Danielku 8:21 - Tjukurpa Palya

²¹ Ka panya nanikutangku nintini manta ini Greece-anya, ka yuṟuwilya waṟangku nintini Greece-aku mayatja kuranyitja.

Danielku 8:21 Iomraidhean Croise

Danielku 10:20

Kaṉi angeltu wangkangu alatji, “Nyaakuṉa-puṯa pitjangu nyuntulakutu? Ngayulu pitjangu tjukurpa panya palunya nyuntula wangkara utintjikitja, tjukurpa panya Godalu nyiringka walkatjuṟa wantinytjitja. Kuwariṉa nyanga palula maḻangka maḻaku ananyi, munuṉa angelpa panya Puutjanya nguraṟa tjuṯa kanyilpaiku pikaringkuku, ka ngayulu palunya pungkula waintarinyangka angelpa kutjupa ngapartji ngura Kiṟitjinya kanyilpainya ngayuku piṟuku pikaringkuku. Palu angelpa panya mayatja ini Michaeltuṉi kutjungku ngayunya alpamilalpai. Nyara paluṟu panya Israelkunu tjuṯa aṯunymankupai.

Danielku 11:2

Munu piṟukuṯu angelpa panya paluṟu ngayula wangkangu alatji, “Kuwariṉa tjukaṟurungku nyuntula utiṟa wangkanyi. Panya mayatja maṉkurpa kutjupa manta nyara Puutjala ngapartji-ngapartji nyinara waṉalku, ka palula maḻangka mayatja kutjupa nyinakatiku. Nyara paluṟu mani puḻkatjara nyinaku mayatja panya ngaṉmanyitja tjuṯangka waintaṟa mulapa, munu mani nyara puḻkanguṟu paluṟu witulya puḻkaringkuku kuṉpu puḻka mulapa, munu paluṟu kutjupa uwankara wituwitulku aṉangu Kiṟitjinya nguraṟa tjuṯaku pikaringkunytjaku.

Danielku 11:3

Palu mayatja nyara paluṟu wiyaringkuku, ka palumpa aṟangka wati kutjupa ngapartji mayatjariku munu paluṟu palumpa kulintjitja-wanungku kutju palyalku paluṟu mukuringkuntjitja kutju. Munu paluṟu ngura kutjupa tjuṯaku mayatjarira mayatja puḻka mulapalta nyinaku ngura winkiku, palu puḻka mulapa nyinanytjatjanu mayatja paluṟu wiyaringkuku. Ka wati maḻikitja kutjara kutjarangku tjunguringkula kulilku mayatja panya palumpa ngura uwankara tjara-tjaraṟa mauṉṯalpa-mauṉṯalpangku mayatjarira kanyintjikitjangku kutjungku kutjungku. Palu mayatja nyara paluṟu tjanaya upa nguwanpa nyinaku kuṉpu wiya, panya wati mayatja ngaṉmanyitja kuṉpu puḻka nyinangi, palu puṟunypa wiya.

Danielku 2:39

Panya nyangun pilpirpa munu miṉa tjiilpanguṟu palyantja – nyara paluṟu nintini mayatja kutjupa nyuntula aṟangka maḻangka nyinakatinytjaku kuṉpu wiya nguwanpa.

Danielku 7:6

“Palulanguṟuṉa piṟuku nyangu mamu kutjupa ngapartji leopard puṟunypa kata kutjara kutjaratjara, munu paluṟu tjuḻpuku nyaḻpi kutjara kutjara tjaṉangka kanyiningi. Ka kutjupangku mamu palunya tjunu aṉangu tjuṯa mayatjarira kanyintjaku.

Danielku 8:20

Panya yuṟuwilya kutjara tjiipi panya ramangka ngaṟanytjalu nintini mayatja puḻka kutjara Miitanya-nguraṟa tjuṯaku munu Puutjanya nguraṟa tjuṯaku.

Danielku 8:22

Ka panya yuruwilya waṟa kaṯakatinyangka piṟuku yuṟuwilya kutjara kutjara pakaṉu, nyara paluṟu tjanaya nintini mayatja kutjara kutjara utiringkunytjaku, palu tjana upa nguwanpa panya ngaṉmanyitja puṟunypa wiya.