Genesis 21:6 - Tjukurpa Palya

⁶ Ka Tjiiṟalu wangkangu, “Godaluṉi iṯi nyanga palunya ngayunya ungkula puḻkaṟa mulapa pukuḻmanu munuṉi ikaritjingaṉu. Kaya kuwari aṉangu kutjupa tjuṯa ngayulu iṯi kanyintja kuliṟa puḻkaṟa pukuḻarira ikaringkuku ngayula tjungu.

Genesis 21:6 Iomraidhean Croise

Genesis 17:17

Ka wati panya paluṟu kuliṟa waḻkuntjikitjangku tultjungaṟakatira ngalyangku manta pampuṉu. Palu paluṟu unngu kuliṟa ikaringangi panya paluṟu kuliningi, “Ngali panyalinku tjiḻpi pampa mulapa. Yaaltjingaṟali tjitjitjararingkuku? Ngayulu irititja mulapa yiya 100 nyinanytja, ka Tjiiṟanya palu puṟunypaṯu irititja mulapa yiya 90 nyinanytja iṯi kanyintjikitja wiya.”

Luke-aku 1:14

Munu nyupali puḻkaṟa pukuḻariku, kaya aṉangu kutjupa tjuṯa kuḻukuḻu nyakula pukuḻariku.

Rome-aku 12:15

Ka kutjupa tjuṯa pukuḻarinyangka nyura uti tjanala tjunguringkulaṯu pukuḻarima. Munu tjituṟu-tjituṟu ulanyangka nyura uti tjanala tjunguringkulaṯu ulama.

Iipuṟuku 11:11

Munu paluṟu Godaku mulamularingkula tjitji utinu, panya paluṟu wati tjiḻpi ka palumpa miita Tjiiṟanya minyma pampa iṯi puṯu kanyilpai. Palu panya Godalu kalkuṉu tjitjiku, ka Aipuṟamanya mulamularingu palumpa panya paluṟu tjukaṟurungku wangkapai. Uwa, Aipuṟamanya panya wati tjiḻpi nyinangi tjitji puṯu utilpai, palu palula kutjunguṟuya walytjapiti mungilyiringu kililpi ilkaṟitja tjuṯa puṟunypa, munu paki kuḻuny-kuḻunypa tjuṯa panya karungka ngarinytja puṟunypa, mungilyi mulapa.