Genesis 2:7 - Tjukurpa Palya

⁷ Palulanguṟu Mayatja Godalu manta mantjinu munu wati palyaṉu mantanguṟu. Munu paluṟu wati mulya puuṟa kurunpa tjarpatjunu, ka wati paluṟu puntu winki wankaringu.

Genesis 2:7 Iomraidhean Croise

Genesis 1:27

Munu mulapaṯu Godalu aṉangu paluṉu paluṟunku puṟunypa. Ka paluṟu pula wati munu kungka.

Genesis 2:6

Palu manta unngunguṟu aṟuma puṟunytju pakaṟa pupara manta tulykuningi.

Genesis 3:19

Munu nyuntu mantangka mai pakaltjingantjikitja puḻkaṟa mulapa waṟkariku akuṟi-akuṟi puḻka. Palu nyuntu puḻkaṟa waṟkarinytja wiyangku wantira mai tjukutjuku mantjilku munun puṯu nguwanpa paḻtjaringkuku. Nyuntu tiṯutjara alatjiṯu waṟkariku ilunytjakutu-wangkara, munun ilura manta pala palula tjunguringkula piṟuku mantaringkuku. Panya ngayulu nyuntunya mantanguṟu palyaṉu, ka nyuntu ilura piṟuku mantaringkuku.” Alatji Godalu watingka wangkangu.

Genesis 3:23

Munu Godalu pulanya kaana panya ini Edentanguṟu paiṟa iyaṉu ankula ngura kutjupangka manta tjawaṟa runyuṟa waṟkarinytjaku. Panya Godalu wati mantanguṟu palyaṉu, munu pulanya kuraringkunyangka paiṟa iyaṉu manta panya palulaṯu maikitja waṟkarinytjaku.

Genesis 7:22

Uwankara panya mulyanguṟu tjaanguṟu ngaalymankupai ilungu uṟu unngu. Mantangka wanka para-ngaṟapai uwankara mulapa wiyaringu Godalu uṟungka wiyannyangka, aṉangu tjuṯa, kuka tjuṯa, kuka wiya tjuṯa, tjuninguṟu ankupai tjuṯa, tjuḻpu tjuṯa kuḻu uwankara paluṟu wiyaṉu. Ka Noah-nya tjana pauta panya unngu nyinanytja tjuṯa kutju wankaringu.

Aitjayaku 2:22

Ala! Wanyuya aṉangu tjuṯaku mulamularingkunytja wiyangku wantima nyuranya alpamilantjaku, panya paluṟu tjanaya upa mulapa munuya iluku munuya nyuranya puṯu wankaṟu kanyilku.” Alatji Aitjayalu tjanala wangkangu.

Itjikilku 37:5

Panya paluṟu Mayatja puḻkangku nyurala wangkanyi alatji, ‘Ngayulu nyuranya ngaalypa ungkuku nyura wankaringkunytjaku.

Itjikilku 37:6

Munuṉa piṟuku nyurala pulyku iltjanpa kuḻu tjungulku. Munuṉa palulanguṟu nyuranya miṟingka tjutulku. Ka nyura ngaalypatjararingkula piṟuku wankaringkuku. Munu nyura palulanguṟu ngayunya kulilku panya mulapa ngayulu Mayatja Godanya nyinanyi.’ ” Alatji Godalu ngayula wangkangu palumpa tjukurpa tarka tjuṯangka tjakultjunkunytjaku.

Johnku 20:22

Munu palulanguṟu tjananya puuṉu munu wangkangu, “Kuwariṉa nyurala Kurunpa Miḻmiḻnga tjarpatjunanyi, kaya mantjila nyurala tjunguringkula nyinanytjaku.

Acts 17:25

Paluṟu nyinara paṯalpai wiya aṉangu tjuṯangku palunya alpamilantjaku, panya paluṟu alatjiṯu aṉangu uwankara ngaalypa ungkupai wanka nyinanytjaku munu kutjupa kutjupa uwankara kuḻu aṉangu tjuṯaku palyalpai.

Rome-aku 9:20

Kaṉa palunya wangkaku, “Wiya, nyuntun aṉangu munun nyaaku nyanga alatji wangkanyi, panya Godalu nyuntunya palyaṉu, ka nyuntu uti Godala ngaparpungkula wangkanytja wiyangku wantima. Panya watingku piti palyantjitjangku wanyu ngaparpungkula wangkapai, ‘Nyaakuṉin alatji palyaṉu?’ Wiya, piti palyantjitjangku alatji wangkapai wiya.

1 Kaṟintjaku 15:45

Panya nyiringka iriti walkatjunkunytja ngaṟanyi alatji, “Godalu ngaṉmanytju wati Adamanya paluṉu aṉangurira mantangka wanka nyinanytjaku.” Ka wati kutjupa Adam maḻatja pitjangu ini Christanya. Ka Godalu palunya ilunyangka wankaṟa pakaltjingaṉu paluṟu ngapartji nganaṉanya Kurunpa Miḻmiḻṯawanungku wankaṟa pakaltjingantjaku palula tjungu tiṯutjara nyinanytjaku.

1 Kaṟintjaku 15:47

Panya wati ngaṉmanyitja Adamanya mantanguṟu palyantja. Ka maḻa wirkanu Adam maḻatja ini Christanya mantatja wiya, ilkaṟitja.

2 Kaṟintjaku 4:7

Palu kulilaya! Tjinguṟu kutjupangku piti kurakura tjuḻpirnguṟu palyantja mantjini munu kutjupa kutjupa wiṟu mulapa tjunanyi piti palula. Ka palu puṟunytju Godalu ngalinya piti kurakura kutjara puṟunypa mantjinu, munu ngalila unngu wiṟu mulapa tjunu Tjukurpa Palya Jesunyatjara ngali aṉangu tjuṯangka wangkara utintjaku. Panya ngali ngaḻṯutjara kurakura kutjara ka nyura kulinma tjukurpa nyangatja ngalilanguṟu wiya, Godalanguṟu. Panya ngali Tjukurpa Palya wangkanyangka nyara paluṟu kutjungku aṉangu tjuṯa kuliṟa wangaṉararingkunytjaku palyalpai.

2 Kaṟintjaku 5:1

Panya mantangka nyanga nyinara nganaṉa kurunpa puntu winki nyinapai, panya nganaṉa wiltjangka tjarpara nyinapai, palu puṟunypa nganaṉala kurunpa puntungka unngu nyinanyi. Palu ngula nganaṉa ilunyangka Godalu puntu kuwaritjangka nganaṉanya tjarpatjunkuku paluṟu palyantjitjangka, kala puntu palunyatjara palumpa ngurangka tiṯutjara wanka nyinaku.

1 Timitjiku 2:13

Panya Godalu wati Adamanya ngaṉmanytju palyaṉu munu maḻangkalta minyma palyaṉu, Eve-anya panya. Ka panya minyma palunya lirungku ngunti kuraṉu, ka panya kuliṟa mulamularingu tiṯuṟa munu Godala tungunpungu. Ka wati panya Adamanya lirungka mulamularingkunytja wiya. Pala palulanguṟuṉa minyma tjuṯa pailpai wati tjuṯangka nintintjaku wiya, tjana wati tjuṯaku mayatjarinytjaku-tawara.

Iipuṟuku 12:9

Panya nganaṉa tjukutjuku nyinanyangka nganampa mama tjuṯangku nganaṉanya tjukaṟuruningi tjana wiṟu kulintjatjanungku mama panya mantatja tjuṯangku. Kala tjana wangkanyangka nganaṉa wangaṉarangku kuliningi. Palulanguṟula uti Mama ilkaṟitjangka ngapartji puḻkaṟaṯu kulinma mulamulangku palula tjungu pukuḻpa nyinanytjikitjangku. Panya paluṟu nganaṉanya alpamilantjikitjangku tjukaṟuruṉi nganaṉa kuliṟa palunya puṟunypa tjukaṟuru mulapa nyinanytjaku.