Genesis 4:11 - Tjukurpa Palya

¹¹ Nyanga palulanguṟu kuwari nyuntumpa tjituṟu-tjituṟu puḻka ngaṟaku. Nyanganguṟu nyuntu manta tjawaṟa kaana puṯu palyalku. Panya mantangka nyuntumpa maḻanypaku milkaḻi tjutingu nyuntu palunya pungkula iluntankunyangka.

Genesis 4:11 Iomraidhean Croise

Genesis 3:14

Ka palulanguṟu Godalu lirungka wangkangu alatji, “Nyuntu kungka nyangatja ngunti kurannyangkaṉa nyuntunya ngapartji kuraṉi. Pala mantangka para-ngaṟapai kutjupa kutjupa tjuṯa nyinanyi, palu ngayulu nyuntunya kutju kuralku kutjupa tjuṯa wiya, kankuya aṉangu tjuṯangku nyuntumpa mukuringkunytja wiyangku alatjiṯu wantiku. Ka nyanganguṟu nyuntu tiṯutjara tjuninguṟu kutju para-pitjalinkuku kata ulpuru-ulpuru manta tjuningka pampuṟa.

Genesis 4:14

Panya nyuntu kuwari ngayunya ngayuku mantanguṟu paiṟa iyaṉi, kaṉa manta piṟuku tjawaṟa puṯu waṟkarinyi. Nyuntuṉin ngayunya mauṉṯananyi nyuntula miṟangka nyinanytja wiyaku, kaṉa kumpilpa tiṯutjara nyinaku. Palulanguṟuṉa ngura wiya waara para-pitjaliṟa nyinaku ngura kutjupangka kutjupangka, kaṉiya aṉangu kutjupa tjuṯangku tjinguṟu nyakula pungkuku.”

Kalaitjiyaku 3:10

Panya Godaku tjukurpa iriti Moselu nyiringka walkatjunkunytja ngaṟanyi alatji, “Utiya tjukurpa Godalu ngayunya ungkunytjitja uwankara, wangaṉarangku kuliṟa palyanma, tjukurpa uwankarangka tungunpungkuwiyangku. Tjinguṟu nyura tjukurpa kutjungka tungunpungkunyangka, Godalu nyuranya kukanymananyi, ngula pungkunytjikitjangku.” Alatji ngaṟanyi nyiringka. Ka tjinguṟu aṉangu kutjupa Godanya pukuḻmankunytjikitja mukuringkula tjukurpa Godalu Mosenya ungkunytjitja uwankara wangaṉarangku kulinma. Palu paluṟu tjinguṟu tjukurpa kutjungka tungunpungkula ngaṯalarinyi alatjiṯu, ka Godalu palunya pungkunytjaku alatjiṯu ngaṟanyi.

Revelation 12:16

Palu Godalu manta aḻaṉu uṟu ngaṯalpaṯu kaṟalukatinytjaku, ka minyma panya paluṟu wankaringu.