Genesis 4:12 - Tjukurpa Palya

¹² Ka nyuntu tjinguṟu manta tjawaṟa runyulku ukiṟi uṉinypa tjunkunytjikitjangku, palu ukiṟi panya mantanguṟu pakantja wiya alatjiṯu ngaṟaku. Kan wantira ankula ngura tjuṯangka waara tiṯutjara para-pitjalinkuku munun ngura panya kutjungka puṯu nyinaku.” Alatji Mayatja Godalu Kainta wangkangu.

Genesis 4:12 Iomraidhean Croise

Genesis 4:13

Ka wati panya paluṟu wangkangu, “Wiya, nyangatja wituwitu mulapa. Nyuntu alatjingannyangkaṉa ngayulu puṯu wanka nyinaku.

Genesis 4:14

Panya nyuntu kuwari ngayunya ngayuku mantanguṟu paiṟa iyaṉi, kaṉa manta piṟuku tjawaṟa puṯu waṟkarinyi. Nyuntuṉin ngayunya mauṉṯananyi nyuntula miṟangka nyinanytja wiyaku, kaṉa kumpilpa tiṯutjara nyinaku. Palulanguṟuṉa ngura wiya waara para-pitjaliṟa nyinaku ngura kutjupangka kutjupangka, kaṉiya aṉangu kutjupa tjuṯangku tjinguṟu nyakula pungkuku.”

Rome-aku 8:20

Panya Adamalu pula kurantjanguṟu, Godalu wangkangu paluṟu paluntjitja uwankara kuraringkunytjaku munu ma-ailururingkunytjaku tiṯutjara. Palu nyanga paluntjitja uwankaraku Godanya watarkurinytja wiya, panya paluṟu kalkuṉu ngula piṟuku uwankara wiṟu mulapa maḻakungku palyantjikitjangku piṟuku kuraringkunytjaku wiya. Ka uwankara Godalu paluntja kutjuparira wiṟu mularariku Godaku walytja tjuṯangka tjungu.