Godalu nyuranya kurunpa kuwaritja palyaṉu palunya puṟunypa nyinanytjaku, ka nyara palulanguṟu nyura uti tjukaṟuru palyanyku nyinama paluṟu nyakula pukuḻarinytjaku.

Iipuṟuku 1:3

Godanya panya wiṟu mulapa nyinanyi pitalytji puḻkanya, ka paluṟu pitalytji nyanga palunya nganaṉala nintini panya paluṟu Mama puṟunypa alatjiṯu nyinanyi, wiṟu mulapa. Munu paluṟu manta ilkaṟi uwankara tjukaṟurungku kanyini witulya puḻkangku. Munu paluṟu nganampa ngalkilpa ilungu Godalu nganaṉanya kura tjuṯa palyantjitjanguṟu kalypangku pungkuwiyangku wantinytjaku. Munu panya palula maḻangka paluṟu ilkaṟikutu ankula Godala witulya puḻkangka tjunguringkula mayatja puḻkaṯu nyinanyi.

Iipuṟuku 12:9

Panya nganaṉa tjukutjuku nyinanyangka nganampa mama tjuṯangku nganaṉanya tjukaṟuruningi tjana wiṟu kulintjatjanungku mama panya mantatja tjuṯangku. Kala tjana wangkanyangka nganaṉa wangaṉarangku kuliningi. Palulanguṟula uti Mama ilkaṟitjangka ngapartji puḻkaṟaṯu kulinma mulamulangku palula tjungu pukuḻpa nyinanytjikitjangku. Panya paluṟu nganaṉanya alpamilantjikitjangku tjukaṟuruṉi nganaṉa kuliṟa palunya puṟunypa tjukaṟuru mulapa nyinanytjaku.