Genesis 18:2 - Tjukurpa Palya

² Panya Aipuṟamalu watarku nyinara nyinara ma-ira-nyakula nyangu wati maṉkurpa ngurangka itingka ngaṟanyangka. Munu nyakula paluṟu mapalku pakaṟa ngapari-ngapari wirtjapakaṉu munu tjanala kuranyu tultjungaṟakatira tjananya waḻkuṉu ngalyangku manta pampuṟa.

Genesis 18:2 Iomraidhean Croise

Genesis 17:3

Ka Aipamalu kuliṟa tultjungaṟakatira ngalyangku manta pampuṉu Godanya waḻkuntjikitjangku, ka piṟuku palula wangkangu, “Kulilaṉi! Nyanga alatjiṉa nyuntunya kalkuṉi, panya ngayulu nyuntunya tjunkuku kutju-tjamu puḻka nyinanytjaku manta winkitjaku ngura kutjupitja kutjupitja tjuṯaku.

Genesis 18:16

Palulanguṟuya pakaṟa anu wati panya maṉkurpa. Ka Aipuṟamanya kuḻu tjanala unytju anu wangkara iyantjikitja tjananya. Munuya tjukutjuku ankula ngura kutjupangka wirkaṟa walunyangangi ngura tawunu ini Tjatamanya.

Genesis 18:22

Ka palulanguṟu wati kutjara maḻakukutuṟa anu ngura Tjatamalakutu. Palu Mayatjanya ankunytja wiya ngaṟangi Aipuṟamala munu pula tjukurpa ngaṟala wangkangi.

Genesis 18:3

Munu tjananya paluṟu markuṉu wangkara, “Wati wiṟu tjuṯa! Waara ankuwiyangkuya wantima munuya ngayuku ngurangka wanyu pakuwiyariwa tjukutjuku. Panya ngayulu nyuranya pukuḻmankunytjikitja mukuringanyi.

Genesis 19:1

Ka angelpa panya kutjara mungartjirinyangka ngura Tjatamala wirkanu. Ka wati panya Lotaku ngura tawunu pala palula ngaṟangi. Ka paluṟu unytju tawunungka itingka ankula nyinangi kaitangka, iwarangka itingka. Munu paluṟu angelpa kutjara pitjanyangka nyakula mapalku pakaṟa ngaparikatingu munu pupakatira ngalyangku manta pampuṉu pulanya waḻkuntjikitjangku.

Genesis 23:12

Ka Aipuṟamalu pukuḻarira piṟuku tjanala kuranyu pupakatira manta ngalyangku pampuṉu, munu paluṟu wangkangu wati panya Ipuṟanta aṉangu tjuṯangka miṟangka, “Wiya wiṟunya, palu ngayulu nyuntula payamilantjikitja mukuringanyi mani nampa panya nyuntu wangkanytjitjangka. Wanyu-puṯa mani mantjila, kaṉa kuḻpi nyara palula ankula ngayuku kuri tjuṉutjura.”

Genesis 23:7

Ka nyangatja kuliṟa Aipuṟamalu pukuḻarira pakaṟa tjanala kuranyu pupakatira manta ngalyangku pampuṉu, munu wangkangu, “Munta wiṟu tjuṯa nyura! Munuya wanyu piṟuku kulila! Wiṟungkuya-puṯa tjapila wati pala Ipuṟannga panya Tjauwaku katja paluṟu kuḻpi ini Makipilanya ngayula tjalamilantjaku, panya kuḻpi paluṟu palumpa mantangka ngaṟanyi kantilytja. Ka paluṟu mani nampa wangkanyangkaṉa tjukaṟurungku payamilalku nampa panya palunya alatjiṯu, ka kuḻpi panya paluṟu ngayuku alatjiṯu ngaṟaku ngayuku walytja tjuṯa tjuṉutjunkunytjaku.”

Genesis 24:63

Munu nyara palula nyinara paluṟu mungartji kutjupa ilytjikutu anu unytju, tjinguṟu urukulintjikitja. Munu ilytjingka ma-pitjala kata ma-katuṟa aḻa miṟantjikitjangku nyangu kamula tjuṯa ngalya-pitjanyangka.

Genesis 32:24

Munu paluṟu wantira kutju nyinangi maḻaringkula. Ka wati kutju pitjala pulanku lirintaṟa aṉṯa-waṉira para-waṉira para-waṉira munga waṟangka.

Genesis 42:6

Ka Josephanya panya Itjipaku mayatja nyinangi, kaya aṉangu tjuṯangku maiku mukuringkula palulawanungku kutju payamilalpai. Kaya Josephaku kuṯa tjuṯangku palula wirkaṟa pupakatira ngalyangku manta pampuṟa mayatjanmanangi. Palu tjana palunya ngurkantankunytja wiya alatjiṯu kuliṟa wati Itjipanya nguraṟa-palku. Ka Josephalu kutju palumpa kuṯa tjuṯa mapalku ngurkantanu, munu paluṟu tjanala wangkanytja wiya ngaṟangi wati malikitja puṟunypa. Munu paluṟu tjananya mirpaṉ-mirpaṉṯu tjapinu, “Ai, nyura ngura nganalanguṟu pitjangu?” Kaya wangkangu, “Ngura Kainantanguṟula pitjangu mai payamilantjikitja.”

Genesis 43:26

Munuya pitjanyangka nyakula palulakutu katingu munuya ungkula tultjungaṟakatira ngalyangku manta pampuṟa palunya waḻkuṉu.

Genesis 43:28

Kaya wangkangu palula, “Uwa, nganampa mama wankaṯu nyinanyi pukuḻpa.” Munuya piṟuku tultjungaṟakatira tjaṟu mulapa ngampaḻngaṟala palunya waḻkuṉu.

Genesis 44:14

Ka Josephanya ngurangka nyinangi palumpa kuṯa tjuṯa Judah-nya tjana maḻaku wirkankunytjaku paṯaṟa. Kaya mulapaṯu wirkaṟa palunya nyakula kuranyu tultjungaṟakatingu nyakula ngaḻṯuringkunytjaku tjanampa.

Genesis 48:12

Ka palulanguṟu Josephalu pulala wangkangu, “Alatjiṯulta wanti pula tjamunya ampuntja wiyangku, palya.” Munu Josephanya mamangka tultjungaṟakatira ngalyangku manta pampuṉu palunya waḻkuntjikitja.

Rome-aku 12:13

Munuya aṉangu Jesuku walytjangku kutjupa kutjupa kanyintja wiya nyinanyangkampa nyakula palunya alpamilaṟa ungama, munuya palu puṟunypaṯu malikitja pitjanyangka nyakula aḻṯira ngurangka tjunama papulankunytja wiyangku.

Iipuṟuku 13:2

Munu nyura uti aṉangu ngura kutjupitja pitjanyangka nyakula papulankunytja wiyangku mantjiṟa nyurampa ngurangka pukuḻṯu kanyinma. Panya iriti aṉangu kutjupangku aṉangu-palku angelpa mantjiṟa kanyiningi palumpa ngurangka. Ka nyura uti palu puṟunytjuṯu malikitja mantjiṟa pukuḻṯu kanyinma nyurampa ngurangka.

1 Peterku 4:9

Ka tjinguṟu Jesuku walytja kutjupa malikitja ngura kutjupanguṟu pitjanyi kaya nyakulampa mapalkungku nyurampa ngurangka aḻṯira tjunama papulankuwiyangku, munu palunya pukuḻṯu kanyinma mirpaṉ-mirpaṉṯu wangkanytja wiyangku.

Ruthaku 2:10

Ka Ruthalu kulinu panya Pawatjanya paamaku mayatja munu paluṟu ngurkantaṟa tultjungaṟakatira ngalyangku manta pampuṟa palunya waḻkuṉu. Munu wangkangu, “Ngayulu maliki ngura nyangatja nguraṟa wiya, palu nyuntu ngayunya wiṟuṟa wangkanyi.”