Genesis 2:3 - Tjukurpa Palya

³ Munu paluṟu tjiṉṯu pala palunya miḻmiḻmanu palumpa tjiṉṯu wiṟu ngaṟanytjaku, panya tjiṉṯu pala palula paluṟu pakuwiyaringu uwankara palyaṟa wiyantjatjanu.

Genesis 2:3 Iomraidhean Croise

Genesis 1:31

Ka Godalu uwankara palyantjatjanungku nyakula pukuḻaringu uwankara wiṟu mulapa ngaṟanyangka. Ka tjiṉṯu nyanga maṉkur-maṉkuritja mungartjirira mungaringkula ngalya-tjiṉṯuringu.

Genesis 2:2

Paluṟu panya tjiṉṯu maṉkur-maṉkurpa palyaṟa wiyaṉu munu palulanguṟu tjiṉṯuringkula nyinara pakuwiyaringu piṟuku palyantja wiya tjiṉṯu panya 7-ta.

Genesis 2:4

Nyangatja tjukurpa ngaṉmanyitjatjara panya Mayatja Godalu manta ilkaṟi uwankara palyantjatjara. Ka panya ngaṉmanypa manta ilkaṟi palyannyangka ukiṟi munu puṉu tjuṯa mantangka wiya ngaṟangi, panya Godalu mina ngangkaḻitja mantangka puyintjaku iyantja wiya kuwaripaṯu. Ka manta tjawaṟa runyuṟa kaana palyantjaku aṉangu ngaṟanytja wiyaṯu kuwaripa.

Exodus 23:12

“Munu nyura uti tjiṟirpi 6 kutju waṟkarima munu palula maḻangka tjiṟirpi 7-ta waṟkariwiyangku wantira pakuwiyaringama, ka nyurampa aṉangu waṟkaripai tjuṯa kuḻu uti waṟka wiya nyinara pakuwiyaringama, munu nyurampa puluka, tangkiyi tjuṯa kuḻu. Ka aṉangu malikitja tjuṯa kuḻu uti nyurala tjungu nyinara pakuwiyaringama tjiṟirpi panya 7-ta.

Exodus 34:21

“Munu nyura uti tjiṉṯu 6 waṟkarima, munu palula maḻangka tjiṉṯu panya 7-ta nyinara tjiṉṯu kutju pakuwiyaringama waṟkarinytja wiya. Tjinguṟu waṟka puḻka ngaṟanyi kaanangka manta tjawaṟa waṉantjaku, munta tjinguṟu mai urantjaku, palu tjiṉṯu 6 waṟkarinytjatjanungku tjiṉṯu panya 7 wirkankunyangka waṟka palatja wantima munu nyinara pakuwiyaringama.

Markaku 2:27

Munu Jesulu piṟuku wangkangu tjanala, “Kulila, Godalu aṉangu tjuṯa-waraṟa palyaṉu munu palulanguṟu kutju tjiṉṯu pakuwiyaringkunytjaku tjunu paluṟu tjana pakuwiyaringkula pukuḻpa nyinanytjaku.

Luke-aku 23:56

Munuya nyakula wiyaringkula maḻaku anu ngurakutu paṉṯi wiṟu nyiṯilpai ngaṉmanytju mantjiṟa riti palyaṟa tjunkunytjikitja. Munuya tjiṉṯu tjarpanyangka nyinara pakuwiyaringangi tjiṉṯu panya Saturday wirkankunyangka, panya Moseku tjukurtu alatji pakuwiyaringkunytjaku wangkapai.