Genesis 21:5 - Tjukurpa Palya

⁵ Nyara palula aṟa Isaacanya iṯi wirkankunyangka palumpa panya mama Aipuṟamanya tjiḻpi mulapa nyinangi yiya 100 nyinanytjatjanu.

Genesis 21:5 Iomraidhean Croise

Genesis 16:16

Palu tjitji wirkankunytja-aṟangka Aipamanya tjiḻpi mulapalta nyinangi yiya tjuṯa 86 nyinanytjatjanu.

Genesis 17:1

Ka ngula Aipamanya tjiḻpiringkula yiya tjuṯa 99 nyinanyangka maḻangka Godalu palula utiringkula wangkangu, “Ngayuluṉa God Witulya Puḻkanya. Kaṉi nyuntu ngayunya wangaṉarangku kulinma munu tjukaṟuru mulapa nyinama kutjupangku nyuntunya nyakula kuranmankunytjaku-tawara.

Genesis 17:17

Ka wati panya paluṟu kuliṟa waḻkuntjikitjangku tultjungaṟakatira ngalyangku manta pampuṉu. Palu paluṟu unngu kuliṟa ikaringangi panya paluṟu kuliningi, “Ngali panyalinku tjiḻpi pampa mulapa. Yaaltjingaṟali tjitjitjararingkuku? Ngayulu irititja mulapa yiya 100 nyinanytja, ka Tjiiṟanya palu puṟunypaṯu irititja mulapa yiya 90 nyinanytja iṯi kanyintjikitja wiya.”

Genesis 25:26

Ka katja maḻatja mapalku wirkanu wanapari kuṯa paalpa maṟangku witiṟa, ka palunya ininu Jacobanya. Ka katja nyanga pula wirkankunytja-aṟa Isaacanya yiya nampa 60 nyinangi.

Rome-aku 4:19

Ka Aipuṟamanya panya rawa mulapa nyinangi kuḻi tjuṯa mulapa yiya 100 nguwanpa, munu paluṟunku kuliningi, “Panya ngayulu kuwari tjiḻpi mulararingu munuṉa waṯalpi ilunytjikitjalta nyinanyi. Ka ngayuku kuri Tjiiṟanya tjitji wiya alatjiṯu pamparingu panya ngali rawa mulapa nyinangi.” Palu nyanga alatji kuliṟa paluṟu tiṯutjara Godaku mulamularingangi watarkurinytja wiya. Munu palumpa mulamularingkula kurunpa kuṉpuringu munu Godanya rawangkuṯu mirawaṉingi.

Iipuṟuku 6:15

Ka Aipuṟamanya rawa alatjiṯu Godaku mulamularingangi nguṟurpa watarkurinytja wiya alatjiṯu. Ka Godalu palunya mulapaṯu ungu panya paluṟu kalkuntjatjanungku.