Genesis 22:4 - Tjukurpa Palya

⁴ Munu ankula ankula tjiṟirpi maṉkurarira Aipuṟamalu ngura palunya nyangu parari wati-ngarinyangka.

Genesis 22:4 Iomraidhean Croise

Genesis 22:3

Ka mungawinki mulapa Aipuṟamalu pakaṟa waṟu tjiwuru alkaṟangka atuṟa tangkiyingka tjunkula karpiṉu. Munu palumpa katja Isaacanya aḻṯingu wati palumpa waṟkaripai kutjara kuḻu, munuya tjunguringkula ma-pakaṉu ngura panya palulakutu panya Godalu wangkanytjalakutu.

Genesis 22:5

Munu paluṟu wati waṟka kutjara markuṟa wantikatingu, “Nyangangka pula nyinama tangkiyitjara paṯaṟa, kali katjanya ngali nyarangka ananyi Godanya waḻkuntjikitja, munuli waḻkuṟa wiyaringkula maḻaku piṟuku pitjanyi nyupalilakutu.”

Esther-ku 5:1

Munu palulanguṟu Esther-nya tiṟitja wiṟu mulata tjarpangu, munu ankula mayatjaku ruumangka itingka uti ngaṟangi tuwa aḻangka paluṟu nyakula aḻṯinytjaku. Ka wati panya mayatjangku palunya nyakula pukuḻaringu munu puṉu panya tjukara puṟunypa gold-nguṟu palyantjitja katuṉu paluṟu tjarpanytjaku. Ka Esther-lu nyakula ngalya-tjarpangu munu puṉu panya tjukara puṟunypa paluṟu katuṟa kanyintjanya ankala pampuṉu. Ka mayatjangku panya palula tjapinu, “Nyaaringun? Nyaakun mukuringanyi? Nyuntu mukuringkunyangkaṉa nyuntunya tjaraṟa puḻka mulapa ungkuku ngayulu kanyintjatjanungku.” Ka Esther-lu wangkangu, “Wanyu nyuntu pitjaku kuwari panya ngayulu mai puḻka palyaṟa wantingu nyuntu nganaṉa ngalkuntjikitjangku. Ka wati panya Aimannga kuḻu ngalya-katima nyuntula tjungu.” Ka nyanga palunya kuliṟa Mayatja panya pukuḻaringu munu wati palumpa waṟkangka wangkangu, “Ankula Aimannga warpungkula aḻṯi, kali paluṟu ngali ara Esther-ku ngurakutu mai ngalkuntjikitja.” Ka mulapaṯu ankula aḻṯingu wati palunya. Ka pula tjunguringkula anu Esther-ku ngurakutu munu pula mai wiṟu ngalkuningi palula tjunguringkula. Ka Mayatja panya puḻkangku Esther-la tjapinu, “Nyaakun mukuringanyi? Nyuntu mukuringkunyangkampa ngayulu nyuntunya tjaraṟa puḻka mulapa ungkuku ngayulu kanyintjatjanungku.” Ka Esther-lu wangkangu, “Ngayulu mukuringanyi nyuntu ngayuku pukuḻarinytjaku. Palu wanyu piṟuku pitja mungawinki mai kutjupaku Aimannga nyupaliṯu. Kaṉanta nyara palulalta tjakultjunkuku ngayulu mukuringkunytja.”

Exodus 15:22

Ka palulanguṟu Moselu tjananya ma-katingu Israelkunu tjuṯa, munuya uṟu panya Tjitin-tjitintanguṟu ma-paṯuringkula ma-ilytjingkaringu ngura pilangka ini Tjuula. Munuya tjiṉṯu maṉkurpa pilangka pitjaliṟa mina puṯu nguriningi.

Exodus 5:3

Ka pula palula wangkangu, “Wiya, Mayatja Godalu, panya aṉangu Iipuṟu tjuṯaku Godalu, ngalila mulapa utiringkula wangkangu. Palulanguṟu nganaṉanya kanyintja wiyangku wantir'iyanma tjiṟirpi maṉkurpa ankunytjaku ilytjikutu, kala nganaṉa kuka pungkula tiliwakaṟa Mayatja nganampa Godanya ungkuku paluṟu nganampa pukuḻarinytjaku. Palu nganaṉa tjinguṟu ankuwiyangku wantinyangkampa paluṟu nganaṉanya iluntankuku pika kutjupa kutjupa tjuṯa iyaṟa, munta tjinguṟulampa warmaḻa tjuṯa iyalku, kalanya iluntankuku.”

Matthew-ku 17:23

Ka ilunytjatjanu wankaringkula pakalku tjiṉṯu kutjara wiyaringkula.” Kaya nintintja tjuṯa alatji wangkanyangka kuliṟa puḻkaṟa tjituṟu-tjituṟuringu.

Luke-aku 13:32

Ka Jesulu tjanala wangkangu, “Wiya panya Iṟatanya wati tuuka alatjiṯu. Kaya ankula palula wangka panya ngayulu tjiṉṯu nyanga kuwari mamu tjuṯa aṉangu tjuṯanguṟu paini, munuṉa aṉangu pikatjara tjuṯa kuḻu palyaṟunguṉi munu mungawinki kuḻu, munuṉa palulanguṟu tjiṉṯu maṉkurnguṟu palyaṟa wiyalku waṟka uwankara.

1 Kaṟintjaku 15:4

Ka panyaya ilunyangka palunya kuḻpingka tjunu, ka Godalu palunya wankaṟa pakaltjingaṉu munga kutjara wiyaringkula, panya alatjirinytjaku wangkatjara tjuṯangku nyiringka iriti walkatjunu.

1 Samuelku 26:13

Palulanguṟu pula ankula puḻi kutjupangka tjukutjuku patu ngaṟanyangka ma-tatinu.