Genesis 44:4 - Tjukurpa Palya

^4-5 Palu palulanguṟu Josephalu palumpa panya wati waṟka wangkangu, “Warpungkula tjananya waṉaṟa nyawa! Tjinguṟuya nguṟurpa ma-pitjanyi, munu tjanala wangka alatji, ‘Ngayuku mayatja nyurampa mirpaṉarinyi panya nyura palumpa walpayaṯa wiṟu mulapa kutitjuṟa katingu. Panya paluṟu nyurampa wiṟuṟa mulapa tjukaṟurungku palyaṉu, ka nyura nyaaku palunya kuraṉu? Panya walpayaṯa palangka paluṟu kutju tjikilpai. Nyaanguṟu nyura katingu? Walpayaṯa palatja miḻmiḻpa panya kutjupa-aṟa paluṟu walpayaṯa unngu mina nyakula tjukaṟurungku ngurkantankupai ngula kutjupa kutjuparinytjaku, panya paluṟu wati ayinayini. Nyura panya palunya kura puḻka mulapa palyaṉu walpayaṯa palatja katira.’ ” Alatji Josephalu wituṉu palumpa waṟka ankula tjanala wangkanytjaku.

Genesis 44:4 Iomraidhean Croise

Genesis 44:13

Kaya kuṯa panya tjuṯa nyakula kawaṟu-kawaṟuringu munuya puḻkaṟa tjituṟu-tjituṟurira mantara tjanampa aṉangitja tjilpirpungu, panya tjakangkuya tjituṟu-tjituṟurira ulytja kaṯantankupai. Munuya puṯu kuliṟa yakutja tjuṯa tangkiyi tjuṯangka maḻakungku utitjuṟa nguṟurnguṟu maḻaku anu waḻi panya palulakutu wati panya Josephaku waṟkangka tjungu.

Genesis 44:3

Ka mungawinki munga-mungangka Josephalu tjananya tangkiyi tjuṯatjara ma-wantir'iyaṉu ngura panya Kainantakutu maḻaku ankunytjaku.

Johnku 10:32

Ka paluṟu tjanala wangkangu, “Ngayulu tjuṯa-aṟangku Mamalu nintinnyangka wiṟu tjuṯa palyaningi nyura nyakula nintiringkunytjaku. Kaṉi nyura nyaa palyannyangka miiḻaraṟa atuntjikitjangku kulini?”

1 Samuelku 24:17

Munu wangkangu, “Nyuntun wati palya ngayula munkara mulapa panya nyuntu wiṟu tjuṯa palyaningi ngayuku, kaṉa ngayulu kura tjuṯa kutju palyaningi nyuntumpa.