Genesis 1:6 - Tjukurpa Palya

^6-7 Ka Godalu piṟuku wangkangu, “Uṟu pala tjarariwa munu katu tjaṟu ngarima ka nguṟurpa aḻa puḻka ngaṟama.” Ka paluṟu wangkanyangka mulapaṯu tjararingu, panya Godalu wangkangku uṟu tjaraṉu munu katu tjaṟu ngarinytjaku wangkangu munu nguṟurpa aḻa puḻka ngaṟanytjaku.

Genesis 1:6 Iomraidhean Croise

Genesis 1:14

Ka Godalu wangkangu, “Ilkaṟingka pala tili tjuṯa utiriwa nyinara manta irnyantjikitja kutju kaḻaḻaku, kutjupa tjuṯa mungaku.” Munu Godalu tili puḻka kutjara tjunu, kutju puḻka mulapa ini tjiṉṯu kaḻaḻa irnyantjaku, munu kutjupa tjuku nguwanpa ini piṟa mungangka irnyantjaku. Munu paluṟu kililpi tjuṯa mulapa ilkaṟingka tjunu mungangka irnyantjaku. Munu Godalu wangkangu, “Tili nyanga palula tjanalanguṟuya aṉangu tjuṯangku nyakula kulilku tjiṉṯuringkunyangka munu mungaringkunyangka munuya piṟa ma-ngarinyangka nyakula kulilku piṟa kutju ngaṟala wiyaringkunytja, munuya palulanguṟu kuḻi, nyiṉnga, piriyakutu kuḻu ngurkantankuku.” Ka mulapaṯu uwankara alatjiringu Godalu wangkanyangka.

Genesis 1:20

Ka Godalu wangkangu, “Pala uṟungka unngu kuka tjuṯa utiringkula tjuṯariwa antipina kutjupa kutjupa tjuṯa mungilyi mulapa, waṉampi tjuṯa, uṟu unngutja kutjupa kutjupa uwankara. Munu ilkaṟingka tjuḻpu kutjupa kutjupa tjuṯa parpakaṟa para-ngaṟama mungilyi mulapa.”

Psalm 19:1

Godanya wiṟu mulapa, panya nganaṉa ilkaṟi nyakula palunya kulini uti, panya mulapa nyanganpa Godalu paluntja uwankara.

Psalm 19:2

Tjiṉṯu kutjupa tjiṉṯu kutjupa nganaṉa ilkaṟi nyakula Godanya mulapa kulini. Ka mungangka palu puṟunypaṯu ilkaṟingku nganaṉala nintini Godalu witulya puḻkangku palyantja.

2 Peterku 3:5

Alatji tjana nyuranya anaṟa wangkaku, palu paluṟu tjana kura ngunti wangkapai tjuṯa. Panya aṉangu nyanga palu puṟunypa tjuṯangkuya tjukurpa panya Godalu paluntjitja kuliṟa wantingu mulamularingkunytja wiyangku. Panya Godalu wangkanyangka ilkaṟi utiringu munu paluṟu wangkanyangkaṯu manta utiringu uṟu kutju ngarinytjatjanu. Uwa, paluṟu manta utiringkunytjaku wangkangu, ka panya uṟunguṟu pakaṉu.