Danielku 9:7 - Tjukurpa Palya

⁷ Mayatja, nyuntu tiṯutjara tjukaṟuru nyinanyi. Palu nganaṉa uwankara nyuntula tungunpungangi kulintja wiya alatjiṯu munula nyangatja kuliṟa kuwari puḻkaṟa kuṉṯaringanyi. Nganaṉa panya ngura kutjupa kutjupa tjuṯangka nyinara nyangatja kulini. Tjara kutjupala Jerusalemala nyinanyi, tjara kutjupala Judah-la nyinanyi, ka panya tjara kutjupa tungunpungkunyangka nyuntu Israeltanguṟu parari iyaṉu ngura kutjupa tjuṯakutu, kala ngura nyara palula tjanala kuḻu nyinara kuwari nyuntula piiwiyaringanyi.

Danielku 9:7 Iomraidhean Croise

Psalm 51:14

Mayatja God, nyuntu kutjungku ngayunya wankaṟunkuku. Panya ngayulu kurangku iluntanu, katju ngaḻṯuriwa munuṉi kalypangku wantima pungkuwiyangku. Kaṉa aṉangu tjuṯangka tjakultjura katungku mirara wangkara nyuntu ngayunya wiṟungku tjukaṟuruntja.

Psalm 51:4

Mayatja, ngayulu panya kura palyaṟa nyuntunya puḻkaṟa kuraṉu, panya painuṉin, kaṉa kuliṟa wantira pampuṉu, kan ngayunya tjukaṟurungku kuranmananyi, munuṉin palya wiyaṉi.

Danielku 9:14

Uwa mayatja, panya nganaṉa nyuntumpa watarkurinyangka nyuntu nganaṉanya nyangangi alatjiṯu, munu panyan tjukaṟurungku kura nyangatjalta angatjunkuwiyangku wantir'iyaṉu nganaṉa kuliṟa wantinyangka.

Danielku 9:18

Mulapa Mayatja, wiṟungkuṉitju kulinma. Ngura panya nyara Jerusalemala waḻi uwankaraṯu minya-minya ngaṟanyi, ka nyuntu wanyu maḻakungku wiṟungku palyala. Mulapa nganaṉa nyuntula tungunpungkula nyuntunya kuraningi munu nyangala kuwari kurangkuṯu nyuntula tjapini, kalampa wanyu ngaḻṯuringama mayatja mukulya pukuḻtju puḻka.

Danielku 9:8

Uwa Mayatja God, nganaṉa munu nganampa walytjapiti ngaṉmanyitja tjuṯa nyuntula tungunpungkunytjatjanulta kuwari puḻkaṟa kuṉṯaringanyi nganampa mayatja puḻka tjuṯa kuḻu.

Aimatjaku 9:9

Panya ngayulu wangkaku nyurampa mirpaṉtju tjuṯa pitjala nyurampa puḻkaṟa pikaringkunytjaku, kaya nyuranya kura palyalpai tjuṯa wakaṟa pungkula wiyalku munuya tjara kutju palya nyinapai tjuṯa wanka katiku tjanampa ngurakutu ngura malikitja tjuṯakutu.

Rome-aku 6:21

Munu nyura wanyu kura palyantjatjanu puḻkaṟa pukuḻaringu? Wiya, nyura kuwari kuṉṯaringanyi kura ngaṉmanytju palyantjatjanungku kuliṟa. Panya aṉangungku kura rawangku palyaṟa kurunpa winki ilunyi.