Genesis 1:3 - Tjukurpa Palya

³ Palulanguṟu Godalu wangkangu, “Kaḻaḻari!” Ka kaḻaḻaringu.

Genesis 1:3 Iomraidhean Croise

Genesis 2:4

Nyangatja tjukurpa ngaṉmanyitjatjara panya Mayatja Godalu manta ilkaṟi uwankara palyantjatjara. Ka panya ngaṉmanypa manta ilkaṟi palyannyangka ukiṟi munu puṉu tjuṯa mantangka wiya ngaṟangi, panya Godalu mina ngangkaḻitja mantangka puyintjaku iyantja wiya kuwaripaṯu. Ka manta tjawaṟa runyuṟa kaana palyantjaku aṉangu ngaṟanytja wiyaṯu kuwaripa.

Matthew-ku 8:3

Ka Jesulu maṟangku pampuṟa wangkangu, “Uwa, ngayulu mukuringanyi nyuntu palyaringkunytjaku.” Munu palulanguṟu wangkangu, “Palyariwa!” Ka mapalku pika panya wiyaringkula miṟi winki palyaringu.

Johnku 1:5

Tili nyara paluṟu mungawaḻuṟu irnyaṟa wiyalpai alatjiṯu, ka mungawaḻuṟungku tili nyara palunya puṯu wiyaṉi. Tili paluṟu ngaṟanyi alatjiṯu wiyaringkunytja wiya.

Johnku 1:9

Tili nyara paluṟu tjukaṟuru mulapa aṉangu winki irnyalpai. Nyara paluṟu mantangka wirkaṟa utiringu.

Johnku 11:43

Munu nyangatja wangkara puḻkaṟa mirangu, “Lazarus! Ngalya-pakala!”

Johnku 3:19

Palu tili Godalanguṟu mantangka wirkaṟa nyinanyi Godanya tjukaṟurungku nintintjikitja. Kaya aṉangu tjuṯangku tili pala palunya wantipai mungawaḻuṟuku mukuringkula tjana rawangku kurantjatjanungku. Nyara palulanguṟu Godalu tjananya ngurkantaṟa wantir'iyantjaku ngaṟanyi.

2 Kaṟintjaku 4:6

Panya Godalu kuwaripatjara mungawaḻuṟu puḻka ngaṟanyangka wangkangu kaḻaḻarinytjaku ka kaḻaḻaringu, munu God panya paluṟuṯu nyuntunya nganaṉanya palu puṟunytjuṯu mungawaḻuṟungka nyinanyangka irnyaṟa kaḻaḻaṉu nganaṉa pina aḻaringkula mulamulangku kulintjaku panya Godalu nganaṉanya Christalawanungku wankaṟunu.

Ipitjaku 5:14

Panya tilingku irnyaṟa utilpai, ka uwankara utiringkupai, palu puṟunypa kurakura tjuṯa utiringkuku. Panya iriti nyiringka walkatjunkunytja ngaṟanyi alatji, “Kunkuntjanuya wankariwa munuya ilunytjatjanu pakanma. Ka Christalu nyuranya irnyaṟa utilku.”

Ipitjaku 5:8

Panya ngaṉmanypa nyurampa kulintja mungawaḻuṟu nguwanpa ngaṟangi ka nyura kura tjuṯa kutju palyalpai. Palu kuwari nyanga nyura Christaku walytjaringkula kulintja utiringu munu nyura tilingka puṟunypa nyinanyi. Palu tilingka nyinapai tjuṯa tjukaṟuru nyinapai, ka nyura tjananya puṟunypa nyinama tilingka.

1 Timitjiku 6:16

Panya paluṟu kutju ilunytja wiya tiṯutjara wanka nyinanyi. Paluṟu panya tili puḻkangka nyinanyi pitalytji puḻka mulapa, kala palulakutu puṯu ilaringanyi. Panya aṉangu kutjupangku palunya nyakuwiya alatjiṯu. Paluṟu kutju Mayatja witulya puḻka mulapa aṉangu tjuṯangku puḻkanmankula mirawaṉinytjaku rawa mulatu.

1 Johnku 1:5

Tjukurpa nyangatjala Jesula kulintjatjanungku nyurala ngapartji tjakultjunanyi alatji, panya Godanya tili irnyaṉi wiṟu mulapa, ka palula mungawaḻuṟu kura ngaṟanytja wiya alatjiṯu.

1 Johnku 2:8

Palu tjukurpa nyanga paluṟu kuwaritja nguwanpa ngaṟanyi, panya Christalu nganaṉala puḻkaṟa nintinu tjukurpa nyanga palunya nganaṉa puḻkaṟa mulapa unngu kulintjaku. Panya Christalu tilingku irnyaṟa utinu tjukurpa nyanga palunya, ka palulanguṟu mungawaḻuṟu ma-wiyaringanyi panya paluṟu tili puḻka irnyaṟa ngaṟanyangka.