Genesis 27:8 - Tjukurpa Palya

⁸ Palu katja kulilaṉi, munu ngayulu wangkanytja palyala wangaṉarangku.

Genesis 27:8 Iomraidhean Croise

Genesis 25:23

Ka Mayatjalu tjapinnyangka kuliṟa palula wangkangu nyanga alatji, “Tjitji pala pulalanguṟu puḻka-aṉangu uṯuḻu kutjara ma-tjuṯaringkuku maḻatja maḻatja, panya palumpakunu tjuṯaringkuku, ka nyara kutjupaku palu puṟunypaṯu tjuṯaringkuku. Munuya paluṟu tjana uṯuḻu kutjara tiṯutiṯu nyinaku. Ka uṯuḻu kutju witulya puḻka ngaṟaku, palu uṯuḻu kutjupa upa nguwanpa ngaṟaku. Ka kuṯa panya maḻanypaku waṟkariku.” Alatji Mayatjalu Ripikanya utiṟa wangkangu.

Genesis 27:13

Ka ngunytjungku wangkangu, “Wiya wanti nguḻuringkunytja wiyangku, katja, panya mamangkunta nyuntunya kuranmankulampa ngayunya waintaṟa kulilku kura, nyuntunya wiyangku. Ka nyuntu ngayunya wangaṉarangku kuliṟa ankula nanikuta kutjara pungkula ngalya-kati.”

Genesis 27:7

Alatji paluṟu wangkangu, ‘Kukatju wakaṟa kati munuṉi pauṟa uwa kuka wiṟu mulapa, kaṉa ngalkula pukuḻarira nyuntunya wangkara pukuḻmankuku Mayatja Godala miṟangka ngayulu ilunytja kuwaripangka.’ Alatji paluṟu Iitjula wangkangu.

Genesis 27:9

Nganampa nanikuta tjuṯakutu ankula yangupala kutjara mantjiṟa ngalya-kati kaṉpi puḻka kutjara kuka wiṟu, kaṉa pauṟa palyalku kuka wiṟu mulapa panya nyuntumpa mamangku pukuḻṯu ngalkuntjaku.

Acts 4:19

Palu Peterlu pula kuliṟa tjanala ngapartji wangkangu, “Yaaltji tjukaṟuru ngaṟanyi? Nyura wangkanyangkali kuliṟa palyanma? Wiya, ngali Godalu wangkanyangka kutju wangaṉarangku kuliṟa palyaṉi.

Acts 5:29

Ka Peterlu tjana alatji wangkangu, “Utila aṉangungka kulintja wiyangku Godala kulinma palula kutjungka.

Ipitjaku 6:1

Tjitji tjuṯa, kulinmaya! Uti nyura Jesuku walytja nyinara ngunytjungka mamangka wangaṉarangku kulinma, panya Mayatjanya puḻkaṟa mukuringanyi nyura palula tjanala wangaṉarangku kulintjaku.