Biblia Todo Logo
Bìoball air-loidhne

- Sanasan -




Genesis 20:1 - Tjukurpa Palya

1-2 Ka Aipuṟamanya ngura panya Mamaṟainya wantikatira anu uḻpaṟira munu ngura tjunkula nyinangi pilangka Kainanta uḻpaṟira ngura ini Katitjala pulala Tjuula nguṟurpa. Munu palulanguṟu piṟuku ankula ngura kutjupangka ini Kiṟarta ngura tjunkula nyinangi. Palu ngura Kiṟarku mayatja nyinangi wati ini Pimalikanya. Ka Aipuṟamalu ngura pala palula nyinara nguratja tjuṯangka wangkangi nyanga alatji, “Minyma nyanga Tjiiṟanya ngayuku maḻanypa.” Alatji paluṟu kuri palumpa maḻanypanmanangi. Ka mayatja panya Pimalikalu wati palula waṟkaripai wituṉu ankula Tjiiṟanya mantjiṟa ngalya-katinytjaku, panya mayatja paluṟu palunya aḻṯinytjikitja mukuringangi. Ka mulapaṯu ankula mantjiṟa ngalya-katingu, palu Pimalikalu minyma palunya aḻṯinytja wiyangku kanyiningi kuwaripangku.

Faic an caibideil Dèan lethbhreac




Genesis 20:1
23 Iomraidhean Croise  

Palulanguṟuya Aipamanya tjana piṟuku ma-pakaṉu uḻpaṟira munuya rawa ma-pitjalinangi manta panya Kainanta uḻpaṟira pilakutu.


Uwa, wati panya Aipamanya kutjupa kutjupa tjuṯatjararingu, panya paluṟu kuka kutjupa kutjupa tjuṯa mulapa kanyiningi tjiipi tjuṯa, nanikuta tjuṯa, puluka, tangkiyi tjuṯa kuḻu munu apu tjiilpa, gold puḻka kuḻu kanyiningi. Munu paluṟu pula kuriṟarangku nyanganpa uwankara Itjipalanguṟu katingu munu pula tjina-aṟangka anu kakaraṟa munuya ma-itipirira ma-wirkanu manta panya palulaṯu panya pila Kainanta uḻpaṟira. Ka palumpa maḻanypaku katja kuḻu palula tjungu anangi wati panya Lotanya.


Ka Aipamanya tjana rawa nyinangi ngura nyara Kainanta kuḻi nyiṉnga 10-pa. Ka Aipamaku kuringku Tjiiṟailu tjitji puṯu kanyiningi palumpa. Munu paluṟu kulinu palumpa kungka waṟkaripai ini Aikanya ngura panya Itjipanya nguraṟa Aipamanya kalkuṟa ungkunytjikitjangku tjitji palumpa utintjaku. Munu paluṟu wangkangu palumpa kuringka, “Mayatja Godaluṉi tjitji wiyaṉu. Ka nyuntu uti kungka nyanga ngayuku waṟkaripaingka ngarima. Ka tjinguṟu paluṟu tjitji ngalimpa kanyilku panya ngayulu puṯu kanyini.” Ka Aipamalu kuliṟa palya kulinu. Ka palulanguṟu Tjiiṟailu kungka panya Aikanya ungu Aipamanya palula tjunguringkunytjaku.


Palulanguṟuya aṉangu tjuṯangku kuwari mina pala palunya wangkapai alatji, “Ngura nyanga palula panya palunya nyangu Tiṯutjara Nyinapailu”. Ka mina panya paluṟu kuwaripaṯu ngarinyi ngura panya Katitjala pulala Piṟitjila nguṟurpa.


Munu paluṟu ngura ini Tjuuku iwarangka ankula ilytjingka nguṟurpa wirkanu mina waḻangka paku puḻka. Munu mina tjikiṟa nyinangi pakuwiyaringkunytjikitja, ka angelpa Mayatja Godaku palula utiringu munu wangkangu, “Aika! Nyuntu minyma panya Tjiiṟaiku waṟkaripai nyinangi. Yaaltjinguṟun pitjangu? Munun yaaltjikutu ananyi?” Ka wangkangu, “Ngayuluṉa ngayuku mayatjanguṟu wirtjapakaṉu.”


Ka Aipuṟamanya ngura miḻmiḻṯa ini Mamaṟaila nyinangi puṉu panya waṟa tjuṯangka itingka. Munu tjiṉṯu kutjupa paluṟu wiltjangka nyinangi kuḻi puḻkangka tiinta tjaangka, ka Mayatja Godanya palula utiringu.


Munu Aipuṟamanya manta nyara Pilitjiyala rawa mulapa nyinangi.


Ka nyara palula-aṟangka wati panya Isaacanya pilangka nyinangi Kainanta uḻpaṟira, ka palumpa ngurangka itingka mina piṯi ngaringi, panya mina pala palunyaya wangkapai nyanga alatji, “Ngura nyanga palula panya palunya nyangu Tiṯutjara Nyinapailu”.


Kaya Itjumailku walytjapiti ma-tjuṯa mulararingu maḻatja maḻatja munuya manta lipiwanu nyinara waṉaningi nyanga alatji panya Itjipala kakaraṟa ngura ini Tjuulanguṟu ma-nyinara waṉaningi kakaraṟakutu ngura ini Apilalakutu. Munuya paluṟu tjana Aipuṟamaku walytja kutjupa tjuṯaku tiṯutjara mirpaṉtju nyinangi kalypa wiya.


Ngaṉmanypa panya Aipuṟamanya nyinanytja aṟa ailuru puḻka ngaṟangi manta nyara palula munu wiyaringu. Munu ngulalta piṟuku ailuru puḻkaringu. Ka Isaacanya Pilitjiyanya nguraṟa tjuṯaku mayatjakutu anu wati panya Pimalikalakutu ngura panya Kiṟarta nyinanyangka.


Palu Kiṟarnga nguraṟa kuka kanyilpai tjuṯa pikaringu Isaacaku waṟka tjuṯaku wangkara, “Mina nyangatja nganampa!” Ka palulanguṟu Isaacalu mina palunya ininu “Pikaringkunytjanya”.


Ka wati panya Pimalikanya Kiṟartanguṟu palulakutu pitjangu Isaacanya nyakunytjikitja. Munu paluṟu palumpa mayatja palula maḻatja kutjara kuḻu katingu, kutju ini Awutjanya panya palumpa maḻpa mulapa, ka kutjupa ini Pikalnga panya palumpa tjaultji tjuṯaku mayatja.


Ka Isaacalu wangaṉarangku kulinu munu ngura nyara Kiṟarta nyinangi ngura kutjupakutu ankunytja wiya.


Ka palulanguṟu Moselu tjananya ma-katingu Israelkunu tjuṯa, munuya uṟu panya Tjitin-tjitintanguṟu ma-paṯuringkula ma-ilytjingkaringu ngura pilangka ini Tjuula. Munuya tjiṉṯu maṉkurpa pilangka pitjaliṟa mina puṯu nguriningi.


Lean sinn:

Sanasan


Sanasan