Genesis 20:3 - Tjukurpa Palya

³ Ka munga kutjupa Godanya utiringu Pimalikala paluṟu ngarira tjukurmankunyangka munu wangkangu palula, “Nyuntu kuwari ilunyi minyma nyanga palunya aḻṯirampa, panya paluṟu ngaṉmanytju aḻṯinytja, kuritjara.”

Genesis 20:3 Iomraidhean Croise

Genesis 12:17

Palu Godalu nyangu mayatja panya Piiṟalu Tjiiṟainya mantjinnyangka munu palulanguṟu palunya pikatjaraṉu, palumpa waḻingka waṟkaripai tjuṯa kuḻu. Kaya uwankara pika puḻkaringkula ngarira waṉingi.

Genesis 12:18

Ka Piiṟalu kulinu munu Aipamanya aḻṯira wangkangu, “Nyuntu ngayunya ngunti kuraṉu. Nyangatjaṉin ngunti ungu nyuntumpa maḻanypa-palku kaṉa aḻṯinytjikitjangku mantjinu. Palu nyanga paluṟu kunyu nyuntumpa kuri. Walangkunku mantjiṟa ma-kati!”

Genesis 20:7

Palu kuwari minyma nyanga palunya maḻakungku uwa wati palumpa kuri. Wati paluṟu panya ngayuku wangkatjara, munu paluṟu ngayula tjapilku nyuntumpa, kaṉanta wantiku iluntankunytja wiyangku. Palu nyuntu maḻakungku ungkuwiyangku wantirampa kulinma panya nyuntu munu nyuntumpa aṉangu tjuṯa uwankara iluku.” Alatji Godalu Pimalikala wangkangu paluṟu ngarira tjukurmankunyangka.

Genesis 28:12

Munu paluṟu kunkunpa ngarira tjukurmanangi tjukalpa mantanguṟu ilkaṟikutu ma-ngaṟanyangka, kaya Godaku angelpa tjuṯa ngalya-ukalingkula ma-tatiningi tjukalta panya.

Genesis 31:24

Panya Jacobalu tjana puḻi murpu katu ngura tjunkula nyinangi. Ka Laipantu palumpa walytja tjuṯatjarangku palu puṟunypaṯu puḻi murpu kutjupangka ngura tjunu. Ka munga pala palula Laipantu ngarira tjukurmanu Godalu palula wangkanyangka alatji, “Jacobala nyuntu wangkanytja wiyangku wantima. Palunya pauntjingaṟa kuranmankuwiyangku wantima, munu kalypa-kalypantja wiyangku kuḻu wantima.” Alatji Godalu palula wangkangi ngarira tjukurmankunyangka.

Genesis 37:5

Ka munga kutjupangka Josephalu tjukurmanu munu mungawinki ankula palumpa kuṯa tjuṯangka tjakultjunu,

Genesis 37:9

Ka ngula Josephalu munga kutjupa piṟuku tjukurmanu munu piṟuku tjakultjunu kuṯa tjuṯangka, “Kulilaya! Piṟukuṉa tjukurmanu munuṉa alatji nyangu, tjiṟirpi, piṟa, kililpi tjuṯa 11-tu tultjungaṟakatira ngayunya waḻkunnyangka.”

Genesis 40:8

Ka pula wangkangu, “Mungangka ngali tjukurmanu munuli puṯu kuliningi. Ka aṉangu kutjupangku pitjala ngalila kuliṟa utiṟa wangkanytjaku wiya ngaṟanyi.” Ka Josephalu wangkangu, “Godanya ninti, panya nyupali tjukurmankunytja paluṟu kutjungku utilpai. Walangku pula wanyu wangka panya nyupali tjukurmankunytja, kaṉa kuliṟa Godala tjapilku ka paluṟu utilku.”

Jonah-ku 3:4

Ka Jonah-nya ngura Ninipala tjarpara ankula nguṟurpa wirkaṟa aṉangu tjuṯangka wangkangi Godalu wangkanytja alatji, “Tjiṉṯu 40-nguṟu kunyu Godalu nyuranya uwankara mulapa wiyalku aṉangu, kuka, waḻi uwankara, kutjupa maḻaringkula ngaṟanytjaku wiya.”

Matthew-ku 1:20

Ka alatji Josephalu unngu kulinnyangka Mayatja Godaku angelpa palula utiringu mungangka paluṟu ngarira tjukurmankunyangka, munu wangkangu, “Josepha, Davidakun katja, kulilaṉi! Kuṉṯaringkunytja wiyangku wantima Mary-nya aḻṯira kanyintjikitjangku panya iṯi nyanga paluṟu Kurunpa Miḻmiḻṯanguṟu, wati kutjupanguṟu wiya.

Matthew-ku 27:19

Munu mayatja paluṟu palumpa tjiya puḻkangka nyinangi, panya tjiya nyara palula nyinara paluṟu aṉangu kutjupa palulakutu katinyangka ngurkantankupai. Ka paluṟu tjiya nyara palulanguṟu tjanala wangkanyangka palumpa kuringku wati kutjupa wituṉu Pilate-ala tjakultjunkunytjaku alatji, “Wati palatja tjukaṟuru mulapa, panya ngayulu palunya mungangka tjukurmanu munuṉa puḻkaṟa nguḻuringkula tjititingangi. Ka palunya wantima iluntankunytjaku wangkanytja wiyangku.”