Danielku 6:1 - Tjukurpa Palya

¹ Munu Taṟiyatjalu mayatjarira manta tjaraṉu ngura kutju kutju ngaṟanytjaku 120 panya tjuṯa mulapa, munu wati tjuṯa ngurkantaṟa tjunu ngura panya palunya tjananya kutjungku kutjungku mayatjarira kanyintjaku.

Danielku 6:1 Iomraidhean Croise

Esther-ku 1:1

Iriti wati ini Tjuukitjinya mayatja puḻka mulapa nyinangi ngura tjuṯa mularku. Munu paluṟu tawunu ini Tjuutjala nyinara ngura palunya tjananya kanyiningi. Munu tjiṉṯu kutjupa paluṟu aṉangu winki aḻṯingu palumpa ngurakutu mai puḻka pitjala ngalkuntjaku tjiṉṯu tjuṯa. Kaya aṉangu tjuṯa mulapa pitjangu munuya puḻka ngalkula tjikiningi. Ka mayatja paluṟu palumpa kuri wangkangu mantara wiṟungka tjarpara palula tjungu pitjala ngaṟanytjaku aṉangu tjuṯangku nyakunytjaku. Palu paluṟu pitjanytja wiyangku wantingi. Ka mayatja panya paluṟu palumpa kuriku puḻkaṟa mirpaṉaringu munu palunya painu munu kutjupa aḻṯinytjikitjangku nguriningi.

Danielku 11:1

Panya ngayuluṉa palula ngaṉmanypa tjunguringkula palunya alpamilaningi wati panya Taṟiyatjanya aṉangu Miitanya-nguraṟa tjuṯaku mayatjarinyangka.” Alatji angel Gabrieltu ngayunya wangkangi.

Danielku 3:2

Munu paluṟu mayatja tjuṯa aḻṯingu ngura uwankaranguṟu pitjala tjunguringkunytjaku munu inma puḻka palyaṟa wati-wati panya palunya waḻkuntjaku. Kaya mulapaṯu mayatja uwankara pitjangu manta panya Papilanta ngura winkinguṟu. Tjara kutjupaya nguraku mayatja, tjara kutjupaya nintipuka, tjara kutjupaya mani kanyilpai, kaya kutjupatjara kuutpangka ngurkantankupai, kutjupa tjaraya kamanta tjuṯa ngura tjuṯangka waṟkaripai.

Danielku 5:31

Ka palumpa aṟangka wati ini Taṟiyatjanya mayatjaringu. Nyara paluṟu panya ngura ini Miitanya-nguraṟa munu paluṟu 62 years old nyinangi.

Danielku 6:2

Munu wati maṉkurpa kuḻu ngurkantaṟa tjunu Danielnga tjananya paluṟu tjana mayatjangku nyakunytjaku wati 120 palunya tjananya, ka Danieltu tjana palunya tjananya nyangangi tjana ngura tjuṯa tjukaṟurungku aṯunymankunytjaku ngunti palyantjaku-tawara.

Danielku 9:1

Ka wati panya Taṟiyatjanya Papilanku mayatja nyinangi. Wati nyara paluṟu panya Miitanya-nguraṟa wati ini Tjukitjiku katja. Ka wati paluṟu mayatja yiya kutju nguwanpa nyinanyangka ngayulu nyiri Godaku tjukurpa nyakula riitamilaningi panya wangkatjara Jeremiah-lu alatji walkatjunkunytja, “Ngura nyara Jerusalemanya yiya 70-kutu tiṯutjara kaṯalypa ngaṟaku.”