Genesis 10:11 - Tjukurpa Palya

^11-12 Munu manta nyara palulanguṟu Nimaṟatalu manta kutjupakutu ankula tawunu puḻka tjuṯa palyaṉu manta ini Atjiṟiyala. Paluṟu tawunu panya puḻka tjuṯa ini nyanganpa palyaṉu Ninipanya, Rayupatja Iirnga, Kaalanya tjananya, munu tawunu kutjupa ini Ritjinnga kuḻu palyaṉu ngura Ninipala pulala Kaalala nguṟurpa. Ka ngura Kaalanya panya tawunu puḻka mulapa ngaṟangi.

Genesis 10:11 Iomraidhean Croise

Jonah-ku 1:2

“Jonah, pakaṟa ara ngura tawunu ini Ninipalakutu. Ngura nyara palula panya aṉangu mungilyi mulapa nyinanyi. Kaṉa kuwari tjananya nyanganyi kura puḻka nyinanyi. Ka nyuntu tjanala ankula wirkaṟa alatji wangka, ‘Nyuranya Godalu nyakula kuranmananyi munu nyuranya tjinguṟu iluntankuku.’ ”