Genesis 42:22 - Tjukurpa Palya

²² Ka kuṯa puḻkangku Rupintu wangkangu, “Panya puṯuṉa nyurala wangkangu pungkuwiyangku wantinytjaku, ka nyura ngayunya kulilwiyangku alatjiṯu wantingu. Kala nyangatja nganampa ngapartjilta utiringanyi nganaṉa ngapartji ilunytjaku.”

Genesis 42:22 Iomraidhean Croise

Genesis 4:10

Ka palulanguṟu Godalu palunya wangkangu, “Wiya, nyaanguṟu nyuntu maḻanypa pungkula iluntanu? Utin wantima! Palu kuwari nyuntumpa maḻanypaku milkaḻingku mantanguṟu ngayunya wangkanyi nyuntunya ngapartji pungkunytjaku.

Genesis 42:23

Nyanga alatjiyanku wangkangi Josephala miṟangka wangka ngurpangka-palku. Panya Josephalu wati kutjupawanungku tjanala wangkangi wangka Itjipanya nguraṟangku, ka wati paluṟu ngapartji tjanala tjakultjunangi wangka tjanampangku. Palu Josephalu tjananya kulinu uwankara tjana irititja kuliṟa wangkanyangka, kayanku watarkungku ngaṟala alatjiṯu wangkangi Josephala wangka ngurpangka-palku.

Genesis 50:15

Palu Josephaku kuṯa tjuṯangkuya ngunti kuliningi Josephanya palumpa tjanampa kuraringkunyangka-palku aṟa panyanguṟu, panya palunyaya ngaṉmanytju kuraningi. Munuya mama wiyaringkunyangka kuliningi, “Kuwari-mantilampa maḻanyngampa mirpaṉarikulta nyanga mantangka kutjumpa.”

Luke-aku 23:41

Ngalinyaya kura palyannyangka utitjunu, palu wati nyangangku kura palyantja wiya alatjiṯu, kaya ngunti palunya iluntananyi.”

Acts 28:4

Kaya aṉangu panya Maltanya nguraṟa tjuṯangku nyangangi lirungku patjaṟa waṟaly-waṟalyngaṟanyangka. Munuya wangkangu, “Awari! Wati nyanga paluṟu-manti miriputju alatjiṯumpa, ka nganampa god ini ‘Ngapartji Pungkupainya’ tjinguṟu mukuringanyi paluṟu ilunytjaku. Panya paluṟu uṟungka tjarpara ilunytja wiyaṯu wanka wirkanu, palu nyanga lirungku palunya patjaṉu, ka kuwari nyangalta paluṟu ilunyi.”

Rome-aku 2:15

Panya Moseku tjukurtu wangkanyi yaaltji-yaaltji tjukaṟuru nyinanytjaku. Kaya tjukurku ngurpa tjuṯangku yaaltji-yaaltjingku kulini tjukaṟuru nyinanytjikitjangku? Wiya, Godalu panya ngaṉmanytju tjanala unngu nintinu. Ka tjana tjukurpa unngu kanyiṟa kulilpai yaaltji palya, yaaltji kura. Munuya nyara palulanguṟu kura nyinara nintingku kulilpai, “Munta, nyangatjaṉa tjinguṟu kura palyaṉi.” Munuya piṟuku tjukaṟuru nyinara kulilpai, “Munta, tjinguṟuṉa palya nyinanyi.”)

Revelation 13:10

“Godanya nyurampa ninti panya kutjupatjara nyuranya witintjaku ngaṟanyi munu tjailangka tjarpatjunkunytjaku kuḻu, kaya nyuranya mulapaṯu witiṟa tjarpatjunkuku. Munu piṟuku Godanya ninti nyurampa panya kutjupatjara nyuranya tjuḻa puḻkangka iluntankunytjaku, kaya nyuranya mulapaṯu tjuḻa puḻkangka iluntankuku.” Kaya nyangatja kuliṟa uti Godaku walytja tjuṯangku nguḻuringkuwiyangku tungun-tunguntu palunya waṉanma kurunpa rapangku.

Revelation 16:9

Ka kuḻi puḻkaringkula mulapaṯu tjananya kampangu, kaya Godaku puḻkaṟa mirpaṉarira warkingi panya tjananya puḻkaṟa kampanyangka. Utiya pinkuraraṟa Godanya kuliṟa waḻkunma, palu paluṟu tjana tungun-tunguntu kura palyalkatingi.

1 Samuelku 19:4

Munu mungawinki Jonathantu mulapaṯu mamangka panya wangkangu, “Nyaanguṟuṉa Davidanya iluntankuku? Panya paluṟunta rawa mulatu nyuntunya alpamilaningi. Wanyu paluṟu kutjupa kutjupa nyuntumpa ngunti palyaṉu? Wiya alatjiṯu. Kaṉa nyaanguṟulta iluntankuku?” Munu paluṟu wiṟu tjuṯa Davidanyatjara palula wangkangi alatji, “Kulila Mama! Davidalu panya nguḻu wiyangku alatjiṯu wati panya Kalaitjanya iluntanu, ka nyara palulanguṟulta nganaṉanya Mayatja Godalu alpamilaṉu nganaṉa Israelkunu tjuṯangku tjaultji Pilitjiyanya nguraṟa tjuṯa pungkula wiyantjaku, ka panyan nyakula puḻkaṟa alatjiṯu pukuḻaringu.”